احمد بن حزام البدراني
28-12-2006, 03:46 AM
السلام عليكم ورحمة الله وبركاته
مرثية للشاعر ظافر بن مفلح بن بتال الخييلي ، في أخوه ناصر بن مفلح .. ( رحمهم الله )
والقصيدة اعجز ان اوصف لكم فيها مرارة الفراق بين الاخوين وهي بوحدها كفيله ان تعكس ذلك الالم والحزن والآسى التي عبر بها الشاعر بصدق لفراق اخيه الوحيد ، في زمن العسر والقحط والعيشة الضيقه التي لا يستغـني فيها الرجل عن جماعـته فما بالك بأقرب الناس إليه .. هكذا صور لنا الشاعر مرارة الفراق بقصيدة محزنة جداً ابكت الكثير من الناس عند سماعهم له وهو يقولها ، مما اضطر بعضهم ان يطلب من الشاعر عدم قولها بحجة انها محزنة، وهناك من عارض وطلب من الشاعر قولها حتى يعرف الاخ قدر واهمية اخيه التي لايعرفها الابعد وفاته:
بديت أنا في الرجم لا عـاد مرقـاه=وياليت ربـي مـن مجيـه نهانـي
تهيض المشحون يـا عيـن عـزاه=عيـن تهـد المـاء بليـا سوانـي
يا عين يا عين الخطـا يـا معنـاه=أنتـي خذيتينـي وقلبـي خـذانـي
ونيت أنا من ضامر القلب واقصـاه=ونين مـن خلـي كسيـرٍ وحانـي
تكفون كثـرت التنهـت وقـول آه=وكثر الونين يهيضني مـا رفانـي
قمت اتوجد وجد مـن قلـت اجـداه=خلي طريـح وحقـق الليـل دانـي
على اخوي اللي ما تذكرت عجفـاه=ذرب اليميـن وخاتمـن المعـانـي
ياخزنتي لا واعضيـدي عضيـداه=ياوين بدلـه لا ذكـرت الاخوانـي
يا مهبل اللي قـال عـادك بتنسـاه=بنساه لا من طارش المـوت جانـي
والله ان نسيته لين بالحـق نقفـاه=ويحط لي بيـن النصايـب مكانـي
يـا تجرتـي خليتهـا يـا حـلالاه=منها الخبر وقـف ولا عـاد جانـي
ياخوي الا واخوي ياخوي واخـواه=ماهوب مثـل معقديـن الاخوانـي
اخو الهدا عمري على طول لا مـاه=وجدي على جمعـاه كمـن زمانـي
جيت المـراح وذي بقايـا سمايـاه=هـذي مداهيلـه ولا كنـه كـانـي
حي المراح وحي من كان قـد جـاه=وياونـتـي لا جيتنـالـه مكـانـي
يا وسع فرجـة ناصـر لا ذكرنـاه=ومن عاضني فيه العوض ما هجاني
اعوي عوا ذيبٍ لقا الخـد مخـلاه=وابكـي لا شرفـت راس البيانـي
لا جيت انا قاع ٍ مشى فيه قد جـاه=الاف قلبـي لـوف زرع ٍ ضمانـي
الحب لامنه سطـى ويـش يمحـاه=لمن نشى في الكبد مـا قـد هانـي
تكفون ماحدٍ شاف هو ناصـرٍ جـاه=ما عاد لا جيتـه ولا عـاد جانـي
اتلى العهد به فـي جهـام ٍ دفنـاه=وحطوا عليه من الصفايـح رزانـي
حبه كوى قلبـي ولا خـف مكـواه=واخفاه من بين الضلـوع الحوانـي
يا الله يا خلاف مـا شـئً بيخفـاه=اخلف علي بمن كان حزنه كوانـي
غدابه اللي مـا درى مـن قفايـاه=لاهوب لا يرحـم ولا منـه امانـي
لو انه ينطح كـان دونـه نطحنـاه=وابصطبـر عنـده بماكـان جانـي
ولو انه يشرى بالثمن مـا ذخرنـاه=بسوق خلعـي واستعيـن بالادانـي
الموت لا يـاوي ولا حـدٍ بينسـاه=وكم هو يفرق مـن بعيـدٍ ودانـي
مير عساه في الجنه وهي جات ملفاه=وامه وابوه وهو بعد فـي الجنانـي
مابه على الدنيا حـدٍ لـه مواسـاه=لا زان الوقت ابن ادم ٍ قـد شانـي
ابن رشيـد اللـي طروقـه مخـلاه=قد هو ضعيفٍ قاعـدٍ فـي هوانـي
وختمانها ذكر النبـي مـا نسينـاه=صلوا عليـه وهللـوا يـا اخوانـي
مرثية للشاعر ظافر بن مفلح بن بتال الخييلي ، في أخوه ناصر بن مفلح .. ( رحمهم الله )
والقصيدة اعجز ان اوصف لكم فيها مرارة الفراق بين الاخوين وهي بوحدها كفيله ان تعكس ذلك الالم والحزن والآسى التي عبر بها الشاعر بصدق لفراق اخيه الوحيد ، في زمن العسر والقحط والعيشة الضيقه التي لا يستغـني فيها الرجل عن جماعـته فما بالك بأقرب الناس إليه .. هكذا صور لنا الشاعر مرارة الفراق بقصيدة محزنة جداً ابكت الكثير من الناس عند سماعهم له وهو يقولها ، مما اضطر بعضهم ان يطلب من الشاعر عدم قولها بحجة انها محزنة، وهناك من عارض وطلب من الشاعر قولها حتى يعرف الاخ قدر واهمية اخيه التي لايعرفها الابعد وفاته:
بديت أنا في الرجم لا عـاد مرقـاه=وياليت ربـي مـن مجيـه نهانـي
تهيض المشحون يـا عيـن عـزاه=عيـن تهـد المـاء بليـا سوانـي
يا عين يا عين الخطـا يـا معنـاه=أنتـي خذيتينـي وقلبـي خـذانـي
ونيت أنا من ضامر القلب واقصـاه=ونين مـن خلـي كسيـرٍ وحانـي
تكفون كثـرت التنهـت وقـول آه=وكثر الونين يهيضني مـا رفانـي
قمت اتوجد وجد مـن قلـت اجـداه=خلي طريـح وحقـق الليـل دانـي
على اخوي اللي ما تذكرت عجفـاه=ذرب اليميـن وخاتمـن المعـانـي
ياخزنتي لا واعضيـدي عضيـداه=ياوين بدلـه لا ذكـرت الاخوانـي
يا مهبل اللي قـال عـادك بتنسـاه=بنساه لا من طارش المـوت جانـي
والله ان نسيته لين بالحـق نقفـاه=ويحط لي بيـن النصايـب مكانـي
يـا تجرتـي خليتهـا يـا حـلالاه=منها الخبر وقـف ولا عـاد جانـي
ياخوي الا واخوي ياخوي واخـواه=ماهوب مثـل معقديـن الاخوانـي
اخو الهدا عمري على طول لا مـاه=وجدي على جمعـاه كمـن زمانـي
جيت المـراح وذي بقايـا سمايـاه=هـذي مداهيلـه ولا كنـه كـانـي
حي المراح وحي من كان قـد جـاه=وياونـتـي لا جيتنـالـه مكـانـي
يا وسع فرجـة ناصـر لا ذكرنـاه=ومن عاضني فيه العوض ما هجاني
اعوي عوا ذيبٍ لقا الخـد مخـلاه=وابكـي لا شرفـت راس البيانـي
لا جيت انا قاع ٍ مشى فيه قد جـاه=الاف قلبـي لـوف زرع ٍ ضمانـي
الحب لامنه سطـى ويـش يمحـاه=لمن نشى في الكبد مـا قـد هانـي
تكفون ماحدٍ شاف هو ناصـرٍ جـاه=ما عاد لا جيتـه ولا عـاد جانـي
اتلى العهد به فـي جهـام ٍ دفنـاه=وحطوا عليه من الصفايـح رزانـي
حبه كوى قلبـي ولا خـف مكـواه=واخفاه من بين الضلـوع الحوانـي
يا الله يا خلاف مـا شـئً بيخفـاه=اخلف علي بمن كان حزنه كوانـي
غدابه اللي مـا درى مـن قفايـاه=لاهوب لا يرحـم ولا منـه امانـي
لو انه ينطح كـان دونـه نطحنـاه=وابصطبـر عنـده بماكـان جانـي
ولو انه يشرى بالثمن مـا ذخرنـاه=بسوق خلعـي واستعيـن بالادانـي
الموت لا يـاوي ولا حـدٍ بينسـاه=وكم هو يفرق مـن بعيـدٍ ودانـي
مير عساه في الجنه وهي جات ملفاه=وامه وابوه وهو بعد فـي الجنانـي
مابه على الدنيا حـدٍ لـه مواسـاه=لا زان الوقت ابن ادم ٍ قـد شانـي
ابن رشيـد اللـي طروقـه مخـلاه=قد هو ضعيفٍ قاعـدٍ فـي هوانـي
وختمانها ذكر النبـي مـا نسينـاه=صلوا عليـه وهللـوا يـا اخوانـي