قصايد في صـ ـ ـ ـ ـ ـ ــدام 000

[فزاع البدراني]

كـــــــــــ عام وأنتم بخير ــــــــــــــــل

ومن العايدين

هذه قصايد تم تداولها عبر الهاتف الجوال
بعد عملية الإعدام التي جرت على الرئيس
صدام حسين صباح أول أيام عيد الضحيه
المبارك وأرجو من لديه غيرها تزويدنا بها



لحدن يعايدني تري خاطري شين= خلوني بحالي ونفسي بزعلها
في عيد الأضحي بالبهايم مضحين = وبوش يضحي للعروبه فحلها
راح الزعيم اللي يهز السلاطين = وين المعزه عقب روح بطلها





كلن نهار العيد ضحي بالأغنام = واللي تبادل مع وليفه هديه
وضحية الكفار بالعيد صدام = للمشنقه قادوه صبح الضحيه
لا وا حسافه نفذو فيه الإعدام = في ديرته مابين ربع وحميه



تحياتي
000
00
0

[ابن عضيب]

اليوم نكّسنـا البيـارق والاعـلام
......................في عيدنا اللي مرّ ماهوب عـادي
اهانة ٍ تبقى علـى مـرّ الاعـوام
.......................تبي تناقلهـا الصحـف والـروادي
في موجز الاخبار جانا النبأ الهـام
......................ياللي تباشر فيه وين انت غـادي !
اليوم يوم السبت مـن بـد الايـام
.....................غشى وجيه المسلميـن السـوادي
ماقلتها .. مجزعني اعدام صـدام
........................موته ماحرّك ساكن ٍ فـي فـوادي
مجزعني اللي همّهـم ذل الاسـلام
..........................ولـ( كسرنا ) تكاتفـوا بالايـادي
وحنا على عزف الموسيقى والاتغام
.......................ومعيّدين العيد .. والوضع هـادي
وانصّدق اللي في دعايات الأعـلام
........................وأهم حاجـه وضعنـا الاقتصـادي
ننسى المجازر والارامـل والايتـام
......................واللي حصل لأخواننا في الرمـادي
اسلامنا ماغيـر سكبـه وهنـدام
........................الدين في وادي وحنـا فـ( وادي )
مشاعر المسلم من الواقع احطـام
.......................من العجم ومن الحضر والبـوادي
ارواحنا من دون ديـن الله ألغـام
......................وعن ديننا .. مافيه موقف حيـادي
متى نجوز من التخـاذل والاوهـام
.......................متى على الجبهه ينـاد ِ المنـادي
اما نخلي الروس من تحت الاقـدام
........................والا الشهاده مـن ولّـي العبـادي

الشاعر/ مشعان البراق

[ابن عضيب]

لاوالله ألا عيدوا بـرأس صـدام
...................قبل صلاة العيـد وهـم جالدينـه
في عيد الأضحى نفذوافيه الإعدام
.................بوش الأبن ضحى بـه لوالِدينـه
يومٍ به المسلم يضحـي بالأنعـام
...................غبينة(ن)ياكبرهـا مـن غبيـنـه
ماقدروا حرمة تعاليـم الإسـلام
..................وين التسامـح ويـن .يامدعينـه
ويش عاد باقي مافعلتوا من إجرام
.................هذا هوالإجرام .برأسـه وعينـه
عزالله إنـه كـان قايـد ومقـدام
..................وأغلب شعوب العالـم. مؤيدينـه
منول يضيم عداه واليـوم منظـام
...................والوقت زينـه .مايعـادل لشينـه
ماني بـأدافع عنه لاشك مأنـلام
................مسلم. ولاودي الروافض تهينـه
وخايف بعد بكره .يدورن الأيـام
..............ومن جاء علاه الدوور. ربي يعينه
ولاقلتها قصدي بها أظهر بالإعلام
.................وجهة نظرمسلم . غيـورٍ لدينـه

الشاعر / فارس عبد المحسن

[ابن عضيب]

مات شامخ مثل ما عاش بشموخ
.......................................ذاك أبو عداي نوّخ ما إستنـاخ
قاد جيشٍ ما تعـوّد للرضـوخ
......................................بوش الأول قد طفش منّه و داخ
كم و كم قد هجّ من قدمه فروخ
...........................................هدّ فيهم ليـن خلاّهـم جخـاخ
فيه من طبع الأكابر و الشيـوخ
......................................و ان نوى للحرب ما قال المناخ
أبشروا بالـذل عقبـه يالدلـوخ
........................................تحسبون العز للكيـس انتفـاخ
هدّد اسرائيل لو ان هي مشوخ
.........................................ما احد غيره تقرّبهـا و شـاخ
ويا مدبّرة المكايد وسط جـوخ
.........................................يا هل الفتنه دعـاة الانسـلاخ
يا كبـود مـن لعانتهـا تبـوخ
...........................................كن نار الغـل تطبخهـا طبـاخ
في كتاب ما يعـرّض للنسـوخ
......................................يومكم محسوم لو طال الصراخ
الوعد قدام يـا نسـل السيـوخ
........................................لا أيّست منكم أمريكا يا فـراخ

الشاعر: عبدالله الدوسري

[ابن عضيب]

واعيني اللـي شافـت اشيـا مقيتـه
.......................زادت جروح الوقـت لوعـات والالام
شـي ٍ يحـز بخاطـري مـا كنيـتـه
.......................صار العرب عند العجـم مثـل الانعـام
كـل ٍ نهـار العيـد ذكّـى ضحيـتـه
........................والغرب ضحوا يا ملا بـراس صـدام
ميتـه ولاهـي يـا مـلا بـاي ميتـه
............................اكبـر مذلـه للعـروبـه والاســلام
الحاكـم اللـي ذاع فالنـاس صيـتـه
........................اوعز علـى ردع المعاديـن الاحكـام
صحيـح طاغـي لكـن اللـي رايتـه
............................شـي ٍ يـذل ويجعـل الحـر ينضـام
من اقصى المحيط الاطلسي لين كيتـه
.....................ومن سد مأرب لين تاصل الـى الشـام
عراق .. جلبـاب الكرامـه رميتـه !!
........................والا علـى صـدرك دناميـت والغـام
عـاش البطـل فيـك وفـداك وفديتـه
.................ما ارخص ثراك بحق مخصوص او عام
وقلـوب شعبـك باللـقـا مستميـتـه
..........................خلـت عـدوك باللقـا كومـة ركــام
سنتـك تبكـي قـايـدك وان بكيـتـه
......................ما تنفع الدمعـه علـى حكـم الاعـدام
ليتـه وليتـه ليـت ليـتـه وليـتـه
............................لكـنّ مـا يجـدي بهـا لـوم لــوّام
ماهمنـي لـو قالـو انــك رثيـتـه
.........................ليـت العـرب فيهـم ثمانيـن صـدام
استجمعـك قـوه وحـزنـك محيـتـه
......................وارجي لك الوحده بعـد جـور الايـام
يا خـوف قلبـي مـن قـرار ٍ لقيتـه
...................فيه الخطط ترقص على حبـر الاقـلام
علـم ٍ مؤكـد لكـن انّــي نفيـتـه
.....................اخطاب سري ما ظهـر عنـد الاعـلام
من تحـت مجهـر عاكساتـي قريتـه
.............................كنّـه يقـول العـلـم قــدام قــدام
اذكـرْه دايـم لا حشـى مـا نسيتـه
.......................تقرير سـري صـادر بعشـرة اختـام
حديـث متواتـر وعنـهـم رويـتـه
...................حنّا بعين الغرب :( مجموعة اقـزام )
اخلاصـة الموضـوع واللـي بغيتـه
.....................شي ٍ ضروري واجزم انـه لكـم هـام
كل ٍ يجـوّد يـا عـرب سـور بيتـه
.......................من قبـل لا يصبـح للاغـراب خـدّام

الشاعر: جزا البقمي

[ابن عضيب]

سجلّـت بالتاريـخ بصمـة فريـدة
ياليـث تكريـت المسمّـى بصـدام
عـزالله إنـه يـا جماعـة وليـدة
وله موقف(ن) يصعب على كل مقدام
قدّام ضؤ الشمـس جـزوا وريـدة
ضحّوا بـه الأذنـاب قـدّم الأنعـام
لفّوا حبا ل المشنقـة حـول جيـده
وقروا عليه النص في حكم الإعـدام
وثبت.وأثبـت إن نفسـه عنـيـدة
عيّا عصي الرأس يخضـع للاقـزام
موقف بطـل جبّـار قلبـه حديـدة
اعداه من حوله!! والإعـدام قـدام
لسـان حالـه قـال دنيـا زهيـده
احيا بها ضرغام وآمـوت ضرغـام
ورد جحيم المـوت مثـل البريـدة
في ساعت(ن)ماله عن الموت مهزام
صحيح!! إنه كـان راعـي مكيـدة
وصحيح!! إنّه كان قاسـي وظـلّام
لكن تـرى تكفيـه حسنـة وحيـدة
دعسه على خشوم الروافض بالاقدام
والرب يغفر ما مضى مـن عبيـده
لمـن يشـاء. إلاّ لعبّـاد الأصنـام
وسجل مدى التاريخ صفحة مجيـدة
إن شمخ ماضا ع من عرض الإيتام
مـاذل نفسـه للحـيـاة النكـيـدة
والملك مهما كـان للنـاس مـا دام
وجتنـي علوم(ن)بالشواهـد أكيـده
إنـه يقـوم الليـل والنـاس نيّـام
حجاج بن يوسـف وهـذا حفيـدة
والكل له كبوات مـع سيعـة انعـام
وقف بوجه الفـرس فتـرة مديـدة
اللي ورى المفتي تقل جدعة أغنـام
شيعـة خمينـي ماتعـرف العقيـدة
أخطر مصيبة داهمة ديـن الإسـلام
وزانت لهم هالحيـن بعـد الفقيـدة
واللـي مكذبني!!تنبـيّـه الأيــام

الشاعر : مصلح المحمدي

[ابن عضيب]

في فجر عيـد النحـر والنـاس نيّـام
وافـواج حجـاج العلـي لـه عنـيـه
ناسٍ لـه سجـودٍ ونـاسٍ لـه قيـام
يدعون مـن يـرزق جميـع البريـه
راجين عفو الله فـي ثـوب الاحـرام
عفـو العظيـم مـن الزلـل والخطيـه
لكـن قـوم الكفـر عبـاد الاصـنـام
فـي كـل عيـد يقـدمـون الهـديـه
( صدام ) ضحوا به فجر عيد الاسـلام
في عيدنا الاكبر .. وهـذي قويـه !!
وتناقلـت شنقـه محطـات الاعــلام
فـي صـورةٍ تنقـل للاسـلام حـيـه
ساقـوه فـي ثـوب المذلـه للاعـدام
مـا راعـوا ايـام الشهـور الزكيـه
واليشعـي المخبـث سمعنـاه عـزّام
ويقول عاش ( الصدر ) .. يا هي رزيه
والمشكله ما هي علـى نحـر صـدام
المشكلـه شعـب العـراق الضحـيـه
صبـوا عليـه أهـل الظلايـم والازلام
نـار الضغينـه مـن دم العنصـريـه
واصبح هل السنه فـي الواقـع ايتـام
مـا بيـن قـوم الكفـر والجاهلـيـه
مليون ماتوا في ضحى بضعـة أعـوام
والباقي أعظـم مـن نفـوسٍ شقيـه
شيعه مع صهيون في ثوب ( حاخـام )
عاثـوا قهـر وجيوشهـم بربـريـه
خلّوا عراق العـز فـي سلطـة أقـزام
هـدوا حضـارة بـابـل السومـريـه
يـا الله يـا معبـود يـارب الانــام
تحمـي عبـادك ف العـراق السبيـه

الشاعر : محمد حمدان المالكي

[ابن عضيب]

لو يزعلون أهل النجف والصدر حكام العراق=ويموت بوش وصاحبه توني بلير من الزعل
مانيب تارك ضيقتي بعقالها وسـط العمـاق=نويت أفك عقالهـا وقيادهـا مهمـا حصـل
ما دامها وجهة نظر ماهي ريـا والاّ نفـاق=وحرية التعبيـر مافيهـا مـلام ولا خجـل
صدام يارمز الشجاعه لو على موتك تسـاق=تنظر لحبل المشنقه ، صابر ودمعك ماهمـل
واثق ورافع هامتك لو أن وضعـك مايطـاق=مواقف الأبطـال مايقـدر عليهـا الاّ بطـل
قدام لا ننظر لعصـر التفرقـه والأنشقـاق=ونراجع التاريخ عن سيرة حياته وش عمـل
شهادة التوحيد تشفع له ليـا ضـاق الخنـاق=اللي نطقها وأنتخى بأسم العروبـه وأرتحـل
ودع نهار العيد وأصبحنا لما صابـه ضيـاق=وشلون بوش يحاكم الأسلام من بـد الملـل
حنـا ضحاينـا نذبحهـا غنـم والاّ نـيـاق=والمالكي والصدر ذكوا من هل السنه رجـل
ياحارث الضاري بلاش مصالحه والاّ اتفـاق=سود العمائم والنصارى مالهـم غيـر القتـل


الشاعر:عبد الله مقبل

[ابن عضيب]

سود الله وجهـك ياعميـل العجـم=وسود الله وجهك ياسليـل القـرود
اتفقتوا وكل الخلق وسـط الحـرم=تشنقون الأسير ولا توفوا العهـود
عيد الاضحى نضحي من كريم النعم=وانتم ابلا ضماير تشنقوه اببـرود
باشهر حرم ما ترعون حق الذمـم=ولا تراعون منهم ركعٍ او سجـود
كانه اخطا خطاكـم واضـحٍ للأمـم=ما يكفره شنـق ولا يكفـره قـود
تحرقون الصبايا تشربوا الكـاس دم=كم سجين ويتيم وكم دفن باللحـود
كان دارت علينـا نصطبـر للألـم=يوم لابد نفـرح فاحتـروا للـردود
ان نسيتوا فحنا مـن رفـع للعلـم=فوق فارس وروما ما خشينا حشود
سوف يبقى عراق الفخر فوق القمم=مقبره للعجم واذناب حقـد اليهـود
فالعرب قلب واحد نابـض كالحمـم=لو تحداه وقته صرختـه كالرعـود
ويا عراق النشاما مخضعين العجـم=ارفعوا الراس عالي وارفضوا للقيود
من بداكم بشـره باليهـود احتـزم=علموه الرجوله في فعـال الأسـود
ما خبرنا بغاث الطير تاصـل قمـم=لو تجنس وجنس عابرين الحـدود

الشاعر: عثمان العبدالله

[ابن عضيب]

جانا الخبر عاجل عن إعدام صـدام=لا والله إلا راح درع الـعـروبــة
عشرة شهر ذاو الحجة الهجري بعام=سبعه وعشرين إلف وأربع عقوبـة
ضحيـة بيـن الروافـض والاروام=كبش الفداء برأس ألسنه عيدوبـه
عزاي في أبوعدي بثـه ياالاعـلام=اصدق تعـازي والوسايـل كذوبـة
يوصل رغد رآنا حلا وكل الأرحـام=وشعب العـراق وللعـرب طنبوبـه
ومن قال لا سكرت فمـه ببرشـام=شاعر وأقول الحق لو عـذر بوبـه
وين العرب وين العروبة والإسـلام=أطيب قفا فيهـم مايستـره ثوبـه
اكبر أهانـه للعـرب تـال الأيـام=قياداتهم تشنق والأرض مغصوبـة
من بعد ماخلع انخلع ستروا للثـام=وكثر وبنات الضاد عهـر ولعوبـه
وطمعت بنا إسرائيل وذناب الاعجام=والفرس حجت للضريـح ونصوبـه
وراح العراق أرامل وراحـوا أيتـام=والحرب بين الشعب شبت شبوبـه
قايد غضنفر من الأشاوس ومقـدام=قرمٍ يقـول ويفعـل ولـو حكوبـه
عملاق شامخ رأس تفـداه الأقـزام=مات بشرف مالأن مـات بصلوبـه
يتشهد وشامخ ولا هـان ضرغـام=وتصغر بني باقـر بعـد شهروبـه
لو قالو انـه طاغيـة كيـف يـلام=حكم العراق من القـدم عرفـو بـه
مايحكمـه يكـود صـارم وجـزام=من قبله الحجاج حكمـه رضوبـه
له حق يعدم ثلث شعبـه باالاحكـام=وثلثين تصلح من زكاتـه شعوبـه
مايحكم الضفريـن دهـداه وخمـام=يحكمهـم إلـي ماتراعـد جنوبـه
صحيح له سيـات تكتـب بالأقـلام=غزو الكويت وطاع مـن غرروبـه
وضربه حلبجه بالكيماوي وباالسام=ويمكن بطانة حكمه إلـي طغوبـه
ومحاسنه بصمه على وجه الأيـام=قـرمٍ يمـوت بعـز لـو عزروبـه
مات بشموخ الراس ثابت بالاقـدام=وكن الخواجه علكـة فـي كعوبـه
ون كان حج بسنة محمـد وصـام=وصلا الصـلاة الله يغفـر ذنوبـه
ارحل الى الفردوس الاعلا يا صدام=والى جهنم مـن يخـون العروبـه


الشاعر : محمد العاطفي

[ابن عضيب]

والله اني مانويت اكتب على شانك قصيـده=لكن إن موقفك اثار الشعر وجنون القصائـد
في نهار فيه كل إنسان يلبس مـن جديـده=وانت رأسك لبسوه الحبـل تلبيـس القلائـد
آه ليتك كنت مع نجليك فـي حربـك فقيـده=كان قلنا موتت الفـأرس وكبرنـا الوسائـد
غير رحت اتدس رأسك فالمغارات الزهيـده=لين صادوك الرخوم ودبـروا كـل المكائـد
كبلوك وجرجروك وفارق الكرسـي عقيـده=وشنقوك بمشنقة شعبك وصاد أبـا العوائـد
مشكلتنا في اختيار اليـوم والعالـم سعيـده=قصدهم تعكير صفو المسلمين بشـئ كائـد
خطة مرسومة من كلـب يأكـل مايصيـده=والجرى يامر عليها الكلـب وتنفـذ بلائـد
مادروا باأن اليهود اهداف غزوتهـا مكيـده=ماغزوا للنصر مقصد غزوهم جني الفوائـد
واصبح الضالم مع المضلوم في ليدي المريده=وابتدت حرب ضروس ماوراهـا إلا النكائـد
وابتدأ حزن العرب والجرح ينزف من وريده=لين أثار الشعر في المجروح واجتاح القصائد

الشاعر: حسن المسعودي

[ابن عضيب]

يامل جفنٍ من عيا الوقـت مانـام=يـرف بيـن الثانيـه والدقيـقـه
لاجيـت ابعبّـر يجفـن الاقـلام=وان جيت ابدله وان بالصدر ضيقه
العيد ماهو عيد من عقب صـدام=لو المشاعر دغدغوهـا الخليقـه
ضحوبه الكفار في عيـد الاسـلام=والعيـد الاخـر ملحقينـه رفيقـه
في عيدنا حطوه في حبل الاعـدام=وحنا إناظربـه مانملـك طريقـه
شنو على الاسلام حربٍ له إضرام=يحرق مهازيع الغصون الوريقـه
هتكٍ بعرض العرب والكـل نيـام=حقيقـةٍ يامرهـا مـن حقيـقـه
تقتيـل للرمـل وقتـلٍ للايـتـام=ادنـاة سنـي ولعوبـه حريـقـه
وحنا عروبتنا لهـا عـدة اقسـام=والرجل ما يامن لبـوه وشقيقـه
تنديد واستنكار من عبر الاعـلام=وسيوفنـا يمـت بعضنـا ذليقـه
يالله عساهـن يستديـرن الايـام=وتبين هامـات الوجيـه الطليقـه

الشاعر: سعود القت

[الجــــــوكر]

الله يعطيكم العافي على هالمجهود الرائع

أخوي : فزاع البدراني , ابن عضيب

[السيسبان]

مشكووووووووووووووووووووووووووووورين

على القصائد الرائعة ودمتم

[طلال سعد البدراني]

مشـــــــــــــــــــــكـــــــــــــــــــــورين

على القصايد

[احمد بن حزام البدراني]

الشكر واصل للاخ
فزاع البدراني
ابن عضيب على القضايد الجميلة
وهذي مشاركة مني



ماهو زعل يابوش من شنق صدام=مثله على موتك نسوق البشاير
طلعت بالشاشات تنـفيذ الاعــــــدام=ياحيف ماقدرت ذيك المشاعـــر
حطيت لــه في ساحة العز مرسام=مليار مسلم شافها لا تكابــــــــر
تــحــرها يومين أو عــدة ايــام=ماصر له يابـــوش لا بد صايـر

[محمد عبدالمحسن البدراني]

مليون شكر للجميع

للاخ فزاع على طرحه وللجميع على نقلهم


صدام الله اعلم بمصيره

ولكن لانقول الاحسبي الله ونعم الوكيل