المساعد الشخصي الرقمي

مشاهدة النسخة كاملة : قصية لاخت الشاعر بندر بن سرور


احمد بن حزام البدراني
23-12-2006, 03:17 PM
قصيده لأخت الشاعر بندر بن سرور ..وهي. هيا بنت سرور العتيبي


وفي القصيدة تلوم صويمل وربما كان خادم لديهم ، لكنه غير نافع ولاجدوى منه كليا وأليكم القصيدة

ياصويمل ماتمل من الدوادي
لوينادي الزول عندك ماتجيبه

ياصويمل جعل تاكلك الحنادي
تاكل التفاح وانته ماتجيبه

ياصويمل ماتمل من الجهادي
تتطحن في البيت واخلاقك غضيبه

في كفالة من يضدون المعادي
في حما آل سعود ربي معتنيبه

ماركبت الخيل ف ايام الطرادي
ولاضواك الليل في دار غريبه

ولاضواك الليل مكتوف الأيادي
ولاعوى سرحان وزنك ف الزريبه

ولاحضرت بمعركة نظم التوادي
في بهار بارز شره وطيبه

دون حلوات اللبن قرم يفادي
يعتزي باللي تحن وتنتخي به

في يداه مسلب يفر الفوادي
ابلج يمناه ماتخطي الضريبه

ولاركبت الجيش ولهن اجتلادي
والظمى والقيض حاديهن لهيبه

ولاكلت رجليك غزلان الشدادي
ولاكوتك الميركه فوق النجيبه

ولاتدلي بالقلص حبل الورادي
في قليب حايم طيره وذيبه

ولاطردت الصيد مع بيض الرهادي
ولارميت الظبي لين انك تصيبه

ولاتدن النجر رمز للمنادي
وسط بيت خاثر بنه وطيبه

ولاتقلط في الصحن كبر النوادي
كبش مصلاح تفرشبه عصيبه

وسط ربع كلهم ضد المعادي
بين خال وعم وعلوم عجيبه

ياصويمل ماحصل غير الدوادي
ماتسوي مثلها والكذب خيبه وارجو ان تحوز القصيدة على اعجابكم ، ولاعجب من هيا فأخوها شاعر كبير رحمه الله
-------------------------------------------------------

ماجد البدراني
23-12-2006, 04:27 PM
تلك القصيدة رائعة من روائع بندر بن سرور ابدعت هياء في كتبت قصيدة جزلة قوية كان كاتبها هو بندر


فلا عجب ولااستغراب فهي اخت الشاعر الذي لم يمت شعره


احدن ينام وحط راسه بكمه

واحدن تخم النوم عينه وتخطيه
واحدن يحاول بالردى بنت عمه
واحدن يحاول ستر عذرى عونيه


والارواع من هذه القصيدة


النقل الرائع والراقي من ولد الحضار


سلمت يمناك