عبدالله ابن دليم والشعر والشعراء

[محمد بن جعيثن]

سيكون هذا المتصفح لجمع ماقيل فى
اللواءمتقاعد//// عبدالله بن دليم البدراني
http://www.up.4yas.ws/images1/76299badranii.jpg

امل مساعدتى فى جمع الاشعار التي قيلت فيه
فقط الاشعار او المقالات والتي تحفظ لهذا الرجل فعله






يوم الخميس الصبـــح مع فجة النــور= في خــبّة فيهـــا خيـــام تبنــا
حل المجــال لنظم الأشعار بسطـــور= وسقنا من الجزلات ما طاوعنــا
وبالفكر أنــا صفيتهن صف طابـــور = ولحيتـهن ليــن إنهن ساوقنـــا
ودي أقدمهـن إلى جــــانـي الــدور = وحنا إلى جاء دورنا ما نتونـا
لي الفخر ديني تقل وصـــــف بلـــور = الدين واضح بين فرض وسنا
ووهوب النسب ربعي وحرب لنا سور = بوسط الجزيرة مهد الأبطال بنا
من ألقنفذه شمــــال إلى منبع النور = ومن المدينة لحد حائل سكنــا
وتاريخنا واضح لنــا عدة عصـــــور = ونزين لامن زان وان شان شنـا
وحنـا لنـا فعل قديم ومذكــــــــــور=لا من زير الحرب للحرب دنـــا
على العدو قاسين والفعل مخبــــور = ولجل الخوي والضيف والجار لنا
وللأحمدي قــول عن الجار مشــهور = بالفـعـل والتـعبيــر ينوب عنــا
وهذاك وقــت راح بـــه حلــو ومرور = روّح وعوضنا الولي في زمنـا
وتبدلـــت حــال الجزيرة علـى الفور = والأمن والإيمان حــل بوطنـــا
في دولة تســـلم من الظلم والجــــور = نعيش في ضل العدل وانتهنـا
والآدمي لـــو قال منـــهي ومـا مور = ولا زان له طاروق الأيام غنــــا
ولولا الكرم والعـزم والرأي والشــور= كان المراجل بالرجــال استونـا
واليــوم لبن دليــــم نقـول مشــــكور = تســلم يمينـك يـا عديم المطنــا
بذلـــت جهد دام لـــــه عـدة أشهـــور = وسقيت غرس الطيب لين أثمرنـــا
وقد كان لك في ساحة الطيب جمهور = واليوم الأسهم زايدة وأعجبنــا
عز الله انــك بالمهمـــات دكتــــــــور = أتعالج العسـرات ليـن اذعتنـــا
وصلاة رب البيـــــت ومنزّل الطـــــور = على النبي اللي له الجذع حنـــا
الشاعر /خلف ذعار الوهبي الحربي

[محمد بن جعيثن]

بســـــــم رب الكون لعبـــــاده رحوم=مُوْعـْــدَ أهـــل الشرك بأشـدّ العقاب

أبتــــدي بأسمـــاه قبل أفطر وأصوم=للكــــــلام صيـــــام وإفطـاره بآداب

مجتهـد وأقــــول : ماني بمعصــــوم=وماقفي مع حرب بالواجـب إعجاب

مرحـبا ً مـــــا هـــــل همـــّـال الغيوم=في محافـــــل حرب رَحـْبين الجناب

ومرحبا ًً في كــــل حاكـــــم ومحكوم=ومرحبا في كــــل مدعو وإستجاب

ومرحبا في كـــــل زايــــــر ومعزوم=ومرحبا في حـــرب شيبان وشباب

ومرحبا والعلــــــــم قافيتــــــه علوم=ومرحبا والبيـــــــت ماله غير باب

مدخـــل ومطـــــلاع وإبليس مهزوم=ما تهــــــز الباب صلفـــات المهاب

يالــــــدفاع إن شيف فرصه للهجـوم=والله إن القـــــوم منا مـــــــا تهاب

وإن سمعنا علـــــوم مردين العــزوم=الردي ما جــــــــــاب غير الإكتئاب

لـــو يبيــــع بســـــــوقنا وإلا يســوم=للحرار تبـــــــــوع ماهي بالحساب

السخي ماهاب من دفــــــع الرســوم=والبخيل إن هـــــــاب جعلـه للتراب

إن حسبنا إحسـاب معطى ومحـــروم=الســــؤال أحيان هو نفـس الجواب

كلمة الجمهور وأهل البل عمــــــــوم=طيــّـب الله فــــال من شارك وطاب

والجدي معـــروف من بيـن النجــوم=في سمــاء إبن دليم مـا دونه ضباب

ياعســـــــاك بخيــــــر وبعــــز ٍ يدوم=ياسـِــــديد الـرأي للعلــــــم الصواب

ما أستمع من قـال : مالـك به لــزوم=إستــــــشــار وشـــار عبدالله وأناب

عـن قبيلـــــة حــــرب والنافــر يروم=والهدف مرفــوع من فـوق السحاب

ما يحــط الــرّوس في وســط الكموم=للضــّروس ضروس والنـّيبــان ناب

والقبيلــــــه حــــرب مــا فيهم قسوم=في مــزاين حـــرب حِضــّـار وغياب

وإسمـــنا مسمــّــاه تحطيـــــم الرّقوم=وفــــوزنا مضمــــون في كل إكتتاب

ما نزلنا نجـــــــــد في حــب الخشوم=نازلين ٍ نجــــد يـــــــوم الإغــتصاب

ويوم ســـــاد السـِّـلـْم والبطش معدوم=عهــــــدنا مـــاثوق ضـــــد الإنقلاب

في ذرى آل سعـــود كفــّوْنا الهمـــوم=حـيــّهـــــم للعـــــــز والميــّـت يثـاب

ورْثــَة المــرحوم لطــّام الخصـــــــوم=حاكميـــنْ بمنــْـزَلَ الله بــالكــــــتاب

والــــولاء لله يامــْـــــــدَوّر ثـِـلـــــوم=كلنا كالســّــــيف والمقضــب نصاب

وكلنا آل سعـــــود في وقت اللــــزوم=لــِــعنبو من صــَــد بالواجـب وهاب

الوطــــن بأمان ويــــن تريــــد نــُـوْم=ما علا الجمــّـال من نبـــــح الكلاب

والثنـــــاء والحمــــــــــد لله كــل يوم=والهـــدف تشجيـــــع مـلاّك الرّكاب

لـْوسيمـة حــــــــرب من بين الوسوم=ومضربين التـّاج في وقت الضراب

وجولـــــــة كحيلان والطـــايح يقـــوم=جــــــابه عِـليان بأغلى مـــــا يجاب

ومرحبا والكـــل مـُكــْــــرَمْ ومحشــوم=والخطــــر ممنـــــوع منـه الإقتراب

والســـــــلام ختــــام والشرهــات كوم=ودّنا بالـــــزّود مـــــار القــاف شاب


للشاعر القدير (زيد بن مبشر الحصني الحربي)

[محمد بن جعيثن]

بديت في نظم القصايد والأشعار = ولا نبني ألا طيبات المثايل

أبيات أرتّبها على ميز وأفكار = في حفل حرب اللي بها الرأس طايل

أهلاً وسهلا يا طويلين الأعمار = وأرحّب بفيصل سليل الحمايل

نهدي لأمير الدار ترحيبنا الحار = بأبيات شعرٍ محكماتٍ جزايل

يا مرحبا عداد همّال الأمطار = وأعداد ما لاحت بروق المخايل

حكامنا أهل العز والمجد والكار = قول تصدّقه الحجـج والفعايل

آل السعود ملوكنا عزوة الدار = صفوة ملوك الأرض من نسل وايل

مرحوم يا عودٍ عسى قبره أنوار = وحّد بإذن ربي شتات القبايل

عبد العزيز اللي به المدح يحتار = وشلون نوفي قدر وافي الخصايل

عبد العزيز اللي وطأ روس الأخطار = حتى رفع شعبه علو البتايل

عقّب ملوكٍ للوطن عز وأسوار = تحماه ما يغشاه حاسد وعايل

واليوم أبو متعب على نهجهم سار = عزمه شجيع ولا يهاب الهوايل

عز الصديق وللمعادين قهّار = هذاك أبو متعب كريم الشمايل

خيره على شعبه كما الغيث مدرار = دايم ومداته كبار وجزايل

وولي عهده فالمهمات ما أحتار = سلطان أبو خالد كريم النوايل

الله يعز الدار في ظل الأخيارأهل = الشرف والعز وأهل الفضايل

وفي جمع ربعي لي معزه وتذكار = وأفخر بربعي كاسبين الأوايل

حرب النشامى تكرم الضيف والجار = تنشر لها البيضا بروس الطوايل

دايم لهم وزعه ورفعة ومقدار = هم عزوتي هم كاسبين الجمايل

منها وفيها الطيب في طول الأشبار = ميراث من عهد الجدود الأوايل

أحرار والأحرار من نسل الأحرار = تاريخهم يعرف بليا دلايل

حماية الميقاف شبّابة النار = كسّابة الطالات والشك زايل

على العِدى دايم كما السيف بتّار = إن جاء نهارٍ فيه صايل وجايل

ربعي هل الطالة بعيدين الأنظار = أهل القنا ومولعين الفتايل

وتشريف جينا الحفل من دار لا دار = حفل الرجال الطيبين الأصايل

اللي بنو علمٍ على عز الأشوار = على النقا ما يعرفون المحايل

أبن دليم اللي بذل جهد جبّار = واللي فعل فعله رجالٍ قلايل

ومن شاركه نعمين في سر وجهار = قادوا مسير الحفل بتع وصمايل

وتحية التقدير وإجلال وإكبار = للي اجتهد فالحفل قول وفعايل

نبغى اللقاء ينعاد تكرار وامرار = وحرب تجمّع من جميع الفصايل

ومعمورنا يبنى على ساس وجدار = ولا ينهدم والهدم رأس الفشايل

نعلي بناه بحزم وبعزم وإصرار = ونتعب على عزّه بشتى الوسايل

ونورثه لأجيالنا صغار وكبار = والعلم هذا ما نبي له بدايل

وختامها صلّوا على خير مختار = شفيعنا يوم الحشر والهوايل

الشاعر / عطالله حمادي الغانمي الحربي

[ادارة المنتدى]

عزوتي ياحرب عـز العـزوه الحربيـة =ياذراي وتاج راسي لين يدفـن راسـي
ياهـلا يامرحبـا ترحيـبـةٍ دولـيـه =كنها صرف الذهب ماهي بصرف نحاسي
كنها حرب الحرابـه فـي نهـار الهيـه =لاقبلو من فوق هجن وفوق قب افراسي
في محل اصحابه انتـم ساحتـه ممليـه= من رجالٍ مالهم بين الرجـال اجناسـي
من فطاحل حرب واهل العزوه القوميـه= واهل الدين الحنيف وطرفنـا مايداسـي
وانت ياراع الجهود المخلصـه والنيـه =ياعسى الله يبعدك عن كل شر وباسـي
من تقدم هالمزاين شرط يسـوى ميـه =واحدٍ مثل الجبـال الراسيـات وراسـي
واحدٍ ماشفت مثله قل مـن هـو زيـه =كب حلو النوم كبـه للصعايـب داسـي
لين خلا كل حـرب تقـول حيـه حيـه=ثم تنـادو بالحميـا وخلـو المجلاسـي
والله ونعـم الرجـل والسيـره الذاتيـه=اللوا عبد الله اقصـد واشهـدو ياناسـي
ابو بدر ابو الهقـاوي دوم نـاره حيـه =اشهد انه ياجماعـه يستحـق الكاسـي
وفيه غيره ناس واجـد مابهـم ماريـه=عانهم حولي وقوف وعانهـم جلاسـي
ما اقدر احصيهم ولـو اعدهـم بيديـه=ولو احاول عدهم فـي دفتـر وكراسـي
المهـم ان القبيلـه مـاهـي بعـاديـه =لعوها بالقناه وفـي ومحطـة واسـي
حرب ماينظـر لهـا بالنظـره الدونيـه=ولاتلينها الظروف والا الزمان القاسـي
واحمـد الله جامعيـنٍ بيـن ذي وذيـه=بالشجاعه والكرم واذكـر الـي ناسـي
والخوي دونه نبيـع ارواحنـا المعنيـه=فعلنا مايطمسه بيـن العـرب طماسـي
خلـده فعـل البلالـي قصتـه مرويـه=ولانسيت نويشي الي فـاز بالنوماسـي
وكـان ردت للمزايـن نوقنـا منقـيـه=والجوايز قسمها من دون شك وياسـي
والطهيمي خيـر شاهـد جابهـا مثنيـه=ابله النخبه خذتها وفـوق كفـه باسـي
ابلكم ياحـرب ربعـي ماهـي بمنسيـه=مدحها اصبح شي عادي ياعرب واساسي
اول وروس العدا مـن دونهـا مرميـه=من بغاها ماله الا المـوت والاتعاسـي
نحتميها بالسويـف ومجوديـن الكيـه=في نحور الي بغوها بدون درع وطاسي
ويوم صارت بالدراهم سهلـه ومشريـه=عندنا الي يملكـون الـدر والالماسـي
لجلهـا مايعرفـون بمالهـم مـاويـه=يشترون ويدفعون بـلا عـدد وقياسـي
وفوز واحد فوز للكل فوزنـا بهالجيـه=يوم جينـا واجتمعنـا زيـدو الاكباسـي
خلـو الكـل يعرفنـا ودكـو الارضيـه=تحت راية من حكمها بالعدل وسياسـي
صفقو لـه صفقولـه صفقـو عفويـه=المليك الي لبس حـب الجميـع لباسـي


الشاعر
مسعد العفيش

[محمد بن جعيثن]

نـــغمة الــجوال صــوبــه نــبهــتنــي=يــــوم دق ودقــــته دقـــه خـــفيـــفه
شــاشــته بــسم الــمكــلم عــرفــتنــي=اسـم تـفخـر يـوم للأسـماء تـضيـفه
قــمت أرحـب والـمشـاعـر طـيرتـني=كــن راسـي مـرتـفع فـوق الـمنـيفـه
قـال يـاغـالـب مـا جـتك عـلوم جتني=قـلت خـير وجـعلـها عـلوم ٍ طـريفه
قــال بــه رجــل ٍ فــعولـه مـعجـبتـني=مـا هـو مـن شـانـه تـعلا بـالـوظيفه
رتــبتــه لــو ثــبتــوهــا فــوق مـتنـي=يـا طـويـل العمر وعزومي ضعيفه
كـان حـرب اهـل الـحرايب حاربتني=وسـمعـتي مـضروبة ٍ بـاول قـذيـفه
قــلت خــل أمـثالـك الـلي مـا خـفتـني=هـات عـلمـك خـل فكري يستضيفه
قــال فــيه اخــبار حــلوه فــرحــتنـي=عـن مـزايـن حـرب للأبـل الـكلـيفـه
تـوهـا مـن مـجلـس رجـال وصـلتني=والـلواء ابـن دلـيم لـه وقـفه شـريفه
قــال تــنظــيمــه عــليـه واعـجبـتنـي=وقــفتــه مــع وقــفة عـقول ٍ نـظيـفه
كــلهــم والــنعــم والــلي شــرفــتنــي=مالها الا النشر في صدر الصحيفه
افــتخــر واعــتز لــحظة حــركــتنـي=فـي مـديـح اهـل الـوفـا تـبقى عـفيفه
لـيتـها فـي ذكـر الاسـماء عـاونـتنـي=والله أن عــيونــها مــاهــي كــفيــفه
بــس لــو عــديــت الاســما وقــفتـني=كــل واحــد يــستـحق انـي اضـيفـه
والــقريــحه بــالــقصــايـد واعـدتـني=كـل رجـل ٍ طـيب اهـدي لـه عسيفه
والـظروف الـمقـبلات أن سـاعـدتني=لــجعــل الــديـوان الاول يـا خـليـفه
عن قبيلة حرب..حر ب اللي عطتني=شـي غـالـي حـيل مـا يـلقى وصيفه
كــرمــتكــم يــا حــروب وكـرمـتنـي=جــعل تــفداهــا حـياتـي والـوظـيفـه

[عوض البدراني]

لـعـل خــب الـنـقـع لـمــروح الـغـيـم = الـلــي يـفـتـح بالـحـنـاوة مــجــاري
بـــاول رعـدهــا يـزعـجـن الـمـرازيـم = وبـرهــة وتـلـطـم بالـنـفـود الـخـبـاري
الـلـي جـمـع ربــعٍ حـشــام مغـانـيـم = مـرويـن حــد السـيـف هــو والشـبـاري
حـرب لـيـا صــار الـدخـن لــه تغانـيـم = مـرويـن حــد السـيـف هــو والشـبـاري
حـامـيـن صـفــر نـايـفـات مـجـاهـيـم = وشـعــل ومغـاتـيـر تـربــى الـقـفـاري
فـهـق الـشـعـاف مثـلـمـات البـراشـيـم = عــوج الـرقــاب مفلـطـحـات الـــزواري
عـدف الشـطـوط لـيـا الــردوف المـراديـم = وأوبـارهـن تـطـريـز طـــرح الـعـفـاري
وذنيـنـهـا كـافــورة الـبــار تـصـمـيـم = الـلـي كـواهـا الـبـرد عـقـب الـحــراري
قـــب الـخـشـوم مـفـتـلات المـقـاديـم = وزوريـــة مـصـبـاح طـيــر الـكـنـاري
مـدلــلات عـنــد حـــرب ومـحـاشـيـم = مـاقـربـوهـن واصـلـيــن الـمـحــاري
يـرعــون ريـضــان تـرتــع بهـالـريـم = لــو صــار بــالأرواح بـايـع وشـــاري
ماتـهـم حــرب المـعـضـلات المعـاظـيـم = وتاريخـهـم تـقـراه لــو مـانـت قـــاري
وتكريمـهـم للضـيـف بـــه زود تـكـريـم = يـقـرون جايـعـهـا وتـكـسـى الـعــواري
ومــلاذ شـكـاي مــن الـجـور والـضـيـم = الـلـي جـرالـه مــن زمـانــه جـــواري
ولـو جيـت أعــداد حــرب لـوفـي ولاقـيـم = واللـنـعـم بـاولـهـم ونـعــم الـــذراري
وشـكـر يـصـل لمنـظـم الحـفـل تنـظـيـم = الـلـي جـمـع عـشـاق سـفـن الصـحـاري
وبـمـدح الـمـمـدوح جـــدي المنـاجـيـم = لاتـاهـت الـوجـهـة بـــراع الـمـسـاري
الله يـبـيـض وجـهــه عـبــدالله دلـيــم = وترفـع لـه البيـضـاء عـلـى كــل طــاري
حــلال عقدتـهـا لـيــا تـلـهـا الـسـيـم = حلـحـيـل بحـلـولـه تحـلـحـل جـبــاري
حــراً لـيـا أومــت بالمحـيـط التـلاطـيـم = يرسـي كـمـا يـرسـي عـمـود الـصـواري
ولــو زادت الحـلـكـه بـســودٍ معـاتـيـم = يـاطـى عـلـى رؤوس الافـاعـي جـهــاري
لاحـمــل بلـيـهـان جـالــه دارهــيــم = ويجيـبـهـا لاهـــاب ذيـــب الــغــداري
لــه فـزعـة تشـفـي صــدور المساقـيـم = مـاقــال للعـانـيـن حـســب اقـتــداري
أبـمـدحـه وأفـخــر بـمــدح الشغـامـيـم = ولوفـيـه حـقـه لــو شحـنـت الـلــواري
مــن رووس قــومٍ بـارزيــنٍ صـواريــم = بـالــدور الاول والــزمــان الـحـضــاري
أولاد زايــــد بـالـمـداحـم دواحــيـــم = مــن هـازهـم هـلـت علـيـه الـعـبـاري
لـهـم مــع الشجـعـان جــزل المقاسـيـم = بـالـمــدن والا بـالـقــرائ والــبــراري
وصـلـوا عـلـى معلمـكـم الخـيـر تعلـيـم = شفيـعـنـا يـــوم الـتـزاحـم عــــواري

للشاعر / عبد الله عبيد البدراني


منقول

[الوافي]

لاشك إن اللواء عبدالله بن دليم البدراني
يستاهل المدح واثناء لما قدمه القبيلة
ومن لتجا ليه من ساير الناس
من عون ومساعد

[عبدالله بن سدحان البدراني]

قصيدة للشاعر (سبيل بن سند) في مدح (عبدالله بن دليم البدراني)

--------------------------------------------------------------------------------

الســــــــــــــــــلام عليكم



هذه القصيدة من الشاعر سيبل بن سند الحربي (( الله يرحمه ))
في مدح احد رموز قبيلة حرب عامة ... والبدراين خاصة
وهو اللواء متقاعد / عبدالله بن دليم البدراني ...

وهي تعبير من الشاعر عن اعجابه بهذه الشخصية
ومواقفه المشرفة مع قبيلة حرب ....



اليكم الابيات
:






ياراكب الي دونها يسرب الشوف=ليا تلها الي مالقلبه سموعي
بين الكواكب والوطا فاقد الخوف=الا لجبار السموات طوعي
اللي يخافونه قويين وضعوف=لله شرف ماهوب عيب الخضوعي
ناديت للكابتن ( جري ) ماني مكسوف=قلت انتظر لي يابعيد الرموعي
ريض ثواني واستلم خط مزروف=لمولول ذرب محنك بتوعي
اللي وقف ميقاف ماهو بماقوف=صعب به المدخال قبل الطلوعي
ريف الضعيف اللي على الحق ملهوف=عبدالله اللي للقبيلة جزوعي
ابو بدر يمضي لو العلم منكوف=درع يبيد محكمات الدروعي
درع لنا وفينا عن الميل مكلوف=سيف نواجه به سنام الفزوعي
ياما فعل معروف في درب معروف=ماينكر المعروف غير الخموعي
الله يجيره من بلى كل صادوف=من جور صولات امهات الفجوعي
نسعى بظله طول الايام ونطوف=على النقى مانستغل مخدوعي
دايم مساعينا لك الله بها نوف=من جوهر حدٍ قصيٍِِ قنوعي
على النقا وحقوقنا حيوف وسيوف=وحبالنا عدْ الروى به شروعي
مادام عبدالله لنا فوق نفنوف=المرقب اللي ماتطول التبوعي
ناديت يابو دليم انا في حافوف=ياطيب الرفقة شريف الطبوعي
الحق من دونه وقف لي ناتوف= خلا الضماير يابن عمي مزوعي
طلق على كيفه تصرف بمكتوف=وراس القلم نيبان نمر قضوعي
يبي يصلي بي صلاة لها خوف=اللي تقام بلا سجود وركوعي
وانا ليا يبسن الارياق مكنوف=مكنوف في ربعي جباير ضلوعي
ليا صار بالحاية دواهيج وشعوف=ذيب بها يشبع وذيب يجوعي
على وفانا شهود اهل خط وحصوف=واللي يجود بمرزمات الرجوعي

doPoem(0)




وســــــــــــــــــلامتكم ...............

تذكير : : :
هذه القصيدة من ديوان (( الشاعر الكبير سبيل بن سند الحربي ))



تحيااااااااااااتي .. واشواااااااقي

[النائف]

تشكر يأبو جعيثن على هذا القصائد الممتازه
.شكر ووفاء وعرفان لك
ونريد المزيد

[عبدالمطلوب مبارك البدراني]

ابو عبدالله

الله يعطيك العافية

نقل رائع

تحيااااااااااااتي

[راعي الديره]

ابو بدر قليل في حقه الشعر ولكن حبيب ويفخر به كل بدراني تحياتي له

[بدر ابن شبــــــــاط]

الله يعطيك العافيه اخوي