المساعد الشخصي الرقمي

مشاهدة النسخة كاملة : وياما بحرب من كرام صناديد


عادل البدراني
01-06-2007, 05:23 AM
السلام عليكم ورحمة الله وبركاته

قصيدة في قبيلة حرب

الشاعر/ فرج بن خربــوش الشمـري (الله يرحمه)


يا راكبٍ من فوق زين المشاديد=متحــدرٍ من روس عالي جـباله
ممشاه من سلمى عطاها الرواعيد=الاجــنـبي وان جاه يعـطي جماله
من جاه في سلم العرب بالشرف زيد=ومن جـاه في حــربٍ تعــزز لحاله
من راس ابن خربوش ماهيب تقليد=من دار ذربــين الــلغى والجـــزاله
والنضو ركابه علي كيف ما اريد=لابــن معيــتــق زاعــجـيــن الرســــاله
يهلي براع النضو قبل التناشيد=ريـــف الركاب اللي تــوامي حــباله
ويقلط العاني بزين المقاعيد=ويسيـــح عـــند مــنـــفــــد البــــن بـاله
قل وش علم جيشك مر سلمى مسانيد=هل اللحـيـسه مكــرمة من عــنا له
وركٍ بوجه الهجن لا جن مصاعيد=قـــدامــــهن الوافــيــن في كل حــــاله
الضيف يعطونه علي كيف ما يريد=ويــقــعــدونـــــــه بي مـــكان الشــكاله
علي النعي مثل المحوص المواريد=يحيــون باللي فــاض مع راس جاله
حب اللقيمي ميرهم مع نمى الغيد=وفــنجال بن مونـــسه مع كــــماله
بدوٍ تنفد غالي البن تنفيد=بدلال وارفــــافٍ طـــويل ظلاله
ذولا محاديرٍ وذولا مسانيد=يهلــــون بالرجـــــلي وراع الــزماله
شرقي جبل سلمى قرايا المساعيد=ملافــــظ الشـريان تـرهم شــــماله
جيشك تعدانا وياخذ تصاديد=دليــل جـيـــشك فـوته من هــباله
ومثلك يشيم عن كثير الهرابيد=والا نعــــرف الطيـــبه والفــساله
معزبكم المذكور يا عل ما يفيد=يا حـــيــف ليـــتك بارزٍ به لحـاله
على خلاك مسويٍ قد ما تريد=والا سكـــت ودامـــحٍ له خــــماله
كل العرب فيها ختوش ملابيد=شخـوص العـرب ما تــــندمر من حـــثاله
حربٍ من القبلة الى ادنى تخاديد=وياما بحــــربٍ من رجــال الشــــكاله
وياما بحربٍ من كرام صناديد=وياما بــــهم من مــدركـــين الجــــماله
وياما بهم من مشبعين المراديد=شيــــوخٍ تــنــــفـد مالها دون حـاله
معنا صداقتهم سنين سراميد=وراع الثــنا ما ينجــــزى بالفــــساله
ابن نحيت ينفد الملح تنفيد=من كون بقــــعا عــنــدنا له جــــماله
مع شمرٍ ورد على الموت توريد=أرخـــى على حـــوض المـــنايا حـــــباله
ويوم المليدا شدد الحرب تشديد=مرقـــب غــضيٍ نـــشده وش جـــرى له
ربعه بنى سالم مشوا والجمل قيد=يوم ابــو ضيف الله بـــرايٍ عـبا له
وضيف الله شوق اللي نهوده مقاعيد=رخــيـــص ما باليـــد ثـقـــيــلٍ بحاله
ألين من الماهود ما به عواقيد=حــلال قــــالاتٍ تـــلـــولس حــــباله
واخوان حسنا للمجوخ صياييد=بالسيـــف ردوا عــــند تـالي ثـــقـــاله
في درب ابو جلال تلقى المفاريد=تـــشدى دروايشٍ عن الـــدرب عاله
جلال شوق اللي طماحه تصاديد=مربــوعة حـشـــــو المنـــقــش جماله
ورد لجام السيف بالراس توريد=بيوم به الخـــفرات تــرمي شــياله
بني علي ربعه على كيف ما يريد=تــرعى بهم شــقحٍ على الحــمض مــــاله
واخوان نورة تكرم الضيف وتزيد=تـــــورثـــوا بـــاس المـــهادي وباله
يرعن بهم الزرفات فيضٍ وتسنيد=مع حجرفٍ سيفٍ ورايٍ برى له
وناهس صليب الشور عقب صناديد=عـقـب شيـــوخٍ تفـــرح اللي عـــنى له
وغالب ابن مقحم ذرى كل رعديد=زبن الحـصان الــلي تـــوطا حـــثاله
إلي تعلوا طايعات المقاويد=كم من طمـــوحٍ قـــلـدوها حــباله
اللي قنص بالحر صياد وايفيد=والـــلي قــنص بالتـــبع عــزى لحاله
وفيحان يثني دون شقح مواليد=وان ضيــعت عــقــب الضــبابــة عـــياله
وكم سندت خيل المضايين تسنيد=ومن ذل فـــنجـال الشــرف ما مـــشى له
يا مال طوبى ماجدٍ عندهن صيد=وجـحـيـش والعـبـــد المـطرف بـــرى له
كل نخبره بالثنا والتماجيد=ابن صميعـــر فــــرحة الـلى عـــنا له
من دون ضيفه ورد النفس توريد=فـــكـــه من الحـــكام وارخـــص حــلاله
عقيد عيراتٍ تبوج البراريد=دار العــــدو لازم يـــدوج بــــجاله
نزه الشوارب عن جميع العواقيد=الله يحـــل الشايـــب اللي غـــدا له
وخلف ابن ناحل مضيفه تقل عيد=الـلي عـــطى الزمال من حـــر مـــاله
ونافـــل ابن غميض يشريه ويزيد=راعـــي الخــروف يـربــــحه لا عـنى له
والنعم بالناقي الى جا جويريد=تـــلــقى الشبــب بــبـيـوتـهم والشـــكاله
نفوسهم للضيف مابه عواقيد=أهـــل الملــــيحا يوم جــــود عـــقاله
وزيدان ابن مطلق الى جن عراجيد=ذيــب السمـيـن الـلي تعـــرم حــياله
هدات حرٍ طالع في جلا الصيد=صيــده من الجـــزلات ما هي هــــزاله
ليا ما لقى ضانٍ كرم بالمعاويد=مخــيــمر ابن مطـــلق صبي الجــزاله
راع الكرم والجود بالفعل وايزيد=جعــله لجــنات النـــعايم نواله
ورباح ومحمد على كيف ما اريد=والمـــرجلة مسوا مــثاني حـــباله
والماكر الطيب لربعه مقاصيد=ومن جـث من خـــوٍ تبـيـن قــباله
شيوخ حرب الكرام الصناديد=ذبيت عـــنهم يــوم صارت شــكاله
الطيب ان جيته يزودك تزويد=والحـنـــظلي ما يـقــبلونه عــياله
بالامانه القصيدة منقوله

ابن شنوت
01-06-2007, 05:53 AM
حربٍ من القبلة الى ادنـى تخاديـدوياما بحربٍ من رجـال الشكالـه
وياما بحربٍ مـن كـرام صناديـدوياما بهم مـن مدركيـن الجمالـه
وياما بهم مـن مشبعيـن المراديـدشيـوخٍ تنفـد مالهـا دون حـالـه

شيـوخ حـرب الكـرام الصناديـدذبيت عنهم يـوم صـارت شكالـه
الطيب ان جيتـه يـزودك تزويـدوالحنظلـي مـا يقبلونـه عيـالـه

ونعم بشمر الطنايا ونعم بحرب حرابة الدول
والله يعطيك العافيه على القصيده والنقل

وهذي من صفات اهل الطيب والصدق
يذكرون الصدق ولا يخافون اللوم من احد
ولا يحسبون حساب اي شي سوى مخافة الله سبحانه

ورحم الله ابن خربوش الشمري
وتقبل تحياااتي,,,,,,,,,

تركي الزايد
01-06-2007, 10:41 AM
المبدع دائما

عادل البدراني

يعطيك العافية

ورحم الله الشمري والقصيدة اذا قيلت من خارج القبيلة يكون وقعها في القبيلة غير عن اذا قيلت من احد افراد القبيلة

لك الود

اللهبي
01-06-2007, 11:25 AM
الله يعطيك العافيه على النقل الرائع

لقصيدة ابن خربوش

أبن مفلح البدراني
01-06-2007, 12:34 PM
رحم الله
الشاعر/ فرج بن خربــوش الشمـري
وفي هذه القصيده الجزله
نرى مدحه
وهذا لا يستغرب على حرب


وأفتخر لأنتسابي لهذه القبيله


تشكر
اخوي
عادل على هذه النقله
سلمت يمينك

السيسبان
01-06-2007, 03:54 PM
حربٍ من القبلة الى ادنـى تخاديـدوياما بحربٍ من رجـال الشكالـه
وياما بحربٍ مـن كـرام صناديـدوياما بهم مـن مدركيـن الجمالـه
وياما بهم مـن مشبعيـن المراديـدشيـوخٍ تنفـد مالهـا دون حـالـه


الاخ العزيز
عادل البدراني

مشكور على النقل

ونعم بحرب ورجالها والله يرحم ابن خربوش

لك خالص الود

ابوعابد
01-06-2007, 08:17 PM
الأخ العزيز

عادل البدراني

الله يعطيك العافية على النقل الجميل والإختيارالمتميز

والله يرحم الشاعر/ فرج بن خربــوش الشمـري

عادل البدراني
08-06-2007, 11:52 PM
حربٍ من القبلة الى ادنـى تخاديـدوياما بحربٍ من رجـال الشكالـه
وياما بحربٍ مـن كـرام صناديـدوياما بهم مـن مدركيـن الجمالـه
وياما بهم مـن مشبعيـن المراديـدشيـوخٍ تنفـد مالهـا دون حـالـه

شيـوخ حـرب الكـرام الصناديـدذبيت عنهم يـوم صـارت شكالـه
الطيب ان جيتـه يـزودك تزويـدوالحنظلـي مـا يقبلونـه عيـالـه

ونعم بشمر الطنايا ونعم بحرب حرابة الدول
والله يعطيك العافيه على القصيده والنقل

وهذي من صفات اهل الطيب والصدق
يذكرون الصدق ولا يخافون اللوم من احد
ولا يحسبون حساب اي شي سوى مخافة الله سبحانه

ورحم الله ابن خربوش الشمري
وتقبل تحياااتي,,,,,,,,,

مشرفنا القدير بن شنوت تشرفت بمرورك وضافاتك الرائعه

الله يعطيك العافيه.

عادل البدراني
08-06-2007, 11:57 PM
المبدع دائما

عادل البدراني

يعطيك العافية

ورحم الله الشمري والقصيدة اذا قيلت من خارج القبيلة يكون وقعها في القبيلة غير عن اذا قيلت من احد افراد القبيلة

لك الود

الاخ تركي تشرفت في مرورك العطر الله يعافيك

تحياااتي لك بلا حدووود

عادل البدراني
08-06-2007, 11:59 PM
الله يعطيك العافيه على النقل الرائع

لقصيدة ابن خربوش

الاخ العزيز اللهبي الله يعافيك كما ترى يشرفني ردك وحضورك الجمل شكرآ المرورك العطر

ودمت بود وسعاااادة

عادل البدراني
09-06-2007, 12:06 AM
رحم الله
الشاعر/ فرج بن خربــوش الشمـري
وفي هذه القصيده الجزله
نرى مدحه
وهذا لا يستغرب على حرب


وأفتخر لأنتسابي لهذه القبيله


تشكر
اخوي
عادل على هذه النقله
سلمت يمينك

مرقبنا بن مفلح شكرآ على مرورك الذي يزيد متصفحي سرورآ

تحياتي لك بلا حدووود

عادل البدراني
09-06-2007, 12:15 AM
الاخ العزيز
عادل البدراني

مشكور على النقل

ونعم بحرب ورجالها والله يرحم ابن خربوش

لك خالص الود

مهندس المنتدى دئمآ تنور متصفحي بمرورك الرائع

الله يعطيك العافيه.

عادل البدراني
09-06-2007, 12:18 AM
الأخ العزيز

عادل البدراني

الله يعطيك العافية على النقل الجميل والإختيارالمتميز

والله يرحم الشاعر/ فرج بن خربــوش الشمـري

الاخ نديم الصمت الرائع والجميل هو مروروك العطر تحياتي تقديري لك.

محمد عبدالمحسن البدراني
09-06-2007, 10:09 AM
اخوي عادل

تسلم يمناك على النقل وبيض الله وجهك

قصيدة من عيون شعر المدح

حرب تستاهل المجد والمدح لانه قول على فعل والشمري بيض الله وجهه وهذا من وفاه رحمه الله تعالى..

لك التقدير والشكر

عادل البدراني
20-06-2007, 04:37 AM
اخوي عادل

تسلم يمناك على النقل وبيض الله وجهك

قصيدة من عيون شعر المدح

حرب تستاهل المجد والمدح لانه قول على فعل والشمري بيض الله وجهه وهذا من وفاه رحمه الله تعالى..

لك التقدير والشكر

اشكرك على مرورك الكريم وردك الرائع يسعدني جداا قدومك المتصفحي وتجوالك فيه


الله يعطيك العافيه

عبدالمطلوب مبارك البدراني
23-06-2008, 07:07 PM
الاخ الغالي عادل البدراني

تسلم يمناك على النقل الرائع وبيض الله وجهك

قصيدة من عيون شعر المدح

حرب تستاهل المجد والمدح لانه قول على فعل والشمري بيض الله وجهه وهذا من وفاه رحمه الله


تعالى..


لك الود