المساعد الشخصي الرقمي

مشاهدة النسخة كاملة : ياخي ما شفته مع السوق ياخي


البرنس
05-01-2007, 11:47 PM
قصيدة للشاعر الكبير خلف بن هذال ،،،،،،،،،،،،وكل عام وأنتم بخير

ياخي ما شفتـه مـع السـوق ياخـي =ولا ذكـر لـك لـو دونـه مسـافـه
الله يبلـى مـن بلانـي وانـا حــي=بالغصـب طوعنـي بليّـا عسـافـه
يا طي قلبي طـي طـيٍ علـى طـي=طي الجرايـد فـي مطابـع صحافـه
عليك يا جافل مـن الريـح يـا ظبـي=يـا شيـن قلبـك مـا بقلبـك مرافـه
كويـت قلبـي كيتيـنٍ علـى كــي=بصيـاخ نـار وكلفتـنـي كـلافـه
جرحٍ نجيض وجرح توه حـدث نـي=ومامن نيات الجـرح غيـر الكسافـه
وما يشكي المسكين يا كود مـن شـي=امـا مـرض ولا محـبـة ولافــه
والولف مثل الشمس تلحق علـى الفـي=وكـم عاشـقٍ نثيـل قبـره لحـافـه
ومن ناقل الاقوال جانـي خبـر سـي=قالوا: قمـر عشريـن باكـر زفافـه
وخذت لـي مـده وانـا حـن وابكـي=عليـك يـا سـر الشـرف والنظافـه
قالوا: علامك بك بلى ؟ قلت : وش بي=!بلاي مـن عـذرى عليهـا الحسافـه
وهي الحسوفه قالوا : الناس من هـي =؟ثم قلت : ما منكم ولا شخـص شافـه
نـوى يغيـب ونيـة الخيـر تنـوي=وعفت الوطن يوم ادعج العيـن عافـه
وغاب وسكن شرقي جبل حاتم الطـي=ذاك الجبـل قدمـه وسلمـه خـلافـه
يـوم إن بابـور المحـبـه مـرسـي=الله مـن بـحـرٍ تعـابـه وطـافـه
واليوم بطن البحـر خالـي ومصفـي=ومستوصف العاشـق يطـوّل اسعافـه
انت الذي تهـدم غرامـك وانـا ابنـي=بنيت قصـرٍ كبـر قصـر الضيافـه
قصرٍ يسجل فيه اسمـك مـع اسمـي=ياللـي درسـت المعرفـه والثقـافـه

بعيد المراميس
06-01-2007, 11:42 AM
الاخ العزيز البرنس مشكور على نقل هذه القصيده الرائعه وبيض الله وجهك
الله يبلى من بلاني وانا حي @بالغصب طوعني بليا عسافه
ياطي قلبي طي طي على طي @ طي الجرايد في مطابع صحافه

دمت مبدعاً ، وتقبل اصدق التحايا

عبدالعزيز البدراني
13-01-2007, 01:14 AM
مشكور اخوي البرنس على القصيده الجزاله للشاعر الكبير خلف بن هذال

ولاهنت يالقرم

احمد بن حزام البدراني
02-02-2007, 03:37 PM
يعطيك الله العافية يالبرنس
على القصيدة الجزلة
للشاعر خلف
وننتظر جديدك