المساعد الشخصي الرقمي

مشاهدة النسخة كاملة : اللهبي ...((شد حزامك وتعال ابيك)) لاهنت


محمد عبدالمحسن البدراني
17-06-2007, 07:44 PM
السلااااااام عليكم جميعا...

ترى عندنا شاعر محاوره مادريتو عنه ....

اخوي ابو فيصل استلم:
.
.



سرى الليل يا براك وانته تجي وتروح=مثل حبل دلوآ فوق بير(ن) هلاليه
تزيد الحطب من تحت قدرك وعيا يفوح=عسى الله يعينك تاكل الهبره النيه

.
.

اللهبي
18-06-2007, 02:29 AM
الله يهديك يابو عبد الله اقحمتني

بالشعر لكن تفضل رد اخوك ( عليمي الشعر)


سريت الليال المظلمه ياولد مسروح = مرافق مهنا واترك مرافق العيه

مدامك ركبت( شعيل) جاوب حمام الدوح = وخلك قوي ولايجي فيك ماويه

محمد عبدالمحسن البدراني
18-06-2007, 03:17 AM
مرحباااااااا مليوووووون


استلم



بوقت السعه مافيه رجل(ن) قريب شوح=ومثلك ترى ماظن يخلف هقاويه
لياهاجت الامواج منته سفينة نوح= اقوله وانا ماقول يمناك ملويه

عادل البدراني
18-06-2007, 03:41 AM
صح لسانكم جميع تسلمون على هذا الابداع

وانا بصــف اخي اللهبي

تحيااااتي لكم بلا حدووود,,,,,,

اللهبي
18-06-2007, 05:34 AM
انا ما طمعت براتب العامل المشفوح = وراع القريه دايما يعرف وخيه

تبيها سوالف جد ولا بغيت مزوح = ابو نيتين الاقشر غلبه ابو نيه

محمد عبدالمحسن البدراني
18-06-2007, 09:05 AM
على غير يمه قمت ترخى الرشا وتموح=وانا احسبك تتبرهج كبود الظماويه

تفر الرحى ولاشوف من فرها مصلوح=لياصارت من الحب ماهي بممليه

ابن عضيب
18-06-2007, 11:10 AM
يلالا يلالا ياللالا يلالا لال

يلالا يلالا ياللالا يلالا لال


صحت ألسنتكم جميع ، وانا بصف ابوعبدالله

بدون قصور بابو فيصل , لكن بنعدل الصفين

اللهبي
18-06-2007, 11:41 AM
ترى ماوصلك الا صداء صوتك المبحوح = تحملت ولا غادر الشمس للفيه

اناعارف انك فارسا باللقاء ناطوح = ابا اعطيك نسبةفهم واحد من الميه

ابوفيصل البدراني
20-06-2007, 01:55 AM
يعطيكم العافيه
أنا بصف أخوي اللهبي ولا يهون أبو عبدالله


ترى ماوصلك الا صداء صوتك المبحوح =
= تحملت ولا غادر الشمس للفيه
اناعارف انك فارسا باللقاء ناطوح =
= ابا اعطيك نسبةفهم واحد من الميه

star albdarain
20-06-2007, 04:07 AM
انا ما طمعت براتب العامل المشفوح
وراع القريه دايما يعـرف وخيـه
تبيها سوالف جد ولا بغيت مـزوح
ابو نيتين الاقشر غلبـه ابـو نيـه

الاخوان اللهبي + محمد عبد المحسن


الحقيقه انا من عشاق المحاوره ومن المتابعين لها علما اني لست شاعر

ولا ناقد شعر وبعد اطلاعي على هذه المحاوره اتضحلي ان المواهب موجوده00

وهذا يزيدنا فخر 0 يعني نقول كل شئ موجود بمنتديات البدارين 0

الله يعطيكم العافيه ونتمنى منكم المزيد0

محمد عبدالمحسن البدراني
22-06-2007, 09:22 AM
هلااااااا بالجميع واستلم ياللهبي




ترى ماوصلك الا صداء صوتك المبحوح = تحملت ولا غادر الشمس للفيه

اناعارف انك فارسا باللقاء ناطوح = ابا اعطيك نسبةفهم واحد من الميه


جميع النوايا صافيه والخطا مدموح=ومثلك حباله لانشدته رهاويه
ابنشدك عن دار(ن)عليها البروق تلوح=بها مزبنن خلوه بعض الجلاويه

أبن مفلح البدراني
22-06-2007, 04:41 PM
صح الله لسانكم جميعاً

يا

ابو عبدالله
و
ابو فيصل


وننتظر من الابداع الغير محدود

تركي الزايد
22-06-2007, 10:26 PM
يا لا لا لالا لالا لالا لالا لالا يا لا لا لالا لالا لالا لالا لالا
يا لا لا لالا لالا لالا لالا لالا يا لا لا لالا لالا لالا لالا لالا


جميع النوايا صافيه والخطا مدمـوح
ومثلـك حبالـه لانشدتـه رهاويـه
ابنشدك عن دار(ن)عليها البروق تلوح
بها مزبنن خلـوه بعـض الجلاويـه

واصل واصل

محمد عبدالمحسن البدراني
24-06-2007, 08:18 AM
ابو فيصل صح لساااااانك وتسلم ولايهون جميع الحاضرين...

استمتعت باللعب معك وتعلمت منك الشي الكثير..

لظروف العمل قد اغيب بعض الوقت وشكرا شكرا للجميع