المساعد الشخصي الرقمي

مشاهدة النسخة كاملة : قصيده طريفه


اللهبي
18-07-2007, 01:38 PM
اخواني

اسعد الله اوقاتكم


انقل لكم هذه القصيده التي لاتخلو من المعانا و الطرافه

و على ماظن انها لشاعر يدعى/ سعيد الاكلبي




الا يالله عفـوك لا معـي بيجـر ولا جــوال
ولا عندي وضيفـه والتجـاره فاشـلٍ فيهـا
ولاعنـدي شهـاداتٍ ولاحرفـه تسـد الحـال
ولا حـظٍ كبيـر لا اخطـت الجـره يقديـهـا
مخابي الثوب تومي مادخلها من زمـان ريـال
بها فاتـورة الكهـرب ولا يمدينـي اقضيهـا
علىذيك العراوي تتعب الحادي مـع الجمّـال
ثلاث اشهـور فالورشـه وشهريـنٍ مغطيهـا
ابيها لو تجمّل يـوم واجلبهـا علـى الـدلاّل
يجيها واحـدٍ حظـه مثـل حظـي ويشريهـا
نصيت العسكريّه يـوم قالـوا للنظـام رجـال
وقدّمـت الملـف وصـورةٍ متشخـصٍ فيهـا
خذا الاوراق مني واحدٍ مـا عنـد ابـوه دلال
سلوم الناس واهل المعرفه والطيـب مخطيهـا
قراها في دقيقه والتفـت عجـلٍ علـي وقـال
شهادتك العظيمه يا ولد ويـن انـت مخفيهـا
هزّيت الراس ماعندي تقول اني مـن البنقـال
وقمت احـب خشمـه واطلبـه بالله تمشّيهـا
حذفها من يده شين الطبيعـه والنبـا والفـال
وقال ازيـن تعـوّد صـوب نوقاتـك تعشّيهـا
تناوشته من الكرسي وعفت الحـل والترحـال
وضربته بالبياله عقـب مـا بيّحـت شاهيهـا
خذوني للسجن لا نيـب لا ظالـم ولا محتـال
مجـرّد واحـدٍ جـا يكحـل عيونـه فيعميهـا
ويوم اني خرجت اقفيت لارض الله وسيع الجال
علـى بـرٍ هـواه يـداوي العلّـه ويبريهـا
ادوّر قصعة الجربوع والظـب الفتـي يختـال
والارنب يا شفاة الروح ما احلاهـا وطاريهـا
بـلا كهـرب ولا بيجـر ولا غـازٍ ولا نقّـال
قوانين الحضـاره لا تبـي شوفـي ولا ابيهـا




منقول

ابن عضيب
19-07-2007, 05:02 AM
سلمت يمينك ياابافيصل


على النقل الجميل



تقبل تحياتي

ابن شنوت
30-07-2007, 11:26 PM
حذفها من يده شين الطبيعـه والنبـا والفـال
وقال ازيـن تعـوّد صـوب نوقاتـك تعشّيهـا
تناوشته من الكرسي وعفت الحـل والترحـال
وضربته بالبياله عقـب مـا بيّحـت شاهيهـا
خذوني للسجن لا نيـب لا ظالـم ولا محتـال
مجـرّد واحـدٍ جـا يكحـل عيونـه فيعميهـا


هههههههههههههههههههههه
الله يعيننا وياه
قصيده معبره ومضحكه بنفس الوقت
يعطيك العافيه اخوي اللهبي على نقلها
وتقبل تحيااتي,,,,

عبدالمطلوب مبارك البدراني
30-07-2007, 11:49 PM
قراها في دقيقه والتفـت عجـلٍ علـي وقـال
شهادتك العظيمه يا ولد ويـن انـت مخفيهـا
هزّيت الراس ماعندي تقول اني مـن البنقـال
وقمت احـب خشمـه واطلبـه بالله تمشّيهـا
حذفها من يده شين الطبيعـه والنبـا والفـال
وقال ازيـن تعـوّد صـوب نوقاتـك تعشّيهـا

يقال الامثال دلايل الاحوال فعلا قصيدة معبرة

الاخ اللهبي الله يعطيك العافية قصيدة رائعة ونقل رائع

تقبل تحيااااتي

محمد بن جعيثن
31-07-2007, 10:14 AM
الاخ اللهبي

الله يعطيك العافية قصيدة رائعة ونقل رائع

لك الود

السيسبان
31-07-2007, 05:31 PM
الغالي

ابو فيصل

يعطيك العافية


على النقل الجميل

دمت بود

عادل البدراني
01-08-2007, 06:27 PM
الاخ الغاالي

اللهبي

صح لسانك ولسان الشاعر


قصيدة جميله واختيار اجمل


الله يعطيك العافيه

عبدالله بن سدحان البدراني
01-08-2007, 06:53 PM
الاخ

اللهبي

صح لسانك ولسان الشاعر

قصيدة في غاية الطرافه

يعطيك الف عافيه

تحياتي لك