احمد بن حزام البدراني
24-12-2006, 04:06 PM
الشاعر محمد بن عبدالمحسن البدراني يعارض قصيدة الشاعر عويض العتيبي
يقول شاعرنا الكبير محمد بن عبدالمحسن البدراني:
استوقفتني قصيدةقديمة وهي للشاعر عويض العتيبي .
تحركت لها أحاسيسي وجاريتها بقصيده أتمنى أن ترقى
لمستوى قصيدته
هذه هي قصيدة الشاعر عويض سفر النفيعي :
لي ثمان أسنين تايب عن دروب الغـرام
والعشيه شفت مهرة خفوقي وجمحـت
مهـرةٍ ماتنثنـي للعـنـان وللـجـام
تسذير من الهواء يالشقـاوي وجفلـت
غاليه ومحشمـه عنـد اهلهـا ماتظـام
تذبح العشـاق برموشهـا لاسلهمـت
ياالشقاوي شفتها يـوم مـرت بالمنـام
ليت قلبي في سباته وعينـي ماصحـت
ليت ربي حقق الحلم مع بـدر التمـام
ويستريح الخافق اللي همومـه نوخـت
كان راحت يالشقاوي على الدنيا السلام
ماتهم اسنين عمري عسـى مامهلـت
بلغ الوافي مع الشيـخ لايلحـق مـلام
قدمي النواح مطلـق ذلولـه درهمـت
غر منها واطلق رسنها وقـت العسـام
ثم راحت عقبها لاحنيـن ولاارزمـت
ماجـداه الاالتوجـد وطاويـه الهيـام
لين روحه سلمت للولي واستسلمـت
وهذه معارضة شاعرنا البدراني:
لليال الماضيه شدنـي عـذب الكـلام
المشاعر مرهفه والضمايـر هجرسـت
والقوافي جالها وسط صـدري إحتـدام
والقريحه بالبحور الغزيـرات إسبحـت
الغلا بقلوبنـا قـد بنينـا لـه خيـام
والذيابه في خفـوق الهواويـه عـوت
شفت قيفانن لها جرني سلـك الغـرام
وإذكرت عيني ديار الحبايب ودمعـت
وإذكرت من مشيها مثل مشيآ للحمـام
في مطار القاهره يوم قدامـي مشـت
من بنات المملكه حيها وحـي اللثـام
والعباه اللي على جسمها الباقي ضفت
اجمعتنا الطايره بالسما فـوق الغمـام
وبرض جده حولت بالمدرج ونزلـت
الجدايل خلفها مثـل ديجـور الظـلام
ضافيات وللـردوف النوابـي حولـت
خصرها ملهوف ماتقل تاكل للطعـام
والخدود ابروق مزنن تعاقب لابرقـت
العيون مكحله والخشم سلـة حسـام
والنهود بصدرها تو زمـت واستـوت
قلت اببدا هرجتـي بالتحيـه السـلام
((والجمل ماضرها كان قالوا مالقحت))
وجيتها وضح النقا والفشق ملي الحـزام
خابرن يمناي تعطب عـدوي لارمـت
مير شفت ان البلد سايده حكم النظـام
والخلايق كلها تحت هالحكم اخضعـت
ولا بغيت انزل الراس وارضى بالحـرام
بالدروب العوج ماظن رجلي قد مشت
ثم قصبت رشاي من بعد ماركب المقام
واللهايب ولعت في ضلوعي ماطفـت
ياوجودي وجد من طاح في يوم الزحام
يوم شلفا الخصم فجت ضلوعه وطلعت
طاح ماحوله سند لاخوال ولا عمـام
وإلتفت لنياقه اللي بها القـوم اشلعـت
يعتزي مـن قـو باسـه ووده بالمقـام
وكل ماشد العضود إنحنت به وارتخـت
مابغيت اكشف خوافن بصدري للأنـام
مير قيفـان العتيبـي بجاشـي ولعـت
شاعرآ متربعآ دوم فـي عـال السنـام
من حرارآ للجبال الطويلات اشهـرت
يالحشيم اقبـل تحيـة محمـد بالختـام
شاعرآ جارا بيوتـن لبابـه مانصـت
والهوا مابه سلامات ملعـون الرسـام
كم زحولن قبلنا من سبايبـه إشتكـت
يقول شاعرنا الكبير محمد بن عبدالمحسن البدراني:
استوقفتني قصيدةقديمة وهي للشاعر عويض العتيبي .
تحركت لها أحاسيسي وجاريتها بقصيده أتمنى أن ترقى
لمستوى قصيدته
هذه هي قصيدة الشاعر عويض سفر النفيعي :
لي ثمان أسنين تايب عن دروب الغـرام
والعشيه شفت مهرة خفوقي وجمحـت
مهـرةٍ ماتنثنـي للعـنـان وللـجـام
تسذير من الهواء يالشقـاوي وجفلـت
غاليه ومحشمـه عنـد اهلهـا ماتظـام
تذبح العشـاق برموشهـا لاسلهمـت
ياالشقاوي شفتها يـوم مـرت بالمنـام
ليت قلبي في سباته وعينـي ماصحـت
ليت ربي حقق الحلم مع بـدر التمـام
ويستريح الخافق اللي همومـه نوخـت
كان راحت يالشقاوي على الدنيا السلام
ماتهم اسنين عمري عسـى مامهلـت
بلغ الوافي مع الشيـخ لايلحـق مـلام
قدمي النواح مطلـق ذلولـه درهمـت
غر منها واطلق رسنها وقـت العسـام
ثم راحت عقبها لاحنيـن ولاارزمـت
ماجـداه الاالتوجـد وطاويـه الهيـام
لين روحه سلمت للولي واستسلمـت
وهذه معارضة شاعرنا البدراني:
لليال الماضيه شدنـي عـذب الكـلام
المشاعر مرهفه والضمايـر هجرسـت
والقوافي جالها وسط صـدري إحتـدام
والقريحه بالبحور الغزيـرات إسبحـت
الغلا بقلوبنـا قـد بنينـا لـه خيـام
والذيابه في خفـوق الهواويـه عـوت
شفت قيفانن لها جرني سلـك الغـرام
وإذكرت عيني ديار الحبايب ودمعـت
وإذكرت من مشيها مثل مشيآ للحمـام
في مطار القاهره يوم قدامـي مشـت
من بنات المملكه حيها وحـي اللثـام
والعباه اللي على جسمها الباقي ضفت
اجمعتنا الطايره بالسما فـوق الغمـام
وبرض جده حولت بالمدرج ونزلـت
الجدايل خلفها مثـل ديجـور الظـلام
ضافيات وللـردوف النوابـي حولـت
خصرها ملهوف ماتقل تاكل للطعـام
والخدود ابروق مزنن تعاقب لابرقـت
العيون مكحله والخشم سلـة حسـام
والنهود بصدرها تو زمـت واستـوت
قلت اببدا هرجتـي بالتحيـه السـلام
((والجمل ماضرها كان قالوا مالقحت))
وجيتها وضح النقا والفشق ملي الحـزام
خابرن يمناي تعطب عـدوي لارمـت
مير شفت ان البلد سايده حكم النظـام
والخلايق كلها تحت هالحكم اخضعـت
ولا بغيت انزل الراس وارضى بالحـرام
بالدروب العوج ماظن رجلي قد مشت
ثم قصبت رشاي من بعد ماركب المقام
واللهايب ولعت في ضلوعي ماطفـت
ياوجودي وجد من طاح في يوم الزحام
يوم شلفا الخصم فجت ضلوعه وطلعت
طاح ماحوله سند لاخوال ولا عمـام
وإلتفت لنياقه اللي بها القـوم اشلعـت
يعتزي مـن قـو باسـه ووده بالمقـام
وكل ماشد العضود إنحنت به وارتخـت
مابغيت اكشف خوافن بصدري للأنـام
مير قيفـان العتيبـي بجاشـي ولعـت
شاعرآ متربعآ دوم فـي عـال السنـام
من حرارآ للجبال الطويلات اشهـرت
يالحشيم اقبـل تحيـة محمـد بالختـام
شاعرآ جارا بيوتـن لبابـه مانصـت
والهوا مابه سلامات ملعـون الرسـام
كم زحولن قبلنا من سبايبـه إشتكـت