المساعد الشخصي الرقمي

مشاهدة النسخة كاملة : مرثيات قيلت في (صياف الحربي) رحمه الله


ابن شنوت
28-03-2007, 03:26 PM
مساكم الله بالخير ..
هذا بعض مما قيل في فقيد الشعر والشعراء صياف الحربي رحمه الله
الذي بكاه البعيد قبل القريب فحقه اليوم هو الدعاء له بالعفو والمغفره ..
ونترككم مع مرثياته..




ياقاف في صياف غن الطواريق=هات البيوت اللي على الكيف ياقاف

بنات فكري قامت اطل وتويق= ولاني بشاعر كان ما ارثيت صياف

انا علّيه للنشاما مواثيق=اللي لهم في قمة المجد مشراف

قولو معي يا هل الوفاء يا مطاليق=مرحوم ياللي له مع الشعر ميقاف

الشاعر اللي وثق الشعر توثيق=ينعاه شعر الرد محراف محراف

وينعاك منهو في معانيك عِشيق=وتنعاك حرب اهل الوفاء روؤس واشراف

من غيبتك والشعر من ضيق في ضيق=واليوم جاله ضربة فوق الانجاف

وصياف من موته نشف عندي الريق=والحزن يبس بطن وديان وارياف

الموت حق ولا على الموت تعليق=لكن به بين العرب رؤس واطراف

يالله يارحمان والي المخاليق=علام ماتكتب ملايكة الاكتاف

ترحم فقيد بعد ماغاب ما اطيق=لا اقرى ولا اسمع عنه هرجه وسولاف

اللي موّرث له ذهب في صناديق=يالله عسى ما الشعر بعده بينعاف


الشعر باسمه شامخ المجد ويليق=باللي لعسرات المحاريف عساف
خولان بن عامر الحربي

<<<<

ماني مصدّق الخبـرقمت أعيده= صياف مات وسطرتهاالعناوين

بـالمنتـدى أبحـث أدور قصيـده=شفت الخبرقلّب جميع الموازين

يـالله ياكاسـي خضـار البديـده=تجعل مقره جنـة الخلـد أميـن

ياواحـد ٍ باللطـف يرحم عبيده=أغفرله الزلات يامنـزل التيـن

عساك ربي بالحسـاني تزيـده=وتثبتـه يـارب كـل المسلمين

صياف رجل ٍ له مزايا عديده= يشهد له الأبعاد والا القريبين

فيه السجايـا كـل أبوها حميده= ياما أسمعوله بالقصايد ملايين

ياحـرب والله راح منكم فقيـده= صياف رجل ٍلاحضر كالبراكين
عبدالكريم بن خزيم


.................................................. ................



والله ما ألوم الشّعر يا بادع القـاف=لو تلبس بحـوره ثيـاب الحـدادي


عليه سوق التعزيه .. حقّ وإنصاف=فقد مـن الشعّـار راع الشـدادي

عز الله انه معتلـي كـلّ مشـراف=ركن ٍ من الأركان ماهوب عـادي

طاح الجمل يا سايق ٍ حمّ الأشعاف=عقب السحابـه سيّلـت كـل وادي

والملعبه من عقب مطلق وصيـاف=تخاطفوهـا جامعيـن الـدوادي
سداح العتيبي




الله يرحمك ياصياف =وياجعل مثواك فالجنة
الشعر عقبك غدا ينعاف =وخواطر اهله جزت منّه
انت اللذي تحتمي الميقاف=وقافك على القلب له رنه
ياكثر منهو على المشراف=يذكر طوارقك ثم غنى
ابيات قد صاغها صياف=ياجعل مثواه في الجنه

....................................



مرحوم ياصياف مرحـوم مرحـوم=ياجعـل مثـواك الاخيـر الجنانـي

جاني خبر موته بعد عصـر ذاليـوم=لاعاده الله مـن خبـر يـوم جانـي

علم من اسبابه سـرق لـذة النـوم=اكبر خبر واسوء خبرفـي زمانـي

انا اشهد انه حط في قلبـي وسـوم=" علم على الكبد الصخيفه كوانـي"

بارثيك ياصيـاف والقلـب مهمـوم=ماكنك الا واحد ن امـن اقحطانـي

واللي حصل من والي العرش مقسوم=وهـذا قـدر ولا تفيـد التمـانـي

فيالله ياللي فارض الحـج والصـوم=انـك تبـدل سيـتـه بالحسـانـي

مرحوم ياصياف مرحـوم مرحـوم=ياجعـل مثـواك الاخيـر الجنانـي

عوض القحطاني













يحسن عزانا يالربع مات صياف=راح الزعيم اللي علينـا فقيـده
ستين عامن يحتمي كل ميقـاف=ويبين فعلـه بالمواقـف وليـده
ستين عامن والعلم فوق مشراف=باسـم القبيلـه رافعـه ميكيـده
يحير خصمه منه في صنعة القاف=يفتل وينقض كل معنـن يجيـده
شجيع ماهو بالمواقـف خـواف=قلبه على خصمه سوات الحديـده
الشعربعـده يرجيـل ينـعـاف=راح البطل راع العلوم المجيـده
سطر فعوله بالمهمـات تنشـاف=رحل لكن الطيب بعـده رصيـده
يالله يالي تدبل الحسنه اضعـاف=يواحـدان يعلـم بنيـة عبيـده
ياخلقن ذا الناس من كل الاصناف=والفرق عندك باختلاف العقيـده
ياللي عبيدك تستعيلـك وتطـاف=يامحييـن درالعضـام الهميـده
طالبك يالله تجعل ذنوبه اخفـاف=وانـك تمـده بالثـواب وتزيـده
واتبعه درب الصحابه والاسـلاف=وجعل الشهاده يوم يحشر تفيـده
ممدوح البدراني..


رحم الله شاعرنا صياف واسكنه فسيح جناته..

وتقبلوا تحياتي..

محمد بن جعيثن
28-03-2007, 04:14 PM
الاخ ابن شنوت
رحم الله شاعرنا صياف واسكنه فسيح جناته
وشكرا على هذه القصائد

لك الود

عادل البدراني
28-03-2007, 07:23 PM
الاخ الغالي

ابن شنوت

بيض الله وجهك كفيت ووفيت


ويستاهل الشاعر صياف الحربي الله يرحمه

هذا الرثاء من ابنا القبيله ومن غيرهم


والله يعطيك العافيه

ماجد الحربي
29-03-2007, 12:59 AM
الله يرحمة ويسكنة فسيح جناتة

مهما قلنا فلن نوفية حقة

مانقوول الا الله يرحمة


والف شكر يالغالي

تركي الزايد
29-03-2007, 01:16 PM
رحم الله صياف

ويعطيك العافية

يابن شنوت

صالح الربيع
30-03-2007, 12:44 AM
بارك الله فيك اخوي ابن شنوت وماقصرو الشعار بيض الله وجيهم

والله يرحمه راحمة واسعه

أبن مفلح البدراني
30-03-2007, 02:45 PM
صح الله ألسنة هؤلاء الشعار على هذه المرثيات

في شاعر الخليج / صياف الحربي

رحمه الله واسكنه فسيح جناته

سلمت
اخوووي
ابن شنوت
على هذه النقله

حمد شباب النويمي
03-04-2007, 11:20 AM
رحم الله صياف

وبيض الله وجهك على المجهود

ويعطيك العافية

ابن شنوت
14-09-2007, 02:31 PM
الاخ العزيز هبوب الجنوب
مشكور على المرور وتقبل تحيااتي,,

ابن شنوت
14-09-2007, 02:32 PM
الاخ العزيز عادل البدراني
مشكور على مرورك
وتقبل تحيااتي

ابن شنوت
14-09-2007, 02:33 PM
الاخ ماجد الحربي
مشكور على المشاركه
وتقبل تحيااتي,,,

ابن شنوت
14-09-2007, 02:33 PM
الاخ تركي الزايد
مشكور على المرور
وتقبل تحياااتي,,,

ابن شنوت
14-09-2007, 02:34 PM
الاخ صالح الربيع
مشكور على المرور
وتقبل تحيااتي,,

ابن شنوت
14-09-2007, 02:41 PM
الاخ ابن مفلح البدراني
مشكور على المرور
وتقبل تحيااتي,,

ابن شنوت
14-09-2007, 03:14 PM
الاخ حمد بن شباب النويمي
مشكور على المرور والمشاركه
وتقبل تحيااتي,,,