المساعد الشخصي الرقمي

مشاهدة النسخة كاملة : قصيدة موجهه الى زبن حمود بن زايد

تركي الزايد
02-06-2008, 06:07 PM
هذه القصيدة قالها الشاعر / خلف ابو جزيله الغيداني قبل عامين

عندما سمع أن عمي زبن بن حمود بن زايد أدخل المستشفى

ونحمد الله سبحانه على سلامته اطال الله عمره وأحسن عمله





ياراكب اللي نازح البعد يدنيه=لو زاد جوره ماتقوم الحراره
جاني خبرعن زبن دامت لياليه=يسلم وانا حق علي الزياره
علي معروفه وانا الطيب اغليه=وسلامته نعطي عليها البشاره
الطيب لابن حمود ماهو بشاريه=الطيب له ميراث ماهو تجاره
زبن السعد يستاهل المدح راعيه=المدح لابن حمود ماهو خسارة
عوق الخصيم وعز من يعتزي فيه=ماهو بدلحٍ ما بكبده مراره
وليا زعل مايسمع اللي يناديه=مفراص ماصٍ قام يقدح شراره
عبدالمطلوب مبارك البدراني
02-06-2008, 07:58 PM
الطيب لابن حمود ماهو بشاريـه=الطيب له ميـراث ماهـو تجـاره
زبن السعد يستاهل المدح راعيـه=المدح لابن حمود ماهـو خسـارة
عوق الخصيم وعز من يعتزي فيه=ماهو بدلـحٍ مـا بكبـده مـراره
وليا زعل مايسمع اللـي يناديـه=مفراص ماصٍ قام يقدح شـراره

الاخ تركي الزايد

الله يعطيك العافية

قصيدة جزله ونعم في المادح والممدوح

لك الود
ابوعابد
02-06-2008, 09:40 PM
صح لسان خلف الغيداني

قصيده في شخص يستحق المدح

اطال الله في عمره وألبسه ثوب الصحه والعافية

أخ تركي

الله يعطيك العافية

وبيض الله وجهك

مودتي
gold man
03-06-2008, 08:25 AM
الشيخ زبن بن حمود البدراني يستحق هذا المدح والثناء بكل جدارة لأنه استطاع ان يحقق مجدا فوق مجد حتى اصبح يعرفه الصغير قبل الكبير
يمتاز بدماثة الخلق وبشاشة الوجه وله ابتسامه عريضة لا تكاد تملها فنسأل الله أن يمد بلياليه وأيامه وأن يمده بالصحة والعافية .

اخوي تركي الزايد ما قصرت على هذه القصيده وبيض الله وجهك وجه قائلها وصح لسانه
لا عدمناك ،،،،،،،،
محمد بن جعيثن
03-06-2008, 10:10 AM
الاخ تركي
صح لسان خلف الغيداني

قصيده في شخص يستحق المدح
وزبن غني عن التعريف وله مواقف تستاهل الوقوف لها


اطال الله في عمره وألبسه ثوب الصحه والعافية
والف نعم فيه



لك الود
ولد البداااارين
03-06-2008, 04:56 PM
الطيب لابن حمود ماهو بشاريـه
الطيب له ميـراث ماهـو تجـاره
زبن السعد يستاهل المدح راعيـه
المدح لابن حمود ماهـو خسـارة
,,,

يستاهل ابو متعب

والله يطول بعمره

وصح لسان الغيداني

ومشكور تركي على هالنقل

تحياتي
بدراني القصر
04-06-2008, 10:46 AM
[

ياراكب اللي نازح البعد يدنيه=لو زاد جوره ماتقوم الحراره
جاني خبرعن زبن دامت لياليه=يسلم وانا حق علي الزياره
علي معروفه وانا الطيب اغليه=وسلامته نعطي عليها البشاره
الطيب لابن حمود ماهو بشاريه=الطيب له ميراث ماهو تجاره
زبن السعد يستاهل المدح راعيه=المدح لابن حمود ماهو خسارة
عوق الخصيم وعز من يعتزي فيه=ماهو بدلحٍ ما بكبده مراره
وليا زعل مايسمع اللي يناديه=مفراص ماصٍ قام يقدح شراره[/QUOTE]

ابو متعب يستاهل المدح والله يدم عليه الصحه والسلامه

ومشكور يا تركي الزايد
نايف نجاء الطريسي
03-02-2009, 03:22 PM
صح لسانه

والحمدلله على سلامته ومايشوف شر ان شاءالله

لك تحياتي