محاورة بين عبدالمطلوب البدراني وبدر راشد البدراني

[عبدالمطلوب مبارك البدراني]

ابو ناصـــر


وين شاعرنا بدر راشد ما عاد اشوفه=
الرفيق اللي يدينه دايم بيدانا
اعرف إنه شاعرٍ تحكم عليه ظروفه=
مير هو سيف لنا ننطح به العدوانا

ابـو خالـــد


مرحبا بك والخطيه بيننا منصوفه=
انتم اخطيتم وحنا يالحبيب اخطانا
والغلط مرجوع وارقام اسقطت مظيوفه=
والحموه والوفا والمرجله مبدانا

ابو ناصـــــر


اشهد إنك يا ابن عمي خوتك مخلوفه=
انت انا وانا انت حنا يا الحبيب أخوانا
من يقدم طيبه ماينّكر معروفه=
والردى عنا بعيد وطيبٍ مسعانا

ابو خالـــــد


خلها بيني وبينك كلمةً محفوفه=
ابشر انك كل مادورتنا تلقانا
ومن زعل يطق في راسه علو الطوفه=
والله انا مانسلم للرجال الحانا

ابو ناصـــــر


اعرف انك صافي النيه ولابك حوفه=
والحساني يارفيقي تنجزي باحسانا
ومن زعل والله ما لاحقني عليه حسوفه=
راضعين العز والمعروف من منشانا

ابو خالـــــد


ناس مكلوفه وناسن ماهي بمكلوفه=
كم راسن طال ثم طال ثمين انحنا
الجمل لاجاك شايب غاربه وردوفه=
اعرف ان الحمل ياسم والاثار اتبانا

[الشاعر بدر راشد]

استاذي الشاعر عبد المطلوب مبارك البدراني

صح السانك وبيض الله وجهك يابو ناصر وافي دايما ن والعب معك انا اشوفه له رونق

خاص له مفردة ظمير -وبيت رجل -ونبرةالمرجله والشجاعه

سلمت ودمت

[علي زيد]

الشاعر بدر راشد البدراني والشاعر عبد المطلوب مبارك البدراني ثنائي ذهبي انتج لوحه شعريه ولااروع
صحت الالسن والعقول ابداع متجدد دمتم سالمين