المساعد الشخصي الرقمي

مشاهدة النسخة كاملة : مساعد ضعيان البدراني وقصيده بصياف الحربي رحمه الله


محمد عبدالمحسن البدراني
23-04-2007, 09:28 PM
السلام عليكم ورحمة الله وبركاته

قصيده للشاعر مساعد بن ضعيان البدراني شاعر المحاوره والنظم ويرثي الشاعر العملاق والرمز اللذي بفقده فقدنا الكثير رحمك الله ياصياف.

....

مرحوم ياصيـاف مرحـوم مرحـوم
مرحوم ياللي تحتمـي كـل ميقـاف

مرحوم يافرز الوغاء مقـدم القـوم
في جاه من نزل تبـارك والاعـراف

تنعاك صـالات الأدب دايـم الـدوم
وينعاك ياصياف من يحكـم القـاف

والملعبه عقب السحيمي من اليـوم
لبست ثياب اجدادها عقـب صيـاف

صيـاف ياصيـاف مايلحقـك لـوم
تنشر لك البيضاء على كل مشـراف

والعمر فاني والقدر شـيء محتـوم
كل الخلف ماشين مع درب الاسلاف

لا يابعد من ينقـل الكبـر والـزوم
اللي على غرات الاجـواد مزهـاف

قلته وانا راضي على كـل مقسـوم
مير الشقي دايم على جـال مهيـاف

الله من قلبٍ مـن الحـزن مهمـوم
اليا طرالـه لايـف الحـزن ينـلاف

لوف الهشيم اللي على جال مزمـوم
تلعبه الاريـاح مـع كـل محـراف

السيسبان
23-04-2007, 10:03 PM
الشاعر الغالي

محمد بن عبدالمحسن البدراني


مشكور على النقل

وصح لسان الشاعر


لك خالص الود

ابن شنوت
23-04-2007, 11:13 PM
الغالي ابو عبدالله
مشكور على النقل
وصح لسان الشاعر على القصيده الجزله وبيض الله وجهه
وتقبل تحياتي...

عبدالله بن سدحان البدراني
24-04-2007, 12:42 AM
محمد بن عبدالمحسن

لاهنت

مرحوم ياصيـاف مرحـوم مرحـوم

صح لسان الشاعر

محمد بن جعيثن
24-04-2007, 05:28 PM
الغالي ابو عبدالله
مشكور على النقل
وصح لسان الشاعر مساعد
وصياف يستاهل من يكتب به مجلدات وليست قصائد فقط
لك الود

عبدالمطلوب مبارك البدراني
29-05-2009, 01:25 AM
الغالي ابو عبدالله

مشكور وصح لسانك ولسان الشاعر مساعد بن ضعيان البدراني

لك تحيتي وتقديري