أبـو حـربـي
13-01-2007, 10:45 AM
بسم الله الرحمن الرحيم
هذا البيت قاله خلف الأذن وله مناسبه وراح نذكرلكم المناسبه والقصيده,,,,
خلف الأذن من أل زايد من الشعلان اللي هم رؤساء قبيلة الروله من عنزه وهو فارس من فريسهم ,,,
في حدا الايام راح يم حايل يبي يزور الامير سعود بن عبد العزيز ابن رشيد امير حايل سير على الامير ,والامير وقتها صغير بسنه ووقتها جميع الأمور متوليها ويديرها الأمير زامل بن سبهان المعروف.
يوم سير خلف على الأمير ضيفه الأمير واكرمه بكرم اهل حايل المعروف , ومن الصدف جاء يم المجلس شاعر من حدا القبايل , وكان من بين الجالسين زامل وخلف الأذن التفت زامل لخلف وقاله :: ودنا لو تساجل هالشاعر يا خلف نبي نعرف وش مقدرتك الشعريه ,
زعل خلف وأخذ على خاطره بالحيل واعتبرها إهانه له لأنه يشوف نفسه أكبر وارفع من انه يساجله شاعر بمجلس ابن رشيد , لا والشاعر مهو بمستواه بعد
,,المهم, قام خلف من المجلس وحاول الامير سعود يراضيه ويترضاه لكن ماش مانفع معه التسمح وارسل قصيدته لزامل يسب فيها ويطلب هجن يسافر عليها يم اهله بالشمال :::
::وهذي قصيدته::::
يقول خلف:::
زامل ينشدني وانا وين ويني = هبيت يا هرج بليا لباقه
الشين شين وماكر الشين شيني = عدو جد ولا بقلبك صداقه
الله يخونك كان ما تشتهيني = لو تحكي لي بالعلوم الدقاقه
غديت مثل معايد القريتيني = لا جبت خير ولا تبعت الرفاقه
أنا بلايه من صديق بطيني = بقعا تصفقني على غير فاقه
فنجال طين ولانت فنجال صيني = تبرك مباريك الجمل وانت ناقه
إرخص لنا وارسل لسمحه تجيني = اعتاق عبد مشتهينن فراقه
هذا البيت قاله خلف الأذن وله مناسبه وراح نذكرلكم المناسبه والقصيده,,,,
خلف الأذن من أل زايد من الشعلان اللي هم رؤساء قبيلة الروله من عنزه وهو فارس من فريسهم ,,,
في حدا الايام راح يم حايل يبي يزور الامير سعود بن عبد العزيز ابن رشيد امير حايل سير على الامير ,والامير وقتها صغير بسنه ووقتها جميع الأمور متوليها ويديرها الأمير زامل بن سبهان المعروف.
يوم سير خلف على الأمير ضيفه الأمير واكرمه بكرم اهل حايل المعروف , ومن الصدف جاء يم المجلس شاعر من حدا القبايل , وكان من بين الجالسين زامل وخلف الأذن التفت زامل لخلف وقاله :: ودنا لو تساجل هالشاعر يا خلف نبي نعرف وش مقدرتك الشعريه ,
زعل خلف وأخذ على خاطره بالحيل واعتبرها إهانه له لأنه يشوف نفسه أكبر وارفع من انه يساجله شاعر بمجلس ابن رشيد , لا والشاعر مهو بمستواه بعد
,,المهم, قام خلف من المجلس وحاول الامير سعود يراضيه ويترضاه لكن ماش مانفع معه التسمح وارسل قصيدته لزامل يسب فيها ويطلب هجن يسافر عليها يم اهله بالشمال :::
::وهذي قصيدته::::
يقول خلف:::
زامل ينشدني وانا وين ويني = هبيت يا هرج بليا لباقه
الشين شين وماكر الشين شيني = عدو جد ولا بقلبك صداقه
الله يخونك كان ما تشتهيني = لو تحكي لي بالعلوم الدقاقه
غديت مثل معايد القريتيني = لا جبت خير ولا تبعت الرفاقه
أنا بلايه من صديق بطيني = بقعا تصفقني على غير فاقه
فنجال طين ولانت فنجال صيني = تبرك مباريك الجمل وانت ناقه
إرخص لنا وارسل لسمحه تجيني = اعتاق عبد مشتهينن فراقه