ابن شنوت
10-04-2007, 12:33 PM
مساكم الله بالخير.........
ياغايبه وان كـان فيهـا جمالـه= تجمّلـي يـاام الـحـلا والظفـايـر
وبالله شوفي صاحبك كيف حالـه= شوفيه في غيبتك وشلون صايـر ؟!
صارت حياته ضيق خلق وبطالـه =و هم وسهر واوراق وشعر وزقاير !!
يعني حبيبك صار حالتـه حالـه =ماباقـي الا انـه يــدن العبـايـر
الله لامـنـه ذكــر مامضـالـه =قبـل الدوايـر ماتـجـر الـدوايـر
يوم الطفولـه والشقـا والجهالـه= يوم الصغايـر فـي عيونـه كبايـر
ايـام كـان معانـده راس مالـه =ويسـوق لهبـال الشقـاوه بشـايـر
ياما امتلى بالحب والطيـش بالـه =وياما امتلت مـن شخبطتـه العوايـر
يكتب عليها : ( عاشقك للثمالـه ) =ويخط توقيعه : ( جريح الضمايـر )
ياما اشتكاه ابوك في بيـت خالـه =وياما تحصّل مـن هـواك العزايـر
مره حلـف بأنـه يبّطـل هبالـه =وقبل يكمّل .. فـك اخـوه الستايـر
ثم طالع الشبـاك.. لينـك قبالـه= وفي اقل من لمح البصر جاك طايـر
على صغر سنـه ممّيـل عقالـه =كاشـخ وناسـي لايصـك الزرايـر
لاشافـك يتمتـم لحالـه بحـالـه =لعيـون هالشوفـه تهـون الخسايـر
ولاشاف زول ابوك حذّف نعالـه= الحب جاير .. لكـن العـود جايـر
طفلٍ يتيم ورغـم الاحـزان دالـه =مايدري ان حظه مـع الوقـت بايـر
كنتي طموحه كنت اغلـى حلالـه =كنتي وصرتي بـس يـاام الظفايـر
طفلٍ زرع من ضحكتك في وخياله =لين اثمـرت شعـرٍ هزالـه حرايـر
لاتتركينـه فـي غيابـك لحالـه =بالله شوفي كيـف هالطفـل صايـر
وحده بوحده كان عنـدك عدالـه=اتبّطلي غيبـه و ابطّـل ززقايـر
الشاعر فهد المساعد
ياغايبه وان كـان فيهـا جمالـه= تجمّلـي يـاام الـحـلا والظفـايـر
وبالله شوفي صاحبك كيف حالـه= شوفيه في غيبتك وشلون صايـر ؟!
صارت حياته ضيق خلق وبطالـه =و هم وسهر واوراق وشعر وزقاير !!
يعني حبيبك صار حالتـه حالـه =ماباقـي الا انـه يــدن العبـايـر
الله لامـنـه ذكــر مامضـالـه =قبـل الدوايـر ماتـجـر الـدوايـر
يوم الطفولـه والشقـا والجهالـه= يوم الصغايـر فـي عيونـه كبايـر
ايـام كـان معانـده راس مالـه =ويسـوق لهبـال الشقـاوه بشـايـر
ياما امتلى بالحب والطيـش بالـه =وياما امتلت مـن شخبطتـه العوايـر
يكتب عليها : ( عاشقك للثمالـه ) =ويخط توقيعه : ( جريح الضمايـر )
ياما اشتكاه ابوك في بيـت خالـه =وياما تحصّل مـن هـواك العزايـر
مره حلـف بأنـه يبّطـل هبالـه =وقبل يكمّل .. فـك اخـوه الستايـر
ثم طالع الشبـاك.. لينـك قبالـه= وفي اقل من لمح البصر جاك طايـر
على صغر سنـه ممّيـل عقالـه =كاشـخ وناسـي لايصـك الزرايـر
لاشافـك يتمتـم لحالـه بحـالـه =لعيـون هالشوفـه تهـون الخسايـر
ولاشاف زول ابوك حذّف نعالـه= الحب جاير .. لكـن العـود جايـر
طفلٍ يتيم ورغـم الاحـزان دالـه =مايدري ان حظه مـع الوقـت بايـر
كنتي طموحه كنت اغلـى حلالـه =كنتي وصرتي بـس يـاام الظفايـر
طفلٍ زرع من ضحكتك في وخياله =لين اثمـرت شعـرٍ هزالـه حرايـر
لاتتركينـه فـي غيابـك لحالـه =بالله شوفي كيـف هالطفـل صايـر
وحده بوحده كان عنـدك عدالـه=اتبّطلي غيبـه و ابطّـل ززقايـر
الشاعر فهد المساعد