رافقتك السلامة

[عبدالله مناور البدراني]

رافقتك السلامة


حاولت أخفي دمعتي وافضحتني=وهلّت دموع العين مثل الغمامة
يوم اشرت في يدها وودعتني=وقالت حبيبي رافقتك السلامة
في رهبت الموقف مشت واتركتني=واختل جسمي ماقوت به عظامه
الله يا دنيا الفراق اتعبتني=وحطت في صدري من الهم علامة
صبري قوي مير المواقف حدتني =غصبن أهل الدمع هذا مقامه
وغيبتك مهما تطول ماغيرتني =باقي على عهدك لايوم القيامة
شعر/ أبووليد البدراني =

[عبدالمطلوب مبارك البدراني]

صح لسانك يا ابو وليد واعتلا شانك

ابيات رائعة روعة حضورك

لك فائق التقدير والاحترام

[حجازي أصيل]

صح لسانك واعتلى شانك

[عبدالله مناور البدراني]

أبو ناصر
ابن عابد
صحة أبدانكما وشرفتموني بمروركما
لكم كل الحب والتقدير

[حجازي أصيل]

يابو وليد ابسط حقوق الضيافه=الضيف جازه لو ماتعرفه ويعرفك
واللي يوافيك النباء الزين وافه=وعن السبب والله ماني محلفك
وان كان في ردك عليه كلافه=يالصاحب مسامح ولاني مكلفك
ترا (صح لسانك) ماقلتها من لقافه=هذا صحيح العلم ماني مصرفك

[عبدالله مناور البدراني]

الأخ والشاعر القدير حجازي أصيل يقولون على قدر المحبة يأتي العتاب
ويعلم الله اني رديت عليك بالبداية لكن غلطت بالاسم بدال مااكتب اسمك كتب اسم بن عابد
فالمعذرة منك
وقصيدتك تدل على شاعرية وتمكن واحتراف من الصعب اني اتجاهلها بدون ماارد عليها فسمحلي بهذا الرد واكرر لك اعتذاري يا الغالي


ياصاحبي ماهي غرور وعيافه = ويحز في نفسي علينا تعنفك
يمكن كتب اسمك خطا بالصحافة= غلطة ولاني قاصد اني احرفك
وبحق من زار الحرم ثم طافه = من عاليات القوم لا جيت أصنفك
( بصحة بدنك ) الرد ياتي بقافة = مثلك يشرفني ومثلي يشرفك
= أبووليد ،،

[حجازي أصيل]

ابـــو وليــــــد
بكل صراحة اني واثق ميه بالميه
انك كتبت الإسم بالخطاء لأن ابن عابد
مالقيت له تعليق وأنت ذكرت اسمه
وانا كتبت الأبيات أريدك تنتبه للخطاء
من باب المزح والطرافة .
وانت وافي ولا انت هافي يابن الحمايل
والله لا يهينك .

[عبدالمطلوب مبارك البدراني]

حجازي اصيل .....أبو وليد

بيض الله وجيهكم والعتب على قدر المحبة وابيات جميلة ورد جميل

لكم فائق الحية والتقدير

[عبدالله مناور البدراني]

الأخ القدير حجازي اصيل تأكد اننا في هذا المنتدى اعضاء ومشرفين كلنا اخوان هدفنا هو الرقي بهذا المنتدى في شتى المواضيع واختلافنا مهما كان لا يفسد للود قضية .
وانا لي طلب وهو ان يكون لك ديوان في هذا المنتدى يحمل اسمك الصريح فنحن نريد ان يكون بيننا شعراء موهوبين نفخر بهم وانت واحد منهم ، فأتمنى أن أرى ذلك قريباً .
أخوكم أبووليد ،،

[عبدالله مناور البدراني]

شاكرين مرورك وحضورك يا ابا ناصر لك فائق الود والتقدير ،،

[علي زيد]

صح لسانك يابو وليد شعرك يلامس المشاعر

[عبدالله مناور البدراني]

صح بدنك يا الغالي وشرفتني بمرورك

يقول الشاعر جميل صدقي الزهاوي :

إذا الشعر لم يهززك عند سماعه

فليس حرياً أن يقال له شعر