مطوع الحارة!!! وسرقة خبز الايتاااام!! [الأرشيف]

مشاهدة النسخة كاملة : مطوع الحارة!!! وسرقة خبز الايتاااام!!

تركي الزايد

01-10-2007, 12:20 AM

الله من قلب(ن) خطير(ن) يذوبي = توارده عوق الهواجيس بالزام
تواردنه من شمال وجنوبي = أكثر من اللي طوقوا قصر صدام
هانيكم يادالهين القلوبي = يالغافلين اللي مثل حمر الأنعام
وانا الليالي خانقتني بثوبي = واهد وابني بالتمني والأوهام
ماقلتها بمعطرات الجيوبي = ولاهي هزيمة خوف من ضد الأخصام
وانا احمد الله ماغدالي ذهوبي = حاميني الإسلام وسيوف الإسلام
رش المطر عنا نحاه الهبوبي = يبرق ولا يمطر علينا من العام
يالله عسى ماهي سبايب ذنوبي = او زلة(ن) زجت بها روس الأقلام
ياطيب السيرة تراك مغلوبي = جاك الزمان اللي مواليده اتوام
وقت (غدى) فيه الصدوق الكذوبي = ومطوع الحاره سرق خبز الايتام

الشاعر
(عقيل بن حمد السامود البدراني)

عوض البدراني

01-10-2007, 12:56 AM

بيض الله وجهك ياخالي

وصح لسان الشاعر المبدع المتألق دائما عقيل السامود

قصيدة جزله وشاعر جزل صح نقلك وسلمت يمينك

عبدالمطلوب مبارك البدراني

01-10-2007, 01:29 AM

رش المطر عنا نحاه الهبوبي ..
يبرق ولا يمطر علينا من العام ..
يالله عسى ماهي سبايب ذنوبي..
او زلة(ن) زجت بها روس الأقلام..

الاخ تركي الزايد

بيض الله وجهك وصح لسانك ولسان الشاعر

عقيل السامود قصيدة جزلة واتمنى نفل المزيد

من قصايد الشاعر السامود

لك تحياااااااااااااااتي

اللهبي

01-10-2007, 02:13 AM

الاخ القدير / تركي الزايد

الله يعطيك العافيه على نقل قصيدة الشاعر / عقيل السامود

و استأذنك لتنسيقها واللي تجده من قصايده لاهنت زود الديوان به

عادل البدراني

02-10-2007, 10:10 PM

مشرفنا الرائع

تركي الزايد

بيض الله وجهك على هالنقل المميز

وصح لسانك ولسان الشاعر عقيل بن حمد البدراني

قصيدة جزله من شاعر جزل ومتمكن

الله يعطيك العافيه

محمد بن جعيثن

06-10-2007, 10:11 PM

الاخ القدير / تركي الزايد

الله يعطيك العافيه على نقل قصيدة الشاعر / عقيل السامود
وفى كل مره اقراء فيها قصيده له اتمني المزيد

شاعر جزل وابياته قويه وهادفه

لك خالص الود

تركي الزايد

09-10-2007, 04:41 PM

عوض البدراني
عبدالمطلوب البدراني
اللهبي
عادل البدراني
هبوب الجنوب

تشرفت بمرورك

لكم الود

راعي الجيب

06-05-2009, 10:17 PM

الله يعطيك العافيه وهذي تطرح فكره ليش مايكون هناك لقاء مع الشاعر عقيل ونجمع القصائد منه مباشره

ابو عويض

10-11-2009, 10:53 AM

صح لسان لشاعر عقيل السامود
ومعرف عن عقيل انه شاعر علم من اعلام الشعر
يعطيك العافيه ياتركي

محمد بن نهاض

10-11-2009, 11:59 AM

اخي تركي الزايد

يعطيك العافيه على الطرح الجميل والروعه بصراحه منك انت ...........

وصح لسان شاعرنا ..............

ولكم كل الود والتقدير ..........

تقبلو تحياتي

عبد الله البدراني

13-02-2010, 02:43 AM

صح لسان شاعرنا ..............

ولكم كل الود والتقدير ..........