ونيت ونة من سرى الليل حشّـاش ...عقب الطرب ياطا على كل منقود

[ابن شنوت]

مساكم الله بالخير ....

ونيت ونة من سرى الليل حشّـاش = عقب الطرب ياطا على كل منقود
خلى هدوم الخزّ والجـوخ وقمـاش = ومجالس فيها مـن الـزلّ ممـدود
قم سوّ فنجالٍ ترى الراس منـداش = لعيون من قرنه على المتن مرجـود
يابن مهارش كبّ حمسـات الادقـاش = تاتيك حمسات الينابـج بهـا سـود
ودقّه بنجرٍ يسمعـه كـل طـرّاش = أيضا إلى حرّك على الهون بـه زود
وحطّه بدلّة مولـعٍ كنهـا الشـاش = وبهارها مقدار خمسة عشـر عـود
الهيل حطّه لا تدانـا ولـو جـاش = ومن الزباد اقنع على شذرة العـود
كنّه بعرض الصين ورسٍ إلى ناش = أو زعفـران كلّمـا عـلّ مــردود
أبيه رسـمٍ للنشامـا عـن الـلاش = الـلاش لا فاقـد ولا هـوب مفقـود
الطيب شـدّه والـردي ذاك ببـلاش = واللي يريد الطيب ماهـوب مـردود
لـذاذة الدنيـا معاميـل وفــراش = وصينية يركض بها العبد مسعـود
وصفرٍ إلى جا العصر مع كلّ = هباش تطاوحـن قلـب المناحيـز بالعـود
في ربعةٍ يلفـي بهـا كـل هتّـاش = يفرح بها اللي من دنايـاه مضهـود
يالله طلبتك عند سرحـات الادبـاش = ذودٍ مغاتيـرٍ ويبـري لهـن سـود
مرباعها الصمّان تبعد عن الطـاش = ومقياضها دخنة الى صـرّم العـود
ياما حلا وقت الضحى طقّ شوبـاش = وقامت تنـازى بالمناعيـر جلعـود
وأنا على مثل النداوي إلـى حـاش = تنزع كما ينزع من الكـف بـارود
ومن لا يروّي شذرة السيف لاعاش = يصبح عليه مـورّد الجيـب مقـدود
شعـر : مشـعـان بــن هــذال

[عادل البدراني]

الاخ

ابن شنـوت

الله يعطيك العافيه

قصيدة جزله

وفي قمة الابداع والروعة

صح لسان شاعر/ مشعان بن هذال

[السيسبان]

الاخ ابن شنوت الابداع ليس غريب منك

وبالاخص الابداع الشعرس كم انت موفقا في اختيار القصايد

مشكور وصح لسان الشاعر

[طلال سعد البدراني]

لذاذة الدنيا معاميل وفراش = وصينية يركض بها العبد مسعود
وصفرٍ إلى جا العصر مع كلّ = هباش تطاوحن قلب المناحيز بالعود
في ربعةٍ يلفي بها كل هتّاش = يفرح بها اللي من دناياه مضهود
يالله طلبتك عند سرحات الادباش = ذودٍ مغاتيرٍ ويبري لهن سود



مشكو اخوي ابن شنوت على النقل الرائع


وصح الله لسان الشاعر

[عبدالعزيز البدراني]

صح قولك ومنقولك ولاهنت اخوي ابن شنوت