المساعد الشخصي الرقمي

مشاهدة النسخة كاملة : الشايب و المغازله


اللهبي
13-05-2007, 01:11 PM
اخواني هذه محاوره قديمة بين فتاه و شايب في الثمانين من عمره

اتمنى تعجبكم


بدايه القصه عن شايب اسمه حمدان وهواوي ( قلبه خضر ) ما يشوف بنت الا ينفتن بها

فيه بنت ملكعه وصاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله

كيف تكون .

راحت له وردت عليه السلام كيف حالك يا شايب رد السلام والله بخير الله يعافيك

وفجأه عطته ظهرها ومشت ولا استإذان ولا شي

ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت

باخوي حمود اللي في قبره ويذكر التاريخ واليوم اللي قابلها فيه

يقول الشايب :





يا بنت خوذي خاطري وارحميني

لا تجرحين العود بعيونك السـود

غضي نظرك وغطي الوجنتيني

لعل يومٍ جدد الجرح مـا يعـود

يوم انتهى مع مرمسات السنينـي

جتني صواديفه على غير مقصود

باول شهر عشره نهار الثنينـي

حمدان مروا به على جنازة حمود









البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ

راحته في التغزل

ردت عليه وهزأته تقول






يا شايب الرحمن وينـك ووينـي

عزي لحالك قدمك الباب مسـدود

قلبك عطوف وجاه قلـبٍ متينـي

والبنت ما تشفق على مغازل العود

حبل الرجا مقطوع بينك وبينـي

مثل الغليث اللي رعا قلبه الـدود

اقفى شبابـك والعـرب مقبلينـي

يا عود ما يرجع من العمر مفقود









حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها

صدي عني انه ما يبي الغزل بعد ما وصل عمره ثمانين سنه

يقول حمدان :






يا بنت صدي بالعيـون الظليلـه

لا صد عنك الله نهـار القيامـه

مالي ومالك يالفـروع الطويلـه

لو فيك من رسم البـداوه علامـه

يابنت ما لـي بالثمانيـن حيلـه

اهدف كما تهدف على البير قامه

اقفى شبابي والدهر شفـت ميلـه

يالله حسـن الخاتمـه والسلامـه

اعطيك موجز والبضاعـه قليلـه

واخذت لك من صافي الماء سنامه








راحت الايام والشايب مسكين سنه خذله معها شايب وهي بنت وتقول له كيف اعطي شايب وجه


بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها في كم بيت انها

بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب

يقول حمدان






يا بنت ما جاك الكبر والخشونـه

وعادت شباب اليوم يجفل من الشيب

ياسرع ما وبلـك تمـزع مزونـه

يالفاتنه يـا ام الثمـان الرعابيـب

يا بنت ما بينـي وبينـك مهونـه

كلمة شرف نبي تحيـه وترحيـب

الله مـن عـودٍ ثقيلـه طنـونـه

ينصاه راع المشكلـه والمواجيـب

على الكرم والديـن نفسـه حنونـه

تلقاه بالاجـواد شـرق وتغاريـب







جهز الابيات وارسلها مع عجوز ووعد العجوز بهديه اذا وصلت الرساله لها

راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته

ترجعين له بابياتي العجوز مسكينه قالت طلعيني ولا ابي منكم شي الله لا يعودكم انتم واوراقكم

ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف

تقول البنت






العود عود وطايحـاتٍ سنونـه

من كثر ما يرقد على جرة الذيب

عودٍ مهرقل والعرب ما يبونـه

ياعود ما لك في طويل المراقيب

اقفى شباب العود راحت حتونـه

مثل اليتيم اللي بكا ما له مجيب

جداه ينثر دمعة ٍ مـن عيونـه

غريق موجٍ ما لقا له مقاضيـب


هذي قصة الشايب والبنت وسلامتكم وتحياتي للجميع :

ابن شنوت
13-05-2007, 02:15 PM
العود عود وطايحـاتٍ سنونـه

من كثر ما يرقد على جرة الذيب

عودٍ مهرقل والعرب ما يبونـه

ياعود ما لك في طويل المراقيب

اقفى شباب العود راحت حتونـه

مثل اليتيم اللي بكا ما له مجيب

جداه ينثر دمعة ٍ مـن عيونـه

غريق موجٍ ما لقا له مقاضيـب


مشكور اخوي اللهبي على الموضوع
وتقبل تحياتي.

محمد بن جعيثن
13-05-2007, 08:43 PM
الاخ اللهبي
موضوع جميل ومساجله جميله ايضا

لك الود

الحر النداوي
20-05-2007, 06:18 PM
الاخ\ اللهبي
موضوع جميل وبارك الله فيك
تحياتي

مقرن بن نغيمش
26-05-2007, 11:28 PM
االاخ: اللهبي

يعطيك الله العافية
على لقصة والقصيدة
الجميلة



وتقبل تحياتي

اللهبي
27-05-2007, 03:49 AM
ابن شنوت / اشكرك لمرورك الذي زاد المشاركه اناره

هبوب الجنوب/ اسعدني مرورك و مشاركتك يابو عبد الله

الحر النداوي/ وممازاد جمال المشاركه مرورك العطر

مقرن نغيمش / اسعدني مرورك و اشادتك بالمشاركه0

عبدالمطلوب مبارك البدراني
14-01-2008, 01:32 PM
الاخ اللهبي

الله يعطيك العافية على هالقصةالرائعة

وتقبل مروووووووووووووووري

لك تحياااااااااااااااتي

احمد بن حزام البدراني
18-01-2008, 10:03 PM
الاخ
اللهبي

يعطيك الله العافية
علىا لقصة والقصيدة


وتقبل تحيااااااااااااتي.....

اللهــبـــــي
15-06-2009, 02:24 PM
قصة رائعة تدل ع دور القصيد بالقصص وشكرا

راعي الديره
15-06-2009, 04:39 PM
الله يعطيك العافيه يامبدع اسعدتنا بهذه القصة الجميلة موفق بإذن الله ... لك مني أجمل تحية .