من روائع سلطان الهاجري في الأبل

[بعيد المراميس]

هذه قصيده للشاعر الكبيرسلطان بن وسام الهاجري في الأبـــــــــــل




البارحـه عينـي جفـا النـوم موقهـا
تسبـر سنـا بـرق رفيفـه يشوقـهـا
جعلـه مـن المنشـى ينثـر مخائـلـه
مـن مزنـه غـرا تكاشـف بروقـهـا
لامرهـا العسـاس مـن غـب سيلهـا
عيـن خباريـهـا ووكــد حقوقـهـا
مدهـال ذود ماتقـرع مــن الطـنـف
لاقرعـت بعـض الرياجـيـل نوقـهـا
البـل تبـي رجـل عـزومـه قـويـه
ولانتـوت عـن دربـهـا مايعوقـهـا
لايسمـع العـاذل ولايسـمـع الــردي
رعايـه الربلـه ليبـسـت عروقـهـا
يـامـا رعيـنـا مشـبـر مارعـوبـه
اهــل الغنـيـم تـدقـق اربـوقـهـا
مافيـه ياكـود الشـقـاري وخلطـهـا
وفيه الخزامـي اللـي طـوال عنوقهـا
ترعابـه العـري ويبـنـي شحهـمـا
عقـب الدهـر خطـر تزايـد فتوقـهـا
يازينهـا ليـاجـت عـقـب المعـشـا
والنـار تشعـم والمعامـيـل فوقـهـا
اليـا لفـت عقـب العتيـم وتفاهـقـت
وغسلـت شمايلهـا ورفيـت شقوقهـا
هـذي تغـرز مـن غـلاهـا وقـدرهـا
وهـذي يـقـدم للنشـامـا غبوقـهـا
واليا اصبحت تسرح علي الر وض الادني
اليا اشرقـت الشمـس بـاول شروقهـا
لهبـك النسـنـاس تشفـيـك خنـتـه
ويكفيك عـن ريـح الخزامـي نشوقهـا
وراعي الوظيفه يرتخص عـن وظيفتـه
يرعابهـا القافـر ويتـبـع طروقـهـا
كلـه لعينـا الشايـب اللـي يحبـهـا
عـودا يقـلـط للنشـامـي حقوقـهـا
لايجـرح العانـي ولايزعـل الـخـوي
وعوق الخصوم اللـي وساعـا حلوقهـا
اللـي يحـب الطيـب يلـقـاه عـنـده
واللـي يــدور للـمـراره يذوقـهـا
ومن لايحـوش المرجلـه فـي شبابـه
واليا انتحـت صعـب وعسـر لحوقهـا
وختامهـا منـي صـلاه علـي النبـي
عـداد ماتنـشـي وتـبـرق بروقـهـا

(منقوله)

[ابن شنوت]

ومن لايحـوش المرجلـه فـي شبابـه
واليا انتحـت صعـب وعسـر لحوقهـا
وختامهـا منـي صـلاه علـي النبـي
عـداد ماتنـشـي وتـبـرق بروقـهـا
الاخ العزيز بعدي المواميس
مشكور على النقل المميز
وتقبل تحيااتي,,,

[تركي الزايد]

يازينهـا ليـاجـت عـقـب المعـشـا
والنـار تشعـم والمعامـيـل فوقـهـا
اليـا لفـت عقـب العتيـم وتفاهـقـت
وغسلـت شمايلهـا ورفيـت شقوقهـا
هـذي تغـرز مـن غـلاهـا وقـدرهـا
وهـذي يـقـدم للنشـامـا غبوقـهـا

الاخ العزيز

بعيد المراميس

يعطيك العافية على نقل هذه الرائعة

تحياتي

[عبدالمطلوب مبارك البدراني]

الاخ بعيد المراميس

قصيدة رائعة

يعطيك العافية

[عادل البدراني]

الاخ

بعيد المراميس

قصيدة رائعه واختيار اروع

الله لايهينكـ ويعطيكـ العافيه

دمت بود

[ولد البداااارين]

وراعي الوظيفه يرتخص عـن وظيفتـه

يرعابهـا القافـر ويتـبـع طروقـهـا

كلـه لعينـا الشايـب اللـي يحبـهـا

عـودا يقـلـط للنشـامـي حقوقـهـا

يعطيك العافيه

نقل جميل جدا

تحيااااااااتي

[اللهبي]

الاخ/ بعيد المراميس



بيض الله وجهك على نقل قصيدة الشاعر المبدع/ سلطان الهاجري

[بعيد المراميس]

الاخوان الاعزاء تركي الزايد ، ابن شنوت ، عبدالمطلوب البدراني ،عادل البدراني ، ولد البدراين شــــــرفنـــــــي مروركم وردودكم الجميله

تقــــــــبلوا اصدق التحايا

[بعيد المراميس]

الاخ العزيز اللهــــــــــــــــــــــبي ، شرفني مرورك ، والقادم اكثر إنشاء الله


تقبل اصدق وارق التحايا