يا بــــحــــر شــعـــري

[فهد نفيع البدراني]

يابحر شعري والمعاني على الجال
يقفي بها جزرك وبالمد تقبل
جاتك كما مزنٍ على القاع همال
همالها يسقي فياضٍ ليا هل
مرت خفوقي مالقت فيه مدهال
وبين الحنايا مالقت مسكن وحل
فيها خبر لابد يذكر وينقال
اعظم من السيف المهند ليا سل
يالآدمي ياقف بك العمر لو طال
تقبل منايا سهمها ماتمهل
ماتنفعك دنياك في روس الاموال
ولاينفعك لو دربها ينفرش زل
كم شجرةٍ من بعد ما ظلها مال
يمر يوم ولايجي تحتها ظل
ترحل لحالك مامعك غير الاعمال
ولاينذكر لك غير ماكنت تعمل
هذي هي الدنيا نزولٍ وترحال
احدٍ رزق مولود واحدٍ فقد خل

[مشاري البدراني]

الله الله

صح لسانك مليووووون اخوي فهد وبيض الله وجهك قصيده جزله ومعبره لاهنت


تحياتي واحترامي

[عبدالمطلوب مبارك البدراني]

صح لسانك ابو عبد العزيز
قصيدة رائعة وﻻ غرابة
انت أهل لها بيض الله وجهك
ولك فائق احترامي

[الشاعر بدر راشد]

ماهو غريب نسمع ونقرا الشعر الجزل لبو عبد العزيز صح الله السانك