المساعد الشخصي الرقمي

مشاهدة النسخة كاملة : محمد البدراني والشاعر وقيان الصخابره الدوسري ((محاوره))


محمد عبدالمحسن البدراني
15-06-2007, 05:31 AM
.
.
.
.



وقيان الدوسري

سـلام الله سـلام والليالـي غيبهـا قــدام=وانا شاعر واعرف الشعر نقضه غير عن فتله
يجيني شاعر يونس لحل المبهمـات اعـرام=وانـا قـدام عينـه والليالـي ويـش خفتلـه

.
.
.


محمدالبدراني

هلا بك يابن زايد ياقوي الباس يالمقـدام=هلا باللي ليا نادى لقواف الشعر صفتلـه
حزامي ياحزامي لك محمد باللزوم حزام=انا عز الرفيق ان كان عين الضيق رفتله
.
.
.
.

.
.
وقيان الدوسري

تحيزم واحتزم ماعاد تقدر تثني الاقدام=والذيب لامنه قنب ذياب الضلع نادتله
تراي اقدرك لكن صوتك يوقظ النيـام=تهد اشعيل دون اخطام ثم اتعود وتختله
.
.

.
.

محمدالبدراني

الا ياخيرةالله قمت اواجه بالطريق الغـام=بعد رحبت في ضيفن يمين الطيب مدتلـه
ترى مابينك وبين المعزب يالرفيق اخصام=عقب عشاك اشوف انك بديت تخطط لقتله
.
.
.

.



وقيان الدوسري


الأ ياويش زاد تاكله ناس بغير ايدام = وزاد مثل هذا حالف إني ماتلفتله
تقوله وانت لامنهي ولامامور ياصدام = بعد شاف الدروب السابره قامت تلوتله
.
.
.
.

.

محمدالبدراني


بليت الناس في شرك وحنا عن دواك صيام=مثل ذيبآ بلوه بتهمتن بالغيب حطتله
ترى ياهل الوفا لاصار جوه غيم ماينلام=نبى ندمح له العوجا ليامن زل واسكتله
.
.
.
.
.

.




وقيان الدوسري


;ترا ماعقب مشي اشعيل يامحمد سوى الدرهام =ولاحدن يامن الايام لو بالسن ضحكتله
انا مانيب فاقد وعي وانت اتزيد في الاحلام = عميلك خاطب عليا وهي بالصوت غنتله
...
.
.
.

.
.
.




محمدالبدراني;


ترى خصمك بكفه بندقن سردا عليها اختام= ندبها يعطب الصيده ولو من بعد بانتله
ابى احدك على قصياك لين تنكس الاعلام=وعسى عليا تفك اللي نهار العرس زفتله

.
.
.
.



وقيان الدوسري;

تبي تدخل بنسك االحج وانته مالبست احرام = ورصاص المارتين يثور لكن وين راحتله
كوابيس المنام اتزيد في خاطرك من الاوهام = تعجب من غصون الراك يوم الريح مالتله
.
.
.
.
مــحـــمـــد الــبـــدرانـــي

بروق الوسم تبرق مير مااثمر ساحل الدمام=بغى يزرعبه الزراع وارض الشط وقفتله
تبى تصدر ركايبنا من الرس الهماج حيام=ونبى ندم القليب اللي خيار الجيش وردتله..
..

.

.
.
.
.
.
وقيان الدوسري

تحفرون القبور ولالقيتو غير بيض اعظام = بعضكم ياشباب الجيل تجهل ويش خلقتله
انا اشوف القدور تفوح لكن وينهي الانعام = قدورن تطبخ لكن مادري ويش فاحتله

تركي الزايد
15-06-2007, 02:30 PM
الاخ العزيز

ابو عبدالله

محاورة رائعة تعيدنا لزمن ابداع هذا الفن

يعطيك العافية وكذلك الشاعر الدوسري

تحياتي

عادل البدراني
16-06-2007, 12:37 AM
بروق الوسم تبرق مير مااثمر ساحل الدمام=بغى يزرعبه الزراع وارض الشط وقفتله

تبى تصدر ركايبنا من الرس الهماج حيام=ونبى ندم القليب اللي خيار الجيش وردتله..

شعرنا محمد البدراني

صح لسانك ولسان الشاعر وقيان الدوسري

والله يعطيك العافيه على هذه المحاوره الرائعه
تحياتي وتقديري لك

عبدالمطلوب مبارك البدراني
29-11-2007, 05:05 PM
الاخ الغالي
ابو عبدالله

محاورة رائعة

صح لسانك ولسان الشاعر وقيان الدوسري

وتقبل مروووووووووري ودمت بخير

احمد بن حزام البدراني
29-11-2007, 10:29 PM
صح لسانك ياشاعرنا
ابو عبدالله
ولسان الشاعر وقيان الدوسري

والله يعطيك العافيه على هذه المحاوره الرائعه


وتقبل تحياااااااتي000000