الضمير الحي

[فهد نفيع البدراني]

كيف مر الليل ما عمّض جفن
والضمير الحي عيّا مستراح

والهموم اللي على صدري لفن
أقعدني لين نور الصبح لاح

إن بغيت النوم فزّن ووقفن
آتقلدهن على صدري وشاح

كل ما نامن عيوني أو غفن
اركزن طعناتهن مثل الرماح

الهموم إرياح وتمر السفن
لو تمر إشراعهن عجّل وطاح

من سبايب علةٍ ما تندفن
كاسبة من جدها فوق المزاح

العقارب لا اضلم الليل ودفن
بان لك من سمّها سمٍ ذحاح

لو تخفّن من نجسهن ما انظفن
ما انقلن للطيب يوم الطيب فاح

والقوافي لو غابن واختفن
لا شكيت الحال جني بالمراح

ما شكيت الحال للوجه العفن
الردي ماله على الفزعة صلاح

خلّها بالصدر وضلوعي كفن
لو اخفّيها وتزيد الجراح

[عبدالمطلوب مبارك البدراني]

صح لسانك يا فهد واعتلا شانك
ويامرحبا يا ابن العم من طول الغيبات جاب الغنايم
قصيدة اعدت قراءتها مراراً وهناك من الاهات ما يصعب البوح به
ولكننا نجد في مثل هذا البوح الشعري ضالتنا
نريد المزيد من القصائد الرائعة

لك فائق احترامي

[مشاري البدراني]

صح لسانك مليووووون ولاهنت يافهد قصيده رااااائعه

[فهد نفيع البدراني]

ابو ناصر اسعدني مرورك
ويعطيك العافية

[فهد نفيع البدراني]

مشاري البدراني اسعدني مرورك
ويعطيك العافية