محمد عبدالمحسن البدراني
06-04-2007, 01:08 AM
الاعزاء الكرام السلااااااااااام عليكمورحمة الله وبركاته
.
.
.
.
كان لإبل البدارين بشكل خاص شهرة واسعه بنجد وكانت مظربا للأمثال ومقصدا للطامعين من القبايل المعاديه بل لأجلها قد غزا ابن رشيد الشمري طامعا بها بجيشه وعتاده وذلك على الهميليه عام 1334هـ واللتي تعتبر أقوى المعارك واشرسها يلتقي بها حاكم دوله بقوته وفرسانه مع البدارين بقيادة هاجد بن راجح اسكنه الله فسيح جناته ومن معهم من عوف وإنتهت بهزيمته وسأقوم بنشر تفاصيل هذه الحادثه بالتفصيل بإذن الله لاحقا.نعود لمحور حديثنا عن إبل البدارين وما قيل بها:
.
.
.
قال شامان الشيب المطيري يتمنى اخذ إبل البدارين
ياليتني عقيد قومن وغزوان=عقيد تتليني سرايب غرابه
آخذ مجاهيمن زهت وسم بدران=اتلاد من عصر النبي والصحابه
هجنن مداهلها ورى الضلع ماوان=نركض عليها مثل ركض الذيابه
doPoem(0)
ورد عليه سعد بن شعوان بقصيده طويله لم اجد منها سوى
امانة المامون لاجيت شامان=راع الجواب اللي لفانا جوابه
قل له ترى من دون حلوات الالبان=نقوة عيالن كلبوهم مهابه
كم طامعن طشوه للذيب سرحان=في سهلة قام ايتساقا صوابه
ابن رشيد اللي بغاها بالاكوان=اقفى معيف ومعذرن بالكسابه
اللي وقع منهم ثلاثين ديقان=غير الرمك واللي غدا من ركابه
doPoem(0)
.
.
.
.
كذلك قول الجدعيه المطيريه تنخى ابن رشيد لغزو البدارين
ياراكبن من فوق عشر وثماني=وعشرين من جيش البدارين ينقن
مافيهن الفاطر ولا المرجعاني=وقم الرباع اسنونهن ماتوافن
فج العضود مشرهفات الاذاني=وازوارهن لأكواعهن ماينوشن
وابي جزاهن ياسهيل اليماني زواملن من تالي العزل ردن
doPoem(0)
.
.
.
كذلك ومن اسماء إبل البدارين ((بنات مرفوع )) او مرافيع
ومرفوع جمل اصيل اسمه ريمان عندما كبر وهزل رفعوه ((اي منعوه من ضراب الابل ))ولذلك اشتق الاسم من هذا.
ومن بناته موجه وهي ذلول مشهوره لهديرس بن دهيس بن راجح
.
.
.
يقول احد شعار البدارين
الله من قلبن شعنه مرافيع=اسداس مادرج تحتهن رضيعي
عقب الصباح يناتلن المصاريع=بس الزعل بحلوقهن له قريعي
لاتقهرون مبعدات المفازيع=ولهن غذاي اليتاما وديعي
doPoem(0)
.
.
.
.
كذلك قصيده للشاعر دخيل الله بن عون الرويس العتيبي كان احد خدام الدوله ومكلف بالحمى اللذي بين القصيم والمدينه
.
.
.
ليت البدارين قومن لي =وآخذ على بوشهم غاره
doPoem(0)
.
.
.
والقصيده سمعتها من احد الاقارب كامله وسأبحث عنها
ورد عليه الشخ هاجد بن راجح
.
.
.
يارويس منته زعيمن لي=خادم ومركبك سياره
لو المناصيب تمهلي=لتفارق القوز ودياره
ربعي كما ضرب عصملي=ربعي على الهوش صباره
يوم اشهب الملح ينهلي=تنشدوا خيل سنجاره
كم سابقن دمها شلي=تنكست بأول الغاره
doPoem(0)
.
.
.
.
كذلك
الزوينات
إبل الشيخ والفارس رباح بن غليفيص رحمه الله وأسكنه فسيح جناته وسأورد له عدد من القصص والمواقف البطوليه لاحقا بإذن الله والزوينات من أطيب الابل اللتي ذاع صيتها بالجزيره وهي وضح وقد تصدى فارسه وحاميه الشيخ رباح بن غليفيص لمن طمع بها بأكثر من وقعه وسأتطرق لذلك كما اسلفت.
.
.
.
.
وعن كثرتة وشهرة إبل البدارين يقول الشيخ مريبد بن هنود
.
عيني كما عيهلن وان قطروا ماها=وردوا عليها شعافين وبداريني
كلن يبى الري قبل الورد تقصاها=قطعان بدوا عن الحاكم محيليني
doPoem(0)
حيث شبه نفاد دموعه بالبئر الغزيره عندما نفد ماؤها بسبب إبل البدارين والشعافين.
اجمل تحيه للجميع وسيتم نقل نسخه من الموضوع لقسم الاصايل.
.
.
.
.
كان لإبل البدارين بشكل خاص شهرة واسعه بنجد وكانت مظربا للأمثال ومقصدا للطامعين من القبايل المعاديه بل لأجلها قد غزا ابن رشيد الشمري طامعا بها بجيشه وعتاده وذلك على الهميليه عام 1334هـ واللتي تعتبر أقوى المعارك واشرسها يلتقي بها حاكم دوله بقوته وفرسانه مع البدارين بقيادة هاجد بن راجح اسكنه الله فسيح جناته ومن معهم من عوف وإنتهت بهزيمته وسأقوم بنشر تفاصيل هذه الحادثه بالتفصيل بإذن الله لاحقا.نعود لمحور حديثنا عن إبل البدارين وما قيل بها:
.
.
.
قال شامان الشيب المطيري يتمنى اخذ إبل البدارين
ياليتني عقيد قومن وغزوان=عقيد تتليني سرايب غرابه
آخذ مجاهيمن زهت وسم بدران=اتلاد من عصر النبي والصحابه
هجنن مداهلها ورى الضلع ماوان=نركض عليها مثل ركض الذيابه
doPoem(0)
ورد عليه سعد بن شعوان بقصيده طويله لم اجد منها سوى
امانة المامون لاجيت شامان=راع الجواب اللي لفانا جوابه
قل له ترى من دون حلوات الالبان=نقوة عيالن كلبوهم مهابه
كم طامعن طشوه للذيب سرحان=في سهلة قام ايتساقا صوابه
ابن رشيد اللي بغاها بالاكوان=اقفى معيف ومعذرن بالكسابه
اللي وقع منهم ثلاثين ديقان=غير الرمك واللي غدا من ركابه
doPoem(0)
.
.
.
.
كذلك قول الجدعيه المطيريه تنخى ابن رشيد لغزو البدارين
ياراكبن من فوق عشر وثماني=وعشرين من جيش البدارين ينقن
مافيهن الفاطر ولا المرجعاني=وقم الرباع اسنونهن ماتوافن
فج العضود مشرهفات الاذاني=وازوارهن لأكواعهن ماينوشن
وابي جزاهن ياسهيل اليماني زواملن من تالي العزل ردن
doPoem(0)
.
.
.
كذلك ومن اسماء إبل البدارين ((بنات مرفوع )) او مرافيع
ومرفوع جمل اصيل اسمه ريمان عندما كبر وهزل رفعوه ((اي منعوه من ضراب الابل ))ولذلك اشتق الاسم من هذا.
ومن بناته موجه وهي ذلول مشهوره لهديرس بن دهيس بن راجح
.
.
.
يقول احد شعار البدارين
الله من قلبن شعنه مرافيع=اسداس مادرج تحتهن رضيعي
عقب الصباح يناتلن المصاريع=بس الزعل بحلوقهن له قريعي
لاتقهرون مبعدات المفازيع=ولهن غذاي اليتاما وديعي
doPoem(0)
.
.
.
.
كذلك قصيده للشاعر دخيل الله بن عون الرويس العتيبي كان احد خدام الدوله ومكلف بالحمى اللذي بين القصيم والمدينه
.
.
.
ليت البدارين قومن لي =وآخذ على بوشهم غاره
doPoem(0)
.
.
.
والقصيده سمعتها من احد الاقارب كامله وسأبحث عنها
ورد عليه الشخ هاجد بن راجح
.
.
.
يارويس منته زعيمن لي=خادم ومركبك سياره
لو المناصيب تمهلي=لتفارق القوز ودياره
ربعي كما ضرب عصملي=ربعي على الهوش صباره
يوم اشهب الملح ينهلي=تنشدوا خيل سنجاره
كم سابقن دمها شلي=تنكست بأول الغاره
doPoem(0)
.
.
.
.
كذلك
الزوينات
إبل الشيخ والفارس رباح بن غليفيص رحمه الله وأسكنه فسيح جناته وسأورد له عدد من القصص والمواقف البطوليه لاحقا بإذن الله والزوينات من أطيب الابل اللتي ذاع صيتها بالجزيره وهي وضح وقد تصدى فارسه وحاميه الشيخ رباح بن غليفيص لمن طمع بها بأكثر من وقعه وسأتطرق لذلك كما اسلفت.
.
.
.
.
وعن كثرتة وشهرة إبل البدارين يقول الشيخ مريبد بن هنود
.
عيني كما عيهلن وان قطروا ماها=وردوا عليها شعافين وبداريني
كلن يبى الري قبل الورد تقصاها=قطعان بدوا عن الحاكم محيليني
doPoem(0)
حيث شبه نفاد دموعه بالبئر الغزيره عندما نفد ماؤها بسبب إبل البدارين والشعافين.
اجمل تحيه للجميع وسيتم نقل نسخه من الموضوع لقسم الاصايل.