المساعد الشخصي الرقمي

مشاهدة النسخة كاملة : ياهل المزاين


اللهبي
26-12-2006, 04:49 AM
السلام عليكم و رحمة الله و بركاته
قصيده للشاعر/ سعد ابن جدلان
و للمعلوميه القصيده قبل يدخل لون الابل الحمرفي مزاين ام رقيبه
ومن المعروف ان هذا اللون لم يشارك الا من عام 1426هـ
يا اهل المزاين في خيار البعارين = فزتوا بزين الشعل والوضح والسود
ما شفتوا الحمر الجراما المزايين = اللي حصايرهن كما السدو ممـدود


كنها من الشيراز تعطي تلاوين = حمرا يديهن بيض وخشومهن سود

خفافهن ما شذبتها الضلاعين = سفرت مضيف ثليم في مصمك العود

لا درهمت كنها تحذف بطاطين = ولا تهزع في حريـرا و ماهـود

طول اللحي فيهن وكبر العرانيين = خلت عليهن في جهـام البـدو زود

في الورد ما يشرب من الحوض ثنتين = ما هيب تنقر حوضها نقر مفـرود

ترخي سيوف لحيها والجرانيين = اللي بعدها تحسب الحوض مسدود

ويرفع لها خوفا عليها من العين = من كثرة المقطان لا صـرم العـود

وان ثوروهن والخطاطير مشفين = اللي ما تملي دلوها مـا بهـا فـود

احدا من ادني الذود يملي المواعين = واحدا يليم في القـدح قطـة زيـود

وان كان قلتوا وينها واهلها وين = اخذوا كلام بيـن الاقطـار ماكـود

عند اهل سمحات الوجيه المسمين = تروي القنا من دونهـا دم وكبـود

عشيها بين الظنط والسباعين = ومسفارها قرمـل كماميـن بـرود

عادل البدراني
26-12-2006, 05:06 AM
الاخ

اللهبي

الله لايهينك على النقل الطيب والاختيار الموفق

وصح لسان الشاعر سعد بن جدلان


الله يعطيك العافيه

فزاع البدراني
27-12-2006, 04:52 AM
الغالى / اللهبي

قصيده رائعه والأروع حضورك
وصح لسان الشاعر ابن جدلان


دمت سالما ً
000
00
0