المساعد الشخصي الرقمي

مشاهدة النسخة كاملة : ارفع علم ما ترفع إعلام فوقه


عبدالمطلوب مبارك البدراني
20-11-2007, 02:21 PM
قصيدة بمناسبة حملة التضامن ضد الإرهاب التي بدأت في المملكة في العاصمة الرياض يوم السبت الموافق 25/12/1425هـ ومشاركة في الندوة التي أقامها مركز وادي الفرع بهذا الخصوص .


ارفع علم ما ترفع إعلام فوقه



بديت باسم اللي خلق برق ورعود=وينشي السحاب ثقال بأمره يقوده

حب الوطن في داخل القلب موجود=يمشي بوسط القلب داخل عروقه

دار بها الإسلام والعز والجود=واللي نواها بشر يسعى لعوقه

شعب وحكومة كلنا دونها نذود=هذا الوطن لازم يوفى حقوقه

ماكر حرار فهود وذئاب ووسود=من دونها ما احد يحط معشوقة

الصبر له قيمه وله وقت وحدود =وإذا تعدا الحد ما نطب سوقه

دون اللوازم نلحق النار بارود=كلن على الطالات نفسه شفوقه

الغدر والعدوان والظلم والكود=فعل النفوس اللي ظلال وبوقه

اللي هدفها غير واضح ومحدود=فيها اختلط شر النفوس الزهو قه

تكلي غضب مليانة شر وحقود=أفعالهم شينه ونفس محروقة

يازمرة الإرهاب تغشاكم السود=منكم يا كم مسلم تزايد خفوقه

متلبسين الدين والرب معبود=انه بعيدا عن نفوس صفوقه

الدين مثل الغيث نبات وورود=مثل الغشين اللي تلاعق بروقه

بعده خضار الأرض مع خضرة العود=فيه الحياة تزيد ويزيد شوقه

إما هل الإرهاب فاسق ونمرود=واللي خضع لبليس يكثر فسوقه

فاجر ومتطرف وضائع ومقرود=على الدار وأهل الدار يكثر عقوقه

سيف الفهد دائم مجهز ومجرود=على الظالم اللي مخبثاته طروقه

روس الظلال اللي عن الدرب بتحود=تقطف كما زرع تقطف عذوقه

حنا حفظنا العهد ونزيده عهود=مع الزعيم العهد صلبة وثوقه

فهد حكيم وراية الصلب مشهود=آن قال رأي ماش رأي يفوقه

وعبد الله ولي العهد بالخير معهود=يديه بالخيرات دائم دفوقه

وسلطان أبو خالد كما عد مورود=جزل العطايا واليدين الصدوقة

ونائف سديد الرأي والحشد محشود=الأمن هو عزه ودرعه وطوقه

حنا مع القائد فهد كلنا جنود =عدونا العلقم لزوم يذوقه

عدونا لو طال مبناه مهدود=نهد مبناته ونقطع عنوقه

هذا وطن من جملة الخلق محسود=محسود في دينه وأمنه وذوقه

من يوم أسس بنيها الطيب العود =ويمناه دائم للعدالة سبوقه

صارت تزود بمجدها دائم تزود=بعده عيال زودوا في شروقه

أقدم يابو فيصل ترى الضد مضدود=وارفع علم ماترفع أعلام فوقه

وصلوا عدد ما جاء لبيت الله وفود=على النبي راع الصفات الخلو قه




شعر: عبدالمطلوب البدراني

ابن شنوت
20-11-2007, 06:33 PM
الديـن مثـل الغيـث نبـات وورود=مثل الغشيـن اللـي تلاعـق بروقـه
بعده خضار الأرض مع خضرة العود=فيـه الحيـاة تزيـد ويزيـد شوقـه
إما هل الإرهـاب فاسـق ونمـرود=واللي خضع لبليـس يكثـر فسوقـه
فاجر ومتطـرف وضائـع ومقـرود=على الدار وأهل الدار يكثـر عقوقـه


صح لسانك قصيده جزله ورائعه جداااااااااا

الله يعطيك العافيه ويبيض وجهك
الارهاب شارف على الانتهاء في بلدنا الغالي ان شاء الله
والله يحفظنا بحفظه

وتقبل اصدق التحياات...

عادل البدراني
21-11-2007, 12:45 AM
الاخ الشاعر / عبدالمطلوب مبارك البدراني

قصيدة جزله وفي قمة الروعه

بيض الله وجهك وصح لسانك والجزلات ماهيب غريبه عليك

الله لايهينك ويعطيك العافيه

ولا عدمنا حضورك المميز

دمت بالف خير ,,

محمد بن جعيثن
21-11-2007, 10:27 AM
ابو مبارك
صح لسانك
وبارك الله لك
لك الود

yasser
21-11-2007, 12:57 PM
ابو مبارك

من ابداع الى ابداع اخر

سلمت يداك على هذه الابيات

متمنين لك كل التوفيق

ولك الووووود

احمد بن حزام البدراني
21-11-2007, 09:43 PM
الشاعر
عبدالمطلوب البدراني

صح السانك
قصيدة جزلة


وتقبل مروررررررررررري

عبدالمطلوب مبارك البدراني
23-11-2007, 04:58 PM
الديـن مثـل الغيـث نبـات وورود=مثل الغشيـن اللـي تلاعـق بروقـه
بعده خضار الأرض مع خضرة العود=فيـه الحيـاة تزيـد ويزيـد شوقـه
إما هل الإرهـاب فاسـق ونمـرود=واللي خضع لبليـس يكثـر فسوقـه
فاجر ومتطـرف وضائـع ومقـرود=على الدار وأهل الدار يكثـر عقوقـه


صح لسانك قصيده جزله ورائعه جداااااااااا

الله يعطيك العافيه ويبيض وجهك
الارهاب شارف على الانتهاء في بلدنا الغالي ان شاء الله
والله يحفظنا بحفظه

وتقبل اصدق التحياات...

الاخ الغالي

ابن شنوت

سعدت جدا بمروووووووووورك العطر

لك التحايا

عبدالمطلوب مبارك البدراني
23-11-2007, 05:02 PM
الاخ الشاعر / عبدالمطلوب مبارك البدراني

قصيدة جزله وفي قمة الروعه

بيض الله وجهك وصح لسانك والجزلات ماهيب غريبه عليك

الله لايهينك ويعطيك العافيه

ولا عدمنا حضورك المميز

دمت بالف خير ,,





الاخ الغالي

عادل البدراني

سعدت جدا بمرووورك العطر

ونواجدك دائما مع كل مشاركة

دمت بخير

عبدالمطلوب مبارك البدراني
23-11-2007, 05:05 PM
ابو مبارك
صح لسانك
وبارك الله لك
لك الود

ابو عبد الله

الله يعطيك العافية على مرووووووورك العطر

تحيااااااااااااااااتي

عبدالمطلوب مبارك البدراني
23-11-2007, 05:07 PM
ابو مبارك

من ابداع الى ابداع اخر

سلمت يداك على هذه الابيات

متمنين لك كل التوفيق

ولك الووووود

الاخ يااااااااااااااااااسر

سعدت جدا بمروووووووورك العطر

تحيااااااااااااااااتي

عبدالمطلوب مبارك البدراني
23-11-2007, 05:09 PM
الشاعر
عبدالمطلوب البدراني

صح السانك
قصيدة جزلة


وتقبل مروررررررررررري

الاخ ابو حزام

سعدت جدا بمرووووووورك العطر

تحياااااااااااااااتي

صالح الربيع
24-11-2007, 12:51 AM
بارك الله فيك الوطن يستاهل الكثير

وصح لسانك اخوي عبدالمطلوب

عبدالمطلوب مبارك البدراني
25-11-2007, 10:14 PM
الاخ صالح الربيع

اسعدني مروووووووووووورك

لك الود