مبرو ك يابو نايف

[طلال سعد البدراني]

اولا / احب امسي على جميع اعضاء المنتدى بالخير
وقول لهم اعذروني على الانقطاع عن المنتدى بسبب ضروفي الخاصه
ويعلم الله ان قلبي معكم وعساكم على القوه


ثانياً / احب ابارك لخوي بندر بن نايف على تعيينه رئيسً مركز بلغه

وهدي له ولكم هذه الابيات

مبروك تعيينك على العز مبروك = الطيب والنوماس ساسك هل اله
ماهي غريبه لو هل الجاه حطوك = الجاه لهل الجاه يعرف محله
معقبه جدك وباقي مع ابوك = ويبقى وتبقى يالنجوم المطله
ولا لحقن طيبك يابو نايف شكوك = يالي ورثة الطيب دقه وجله
اصل وفصل ماهو بطيب ن من البوك = طيبت ن يشرف من يتابع سجله
بلغه نهنيها وفيه امس هنوك = وسيف الفخر والعز فيها نسله
وقبل تحياتي مع الفين مبروك = يالي جمعت الطيب والمجد كله

[ابوعابد]

الأخ العزيز طلال البدراني
مساءك خير
أتمنى للأخ بندر التوفيق والسداد في خدمة الدين ثم المليك والوطن...

[عبدالله بن سدحان البدراني]

الاخ العزيز
طلال سعد البدراني
سعدنا بعودتك الى المنتدى
ومن طول الغيبات ::: جاب الغنايم ......

وهذي اول الغنائم :


ولا لحقن طيبك يابو نايـف شكـوك=يالـي ورثـة الطيـب دقـه وجلـه
اصل وفصل ماهو بطيب ن من البوك=طيبت ن يشرف من يتابـع سجلـه

صح لسانك ... وابو نايف يستاهل كل خير
واتمنى له دوام التوفيق والنجاح
ولاهي غريبة لو هل الجاه حطوه .. فعلا ..


تحياااااااااااتي

[ساري]

اخوي طلال البدراني

السلام عليكم ورحمة الله وبركاته

يستاهل ابو نايف وهو اهل للثقه ان شاء الله واشكرك على الابيات

الجميله التى تكلمت بما تكنه قلوبنا لابو نايف مع تمنياتي له بالتوفيق

وتقبل مني كل المحبه

[حــ المعاني ــرف]

معقبـه جـدك وباقـي مـع ابـوك =ويبقـى وتبقـى يالنجـوم المطـلـه
ولا لحقن طيبك يابو نايـف شكـوك = يالـي ورثـة الطيـب دقـه وجلـه

ابو سعد لك الشكر على ماعبرت به وابيات رائعه

وابو نايف يستاهل وهو اهل للثقه

تقبلوا اصدق الود

[السيسبان]

الاخ العزيز

طلا بن سعد البدراني

مشكور على المشاركه الجميله لاخوانك في مناسباتهم

والف الف مبروك لا بو نايف ويستاهل

تقبل خالص الود

[تركي الزايد]

الغالي

طلال سعد البدراني

صح لسانك ويستاها ابو نايف

باقة ورد

[محمد عبدالمحسن البدراني]

معقبـه جـدك وباقـي مـع ابـوك
ويبقـى وتبقـى يالنجـوم المطـلـه


الله الله ماأجمل الصدق والعبارات الصادقه من اهلها
الاخ العزيز والشااااااااااااااااعر اللذي حضوره الان جعلنا ننسى فترة غيااااااابه السابقه
طلال سعد البدراني

صح لساااااااااااااااااااااااااااانك صح لساااااااااااااااااااانك
والف والف مبروك يابندر بن نايف وعلى العز والطاعه وعسى الله يوفقك

[عاشق بلغه]

شاعرنا القدير
مشرفنا الغالي : طلال سعد البدراني
أشكرك من الأعماق على التهنئة القلبيّة لأخي الغالي : بندر بن نايف بن راجح على تعيينه رئيساً لمركز بلغه ، وصح لسانك على أبياتك الجميلة المعبّرة التي تدل على وفاء وصدق الأخ لأخيه ، فلا يستغرب على رجالٌ أمثالكم ما زالوا على صدقهم ووفائهم ومحبّتهم ، فأعلم أخي الغالي أن من تحبّه يحبّك ويكن لك التقدير ....


جعل الله أيامك ولياليك أفراحاً وسعادة ،،،،

والله يحفظك بحفظه ويرعاك ...

[ابن شنوت]

صح لسانك ياطلال وبيض الله وجهك..

ماهي غريبه لو هل الجـاه حطـوك
الجـاه لهـل الجـاه يعـرف محلـه
معقبـه جـدك وباقـي مـع ابـوك
ويبقـى وتبقـى يالنجـوم المطـلـه

ويستاهل بندر بن نايف والف مبروك
وتقبل تحياتي..

[محمد بن جعيثن]

الاخ طلال
شكرا على تفاعلك مع الحدث
وصح لسانك على هذه القصيده الجميله
ونبارك للاخ بندر ايضا
ودمت افراحكم يالبدارين


لك الود

[طلال سعد البدراني]

الاخوه / الاعزاء
نديم الصمت
عبدلله سدحان
ساري
حرف المعاني
تركي الزايد
محمد عبدالمحسن
عاشق بلغه
هبوب الجنوب


سعدت بمروركم الكريم
ودامت افراح الجميع

[ابويارا]

الاخ الغالي
طلال سعد البدراني

صح لسانك على هذه القصيده الرائعه
ويستاهل ابونايف
لاتحرمنا من جديدك وروائعك

دمت بخير وعافيه