عاشق بلغه
31-01-2007, 03:07 PM
يابن رخيص كب عنا الزواريب
السلام عليكم ورحمة الله وبركاته ،،،
قصّة الريّس مع خويه قرب بلغه
القصه والله يالاخوان معروفه وهي صارت على اكبر العوائل في اكثر الديار شهره وهي مهيب غريبه على اهل الديره الي هي الرس
السالفه صارت على الريس وهو أحد أكبر العوائل في الرس التي يرجع الاصل فيها لبني تميم على النحو التالي:
محمد الريس ذا هو بطل القصه وهو كان رايح لاداء فريضه الحج وبعد العوده وكان في قافله تضم عدد كبير من اهل الرس وبعد ماأتموا الحج وهم راجعين في منطقه قبل القصيم وتدعى جبال فرقين ( جنوب بلغه بأربعة كيلو مترات )تابعة لقرية بلغه على يمين اللي جاي من المدينه يبي القصيم ، ويوم هم وصلو وكان رئيس الحمله يقاله ( ابن رخيص ) وكان معهم شخص مريض كان فيه الجدري الله يحفظنا واياكم منه ، والرجل اللي مريض ماقدر يستحمل لانهم اضطروا يصلبونه على الذلول وكان الصلب مزعج ومتعب خاصة اذا صار الشخص نفسه مريض ؟
المهم اعتذر المريض وقال انا خلوني هنا وتوكلوا على الله مااقدر اواصل المهم ، ابن رخيص اللي هو رئيس الحمله كان مضطر انه يتركه ويمشي لان مافيه حولهم موارد ماء والابل ضميانه وقال ابن رخيص يروح واحد ولا يروحون اهل الرس كلهم .
المهم جاء محمد الريس وقال ربي ربكم واحد ما اروح الا وخويي معي ، قالوا له تبي تموت انت وياه قال انا ابي اقعد معه وانتم امكنوا على اعماركم وحريمكم .
راح وقعد عند المريض ذيك الليله اللي اذا اصبح الصبح يبون يشدون وجاء وقال اسمع يابن رخيص اول ماتبي تقبل على الرس تبي تلقا امي تدور علي ابعطيك البيتين هاذي ؟
يقول محمد المنصور الريس
قل هيه ياهل شايبات المحاقيـب ***اقفن من عندي جداد الاثـاري
اقفن بالرخصه كما يقفي الذيـب ***اليا طالع الشاوي بليل الغـداري
ماكن لسب اذيالهـن للعراقيـب ***رقاصة تبغـى بزينـه تمـاري
ويابن رخيص كب عنا الزواريب ***عمارنا يابن رخيـص عـواري
خوينـا مانصلبـه بالمصاليـب ***ولا يشتكي منا دروب العـزاري
لزما تجيك امي بكبده لواهيـب ***تبكي ومن كثر البكـا ماتـداري
اسالك بالي يعلم السر والغيـب ***وين ابني الي لك خوي مباري؟
قله ولدك في عاليات المراقيـب ***في قنـه ماعنـده الا الحبـاري
يتنا خويه لين يبدا بـه الطيـب ***والا يجيه من العواثيـر جـاري
وان مامشينا بحـق المواجيـب ***تحرم علينا لابسـات الخـزاري [/poem]
وسلامتكم ،،،
المهم ابن رخيص راح وفعلا بعد ماوصل لقى ام محمد الريس في مدخل الرس تنتظر ولدها وقالها البيتين مع السالفه .
الشاعر : محمد الريّس ، بعد ماقعد عند خويه صار يصيد له من الحباري والطيور اللي حولهم لين قام بالسلامه ورجعوا للديره ( الرس ) وجت ام محمد ومن زود الشوق للولد نست لاتغطى وصارت تخم الولد وتقوله ( كيف تقعد بالضلعان علشان ولد الناس يابا الظلعان ) ومن الكلمه هاذي صار اسم احفاد محمد وعياله الى الان الضلعان بدال الريس.
السلام عليكم ورحمة الله وبركاته ،،،
قصّة الريّس مع خويه قرب بلغه
القصه والله يالاخوان معروفه وهي صارت على اكبر العوائل في اكثر الديار شهره وهي مهيب غريبه على اهل الديره الي هي الرس
السالفه صارت على الريس وهو أحد أكبر العوائل في الرس التي يرجع الاصل فيها لبني تميم على النحو التالي:
محمد الريس ذا هو بطل القصه وهو كان رايح لاداء فريضه الحج وبعد العوده وكان في قافله تضم عدد كبير من اهل الرس وبعد ماأتموا الحج وهم راجعين في منطقه قبل القصيم وتدعى جبال فرقين ( جنوب بلغه بأربعة كيلو مترات )تابعة لقرية بلغه على يمين اللي جاي من المدينه يبي القصيم ، ويوم هم وصلو وكان رئيس الحمله يقاله ( ابن رخيص ) وكان معهم شخص مريض كان فيه الجدري الله يحفظنا واياكم منه ، والرجل اللي مريض ماقدر يستحمل لانهم اضطروا يصلبونه على الذلول وكان الصلب مزعج ومتعب خاصة اذا صار الشخص نفسه مريض ؟
المهم اعتذر المريض وقال انا خلوني هنا وتوكلوا على الله مااقدر اواصل المهم ، ابن رخيص اللي هو رئيس الحمله كان مضطر انه يتركه ويمشي لان مافيه حولهم موارد ماء والابل ضميانه وقال ابن رخيص يروح واحد ولا يروحون اهل الرس كلهم .
المهم جاء محمد الريس وقال ربي ربكم واحد ما اروح الا وخويي معي ، قالوا له تبي تموت انت وياه قال انا ابي اقعد معه وانتم امكنوا على اعماركم وحريمكم .
راح وقعد عند المريض ذيك الليله اللي اذا اصبح الصبح يبون يشدون وجاء وقال اسمع يابن رخيص اول ماتبي تقبل على الرس تبي تلقا امي تدور علي ابعطيك البيتين هاذي ؟
يقول محمد المنصور الريس
قل هيه ياهل شايبات المحاقيـب ***اقفن من عندي جداد الاثـاري
اقفن بالرخصه كما يقفي الذيـب ***اليا طالع الشاوي بليل الغـداري
ماكن لسب اذيالهـن للعراقيـب ***رقاصة تبغـى بزينـه تمـاري
ويابن رخيص كب عنا الزواريب ***عمارنا يابن رخيـص عـواري
خوينـا مانصلبـه بالمصاليـب ***ولا يشتكي منا دروب العـزاري
لزما تجيك امي بكبده لواهيـب ***تبكي ومن كثر البكـا ماتـداري
اسالك بالي يعلم السر والغيـب ***وين ابني الي لك خوي مباري؟
قله ولدك في عاليات المراقيـب ***في قنـه ماعنـده الا الحبـاري
يتنا خويه لين يبدا بـه الطيـب ***والا يجيه من العواثيـر جـاري
وان مامشينا بحـق المواجيـب ***تحرم علينا لابسـات الخـزاري [/poem]
وسلامتكم ،،،
المهم ابن رخيص راح وفعلا بعد ماوصل لقى ام محمد الريس في مدخل الرس تنتظر ولدها وقالها البيتين مع السالفه .
الشاعر : محمد الريّس ، بعد ماقعد عند خويه صار يصيد له من الحباري والطيور اللي حولهم لين قام بالسلامه ورجعوا للديره ( الرس ) وجت ام محمد ومن زود الشوق للولد نست لاتغطى وصارت تخم الولد وتقوله ( كيف تقعد بالضلعان علشان ولد الناس يابا الظلعان ) ومن الكلمه هاذي صار اسم احفاد محمد وعياله الى الان الضلعان بدال الريس.