المساعد الشخصي الرقمي

مشاهدة النسخة كاملة : نهاية الرحلة


عبدالله مناور البدراني
04-04-2014, 06:26 PM
نهاية الرحلة

تذبل ورود العمر والناس لا هين=كلن على دنياه مشغول باله

هذا يبيله أرض وهذا ملايين =وهذا من الأبراج يبني خياله

العمر يقضي والجماعة مساكين=مافيه واحد كد زمانه صفاله

شوف الزمن روّح في غمضة العين =واقبل خريف العمر هذا مجاله

وين الرجال اللي علا ذكرهم وين =أهل الزعامة وين .. واهل الشكالة

وقدامهم راحوا ملوك وسلاطين =سبحانه المولى عظيم (ن) جلاله

الموت حاصل دون شك (ن) وتخمين =نهاية الرحلة...... على كل حاله

ولا يا خذ المخلوق في القبر يا حسين =غير الكفن والقطن هو راس ماله
= شعر / أبووليد ،،،

عبدالمطلوب مبارك البدراني
05-04-2014, 02:39 PM
صح لسانك اعتلا شانك

ابداع وجزاله

لك فائق احترامي

عبدالله مناور البدراني
07-04-2014, 02:21 PM
صح بدنك يابو ناصر
والله لايهينك على هذا المرور والحضور يا عمده

بن عابد
07-04-2014, 06:12 PM
صح لسانك يابو وليد

لك تحياتي

حجازي أصيل
08-04-2014, 02:50 AM
صح لسانك وسلم بنانك
يابو وليد على هذه الدرر الثمينه
لاهنت واتمنى لك التوفيق

عبدالله مناور البدراني
29-04-2014, 09:26 PM
صح بدنك اخوي بن عابد

عبدالله مناور البدراني
29-04-2014, 09:27 PM
حجازي أصيل
الشاعر ناصر الشميلاني
صح بدنك وشرفتني بمرورك وطيب حضورك