هبت شمال وساقت الوبل هتان...قالوا روى قلب العطش قلت لله

[ابن شنوت]

مساكم الله بالخير..
انقل لكم هذي القصيده واتمنى تحوز على اعجابكم..


هبّت شمال وسـاقت الوبل هتّان =قالوا روى قلب العطش قلت للّه


توه يبل الريق من ريق الأمـزان =قلـبٍ تفيّـا غيمـةٍ مـسفهلّه

ودي تفّيض بفاتر الصوت غدران =نقـع المطـر يرفا عن الكبد غلّه


حي الغلا بشفاك ياعطر الأشجان =قـل للغرير اللي نهى القلب قـلّه


طاح الربيع ووردت جرد الأغصان =عشب القلوب مصافح الخل خـلّه


نش السراب وحادي الغيم نشوان =هـيض غناه معانق الـورد طـلّه


من فرحتك شابت نواطير الأحزان =وبجيتك خان أسـود الهـم ظـلّه


هج الظلام وسال في حجر الأعيان =ضـي تزفـه غـرةٍ مـسفهـلّه


لك من هنا لأخر تفاصيل الأزمـان=عشــق ٍ تمـده راحـةٍ ماتمـلّه


واليا لفحك القيظ بأطراف الأجفان =خـذ نصف قلبي لا خذ القلب كلّه



لا تستذير معانـد الشـوق غلطان =الله عـطاك امـر الخفوق وتـولّه


احيان اسوق العمـر وتسوقه احيان=بيني وبينك دق عــمري وجـلّه


نمسي على جـال المقاديـر خـلاّن =نصبح ومــرباع الغلا في محـلّه



ماعاتبك لو ساهي الرمش كسـلان =ألقا العــزا بمـزاح شعرٍ تفـلّه


هاك القصيد تفجـر العشق بركـان=خذ من سناه وبارد الحرف خـلّه



ياعل شعــرٍ منت قافـه والأوزان =تصـدا عليه شهورهن و الأهـلّه

مساعد الرشيدي..

وسلامتكم..

[عادل البدراني]

مشرفنا الغالي

ابن شنـوت

الله يعطيك العافيه ولاهنت على النقل القصيـدة الجزله



حي الغلا بشفاك ياعطر الأشجـان =قل للغرير اللي نهـى القلـب قلّـه
طاح الربيع ووردت جرد الأغصان =عشب القلوب مصافح الخـل خلّـه
نش السراب وحادي الغيم نشـوان =هيض غناه معانـق الـورد طلّـه
من فرحتك شابت نواطير الأحزان =وبجيتك خـان أسـود الهـم ظلّـه
هج الظلام وسال في حجر الأعيان =ضـي تزفـه غــرةٍ مسفهـلّـه
لك من هنا لأخر تفاصيل الأزمـان =عشـق ٍ تمـده راحـةٍ ماتمـلّـه

صح لسان الشاعر / مساعد الرشيــدي

[تركي الزايد]

الاخ العزيز


ابن شنوت


يعطيك العافية


وصح لسان الشاعر والناقل

تحياتي

[احمد بن حزام البدراني]

هاك القصيد تفجر العشق بركـان=خذ من سناه وبارد الحـرف خلّـه
ياعل شعرٍ منـت قافـه والأوزان=تصدا عليه شهورهـن و الأهلّـه

ابن شنوت
الله يعطيك العافيه ولاهنت
على النقل القصيـدة الجزله

[ابن شنوت]

عادل البدراني, احمد بن حزام,تركي الزايد لا هنتم على الردود
وتقبلوا تحياتي..