المساعد الشخصي الرقمي

مشاهدة النسخة كاملة : مساجلة مع المزيني


عبدالله مناور البدراني
10-07-2008, 11:17 PM
هذه قصيدة وجهها لي الأخ الشاعر/ عبد المحسن فرج المزيني يقول فيها :


لولا المعزة ما شرهــنا عليكم = نشره عليكـم وانتغـاضـا عن الـغـير
ولو رحت عنا بالوفا نحتريكم = غـيرك يـصـد ولا نبي له معـاذير
ولا ني من اللي بالحسد يحتسيكم = ولـقـبـلت جالـك بالـبشـر والـتبـاشـيـر
حنا على وضح النقـا نـلـتقـيكم = نعـتب عـليك وقـصـدنا نـيـة الـخـيـر
لا ما دفعت قروش لجل اشتريكم = ولا احتري منهـــا شهــادات تـقـدير
ناطا الريال وخشمه إليا بغيتم = ما ني من اللـي يطــلبون الدنـانير
لا صار ما ك من الشرايع يجيكم = لا تتركـه وتـروح تـجـلــب مـن الـبير
ولو يوم ( ابن برمان ) سلم عليكم = قله يا ضيف الله : وش حكاية الطير ؟
مــا كـنــك إلا مــنـنـا مــا عـلـيـكـم = أقفيت عنا ورحت عاني مع الغير
ولولا المعزة ... ما شرهنا عليكم = نشره علـيـكم وانتغاضـا عن الغير

= ((وقد رديت عليه بالأبيات التالية)) :
يا صاحـبي كل العشـم دوم فيكم = ومقداركم متصدر القلب تصدير
حنا عـلى خـبـر ك وحطـت يديكم = مال المشاعر عندنا كذب وتزوير
سوء الظنون احذر عسى ما تجيكم = الظن ماله في المواجيب تفسير
وانـتـم يا بو عـاصـم تـرى نفتديكم = ولا يوم يحصل في معزتك تقصير
الطيب طـبعـك والوفـاء محتويكم = أهل الكرم والجود وأهل المغاوير
ونا على درب الغـلا مـحـتـمـيـكـم = واللـه ما يلحقـك مني مخاسير
ومــا دمت تبغــانا تــرانا نـبـيـكـم = وللغــير ما ننظر لو هـم طـوابير
ولا هــمـنـا حاســد سبـق يشـتـكيكم = ولا هـمـنـا كود الرجال المخابير
وحسن النــوايا مـطــلبي وانتخيكم = لا تتبع أفــكارك ... تـتـعـبـك وتـحير
ويا صـــاحـبي كل العـشـم دوم فيكم = ومقــداركـم متصدر القلب تصدير
= ضيف الله البدراني (أبووليد )

عبدالمطلوب مبارك البدراني
10-07-2008, 11:35 PM
الاخ ابو وليد

صح لسانك ولسان المزيني

دمت بود

عبدالله مناور البدراني
10-07-2008, 11:38 PM
الغالي أبو ناصر
عساك على القوة وصح بدنك
وتقبل تحيات أخوك أبو وليد

اهم انسان
11-07-2008, 02:49 AM
الغالي ابو وليد

الله يعطيك العافية
وصح لسان الشاعرين
تحياتي أ هـ م 001

طير السلام
11-07-2008, 07:59 AM
صح لسانك أخوي أبو وليد ولسان الشاعر المزيني

تحياتي

شجاع
11-07-2008, 04:00 PM
الاخ الغالي

ابو الوليد

صح لسانك ولسان المزيني

تحيااااااااااااتي