المساعد الشخصي الرقمي

مشاهدة النسخة كاملة : صياف ومطلق من اقوى واشهر المحاورات


تركي الزايد
06-06-2007, 11:04 AM
بسم الله الرحمن الرحيم

اخواني كيف حالكم عساكم ما عليكم .. مدري وش اقول لكن رحمة الله على الشاعر صياف الحربي

والشاعر مطلق الثبيتي حبيت انقل لكم محاورة

من اقوى المحاورات المشهورة جدا على نطاق واسع لانها بين عملاقين من عمالقة شعر المحاورة

.
.
.
مطلق




الحريبي ينفض اللحية ويطوي في معمه
طار عقله من شليويح المطيري والزلامي
البعير اللي يشيل الحمل عود يرضع امه
بعد قالوا شامخ النيبان مردوم السنامـي





صياف



الحريبي يوم غنى حطكم فـي راس كمـه
ثم خلاكم عجينـه كـن مافيكـم عظامـي
الجمل يمشي على الدرب وكلامك ما يهمه
من هديره قمت من نومك وحرمت المنامي





مطلق




الزمان اللي ستر حالك وحالـي لاتذمـه
والحرم من دونه المسعى وبيبان السلامي
انت داب كل ما حرك شدوقه سال سمـه
والله انا مانذوق السم يا لداب التهامـي





صياف




انت ذيب تكره البارود لـو انـك تشمـه
ما تحب النور الابيض ما تحب الا الظلامي
الطعام اللي ليا شفته على صدرك تضمـه
لا تقول انه حلال ولا تقول انـه حرامـي





مطلق




علموا صياف لايتبع خفيف الظل عمه
دام انا وياه فالمذهب وفالطرقه ليامي
قله انا ما نبااللي بننـا نقـال نمـه
بعد عود بيعة بين القبايل ما يسامـي





صياف




انت اشوفك كل ما تسرح تضوي لك مطمه
تحسد المسلم على دينه ليا صلى وصامي
لا يزعلك الكلام اللي عسى ربـي يتمـه
ثم بده مستريح بلا شـراب ولا طعامـي





مطلق




كل شي في طريقك يابيـض الشـارب تخمـه
لين ضيعـت الفشـق والبندقيـه والحزامـي
ان نثـرت القـش ياصيـاف ماتقـدر تلمـه
وان قربت من العرب ميسمك جوف النار حامي






صياف




لو بيتركلك على باب الخزينه رحت يمه
وان نظرلك نظرة حمراء تعديت النظامي
المسافر ما يطب البحر لين انه يطمـه
يذكر الله في بلد مكه ويلبس له حرامي





مطلق




انت مانت مستشار ولاانت ريس مجلس امـه
انت غصن الحنظله مالك زهـور ولا نوامـي
جيت عند الحسو ضامي مير ماللحسـو جمـه
ماخبل اللي يحسب ان الحسو يروي كل ضامي





صياف




لو يحطوك العرب ريس قضاء مافيك ذمـه
يوم تضحك لي بسن ويوم تزعل من كلامي
لاتنزلك الدروب العوج وانت براس قمـه
ثم لـو اتمـوت ماقلنـا لعلـه للرحامـي





مطلق




والله انـك تعـرف النقـاش صـواغ الازمـه
هات ياصياف خشمك كان تبغـي لـه زمامـي
ماخبل اللي يرسلونك يالحريبـي فـي مهمـه
وانت في رجلك سلاسل وانت في راسك خطامي





صياف




ثوبك الابيض تغير يوم طولـت الاكمـه
مير ليتك تصبغه بالسدر وعروق البشامي





رحم الله الشاعرين وسلامتكم

ابن عضيب
06-06-2007, 12:13 PM
بالفعل أخي تركي


تعتبر هذه المحاورة من أشهر المحاورات على الإطلاق


رحم الله الشاعرين


وسلمت يداك على النقل


تقبل تحياتي

ابن شنوت
06-06-2007, 01:08 PM
الله يعطيك العافيه على النقل
والله يرحم الشاعرين

وتقبل تحيااااتي,,,

السيسبان
07-06-2007, 04:30 AM
الاخ العزيز

تركي الزايد

يعطيك العافيه على النقل الرائع

ورحم الله الشاعرين

لك خالص الود

الوافي
07-06-2007, 11:22 AM
تركي الله يعطيك العافية على هذ النقل الجيد

والله يرحم الشاعرين العملاقين

عادل البدراني
09-06-2007, 11:08 AM
الاخ الغالي

تركي الزايد

الله يعطيك العافيه

واشكرك جزيل الشكر على النقل الرائع والمتميز

رحم الله اموات المسلمين جميعآ

تركي الزايد
09-06-2007, 11:43 AM
الاخ العزيز

ابن عضيب

تشرفت بمرورك

تحياتي

تركي الزايد
11-06-2007, 10:29 PM
الغالي

ابن شنوت

شرفني مرورك

لك الود

تركي الزايد
11-06-2007, 10:33 PM
الغالي

السيسبان

تشرفت بمرورك

تحياتي

تركي الزايد
11-06-2007, 10:34 PM
الغالي

الوافي

تشرفت بمرورك

تحياتي

تركي الزايد
11-06-2007, 10:38 PM
الغالي

عادل البدراني

تشرفت بمرورك

لك الود