عبدالله مناور البدراني
08-05-2009, 01:54 AM
هذه الأبيات عن قصة حقيقية وليست من نسج الخيال
=( قصة عشق )
في داخلي ونّه ومليون ضيقة = عانيت من حظي ومن جور الأيام
أضحك ولكن فالمحاني حريقه = بسباب ظبي (ن) راح من عدة أعوام
عقــّب لي فراقه جروح (ن) عميقة= حتى غدا قلبي من همومه أقسام
اللي خذا قلبي وعمري بوثيقة = واصبح عليّ الحب للغالي الزام
ماغاب عن بالي ولو هي دقيقة = أشوف خلــّي كل ليلة بالاحلام
مشاعري من زود حبه رقيقه = واقول يفداكم خوالي والاعمام
لجله قطفت أجمل ورود الحديقة = ولجله كتبت اسمه على ذراعي وسام
هذا عشيقي مثل ماني عشيقة = قصة عشق ماهي تماثيل وافلام
حب العذارى والسلوم العريقة = حب (ن) على نهج الشريعة والاسلام
لا جيت اشوفه يخترع له طريقة = ويقول يا ضيف الوعد جاك قدام
على الوعد مثل الطيور الطليقة = نسبق خطاوينا وتسبقنا الاقدام
واشتاق له شوق الشقيق لشقيقه = واشتاق له شوق الكتابة للاقلام
نجلس على ضو القمر مع بريقه = ولا نفترق إلا ّ مع الصبح مجهام
وعند الموادع جف ريقي وريقه = وقمنا نتوادع بين نظرات وانسام
وعيوننا بالدمع صارت غريقة = وهلت دموع العين من كثر الآلام
مدري بموته كذب ولاّ حقيقة = مدري بقايا خوف وصارت لي أوهام
ما ظن روحي من هواهم شفيقه = أزور قبره والعرب كلها نيام
أدري بأن الموت ذا للخليقة = سنة على كل البشر حتى الأنعام
ولا بد من فرقا الرفيق إلـ رفيقة= سبحانه الخالق لنا خير علاّم
فراق خلــّي بس أنا كيف أطيقه ؟ = أبكيه طول العمر ولا ظن باللام
=شعر / ضيف الله البدراني (أبووليد)
=( قصة عشق )
في داخلي ونّه ومليون ضيقة = عانيت من حظي ومن جور الأيام
أضحك ولكن فالمحاني حريقه = بسباب ظبي (ن) راح من عدة أعوام
عقــّب لي فراقه جروح (ن) عميقة= حتى غدا قلبي من همومه أقسام
اللي خذا قلبي وعمري بوثيقة = واصبح عليّ الحب للغالي الزام
ماغاب عن بالي ولو هي دقيقة = أشوف خلــّي كل ليلة بالاحلام
مشاعري من زود حبه رقيقه = واقول يفداكم خوالي والاعمام
لجله قطفت أجمل ورود الحديقة = ولجله كتبت اسمه على ذراعي وسام
هذا عشيقي مثل ماني عشيقة = قصة عشق ماهي تماثيل وافلام
حب العذارى والسلوم العريقة = حب (ن) على نهج الشريعة والاسلام
لا جيت اشوفه يخترع له طريقة = ويقول يا ضيف الوعد جاك قدام
على الوعد مثل الطيور الطليقة = نسبق خطاوينا وتسبقنا الاقدام
واشتاق له شوق الشقيق لشقيقه = واشتاق له شوق الكتابة للاقلام
نجلس على ضو القمر مع بريقه = ولا نفترق إلا ّ مع الصبح مجهام
وعند الموادع جف ريقي وريقه = وقمنا نتوادع بين نظرات وانسام
وعيوننا بالدمع صارت غريقة = وهلت دموع العين من كثر الآلام
مدري بموته كذب ولاّ حقيقة = مدري بقايا خوف وصارت لي أوهام
ما ظن روحي من هواهم شفيقه = أزور قبره والعرب كلها نيام
أدري بأن الموت ذا للخليقة = سنة على كل البشر حتى الأنعام
ولا بد من فرقا الرفيق إلـ رفيقة= سبحانه الخالق لنا خير علاّم
فراق خلــّي بس أنا كيف أطيقه ؟ = أبكيه طول العمر ولا ظن باللام
=شعر / ضيف الله البدراني (أبووليد)