محمد ابراهيم البدراني
30-08-2009, 01:07 AM
*********
(.. يا ساحرتني..)
ياساحرتنـي بصوتـك قبـل لاشوفـك
غبت بحور الهـواء متنسبـح خطـره
وياعاسف القلب شوف القلب معسوفـك
يفداك لـو مابقـى مـن دمـه القطـره
صدفه وصارت قلوب اهل الهواء ضيوفك
جاتـك كذيـا بـلا خطـه ولا شطـره
وانـا مـدام ان قلبـي صـار مالوفـك
فانا بدويـآ خلقـه الله علـى الفطـره
لاحب ضحـى وكنـه صـار مكلوفـك
وافي ومخلص وتبقـى سيرتـه عطـره
فابيات شعره رسمك ويكتـب حروفـك
فبدايـة البيـت والا لانتهـى شـطـره
فيك اقتنـع لـو تقطـع فيـه بسيوفـك
قالك لغيـره طعنـت وصابتـه خطـرَه
وان قالو الناس وشهي وازين وصوفـك
بعطيك شطـرآ يكفـي للعـرب واطـره
بلغهـم انـك عساهـم فـدوة كفوفـك
ياكـم كبـدآ لاجـل لامـاك منفـطـره
*********
(.. مــجــد الــعــرب..)
الخير باقذال الخيول اللي على ضرب الدفوف
تسهج مراحين العـداء باقفايهـا واقبالهـا
والحق كلمه خلفها تركض ملاييـن ولـوف
لكن ماكـل الـذي يركـض وراهـا نالهـا
والعز بيته مبتني لاهل الوفاء والا الضعوف
ماكدرت صفو الرجال اللـي علـى منزالهـا
والادمي لو يعلم الارزاق ولحضـه يشـوف
ماطاح حضه لين يلقـاء حيلتـن يحتالهـا
ياوجد حالي وجد من يحداه فقره والضروف
وده على الطاله ولكن شـاب قبـل يطالهـا
يهل دمعه حزن وتسوقه على الدنيا الحسوف
لاشاف ناسـن تفتخـر فبيوتهـا واموالهـا
ماله ولد والاء سند ياقف معه ويقول طوف
كل الصعايـب ورق للقمـه وروم اجبالهـا
يكـود ربعـن لذلـف قالـو لعلـه لذلـوف
ماهو من اعيان العرب والا رجال اعمالهـا
ميدرو انه شايبن خير وله قلبـن عطـوف
يحسن على المحتاج والحسنه بعشر امثالها
ويلاه يامجدآ لنا من كشف الامجاد محـذوف
ماباقي الا سيرتـه نحفـظ فعـول ابطالهـا
يومٍ هولاكو يذوق الموت من حدب السيوف
في معركة جالوت سال الـدم واسقىجالهـا
الصف واحد مدخل فراق الانفس والصفـوف
والقصد واحد عزة الامه وضبـط احوالهـا
هاك السنه يوم الجماجم حولت وزن الكتوف
والارض ضاقت بالجنايز وعرهـا ورمالهـا
لكن دار الوقت والانسان عرضـه لصـدوف
والشخص يحصد مازرع والخيل من خيالهـا
واليوم راح العز واستبدل مكان العز خـوف
ومن هول ماشفنا ماعاد الام تبـك اعيالهـا
بالهرج ناصل للقمر ونخلي الصعب معسوف
وبالفعل نرجع للورى والنـاس يرثىحالهـا
بعنا العقيده بالهوى ومصيرنا غير معـروف
وعقالنا من حضنـا تتبـع لامـر جهالهـا
والي على ضهر الشداد يغار من راع الردوف
والي يقـود القافلـه عـود لهـا يبرالهـا
والمبدع الي يزرع الابداع وتحفظ الرفـوف
ثروه ولكن رفضو اهل الشـان لاستقبالهـا
لكن نبقى هكـذا واقـع مبهـذل ومحفـوف
باخطار وجبين الفكر مـن هولهـا يندالهـا
**********
(..طراة العمر..)
راكب اللي كنه الثلج لاقفـا واستـدار
يعكس اللي مر جنبه سوات المنضـره
متراكب فوق جنطه تراسيـب الغبـار
من حفيزه عند واحـد شـراه وقـدره
ايتثاقل لامشا تقل شيخـن لـه وقـار
مقدم الربعه وطيبه مع الناس شهـره
لدعست البنص كنه يقول ابشر وصار
وشتبا وامـر عليـه مافيهـا معـذره
ثم قلت الليل قرب وانا بالصـدر نـار
والهموم بوسط قلبي تـرد ومصـدره
لامسك خط الشفاء يمسك السيد اليسار
يعجـز الادار ماجـاب دورات كـفـره
وان غطاه الليل نوره كما ضوح النهار
يرسم ضلال الجبل قو نـوره وشجـره
مشراه الا هل السوق واصحاب العقـار
مشراه اللـي تسلـف ليملـى متجـره
جيب لكزز موقف في محـلات الاجـار
وليلفلف بالحوايـر بقصـد الفشخـره
لو ماني مومن ان الصناعـه بزدهـار
قلت ميصنع كذيا ولـد رجـل ومـره
المهـم السالفـه كلبوهـا باختصـار
فايق التصميم شغله ويبهـر مضهـره
عارفن منصاه من يوم عبا لين سـار
لرفيـق اللـي بيوتـه بعـز معمـره
يارفيقي خوتك تـاج يانسـل الاحـرار
في شعيبن زم عشبه ولاقـف مطـره
يستقي بقنوف سحبن تقادح كالشـرار
ينهمر بطنه ويشكي من الثقل ضهـره
ساقه المولى على نجد واقفـا بنحـدار
وكل من يمشيه لنـاس عـده وذكـره
كن نواره ينـادي لشوفـه كـل مـار
لاتعدى شوف نعمـة وليـك وشكـره
وكن ريح القحويانه مثل ريـح البهـار
في دلالِ فوق جـال الهشيـم مسطـره
مكتسآ فيه الحزم والسهل كله خضـار
ينضر الرجال لاقصاه ويضيـع بصـره
موطابه غير بدوآ قـدم سـود البكـار
تدفـع المقهـور وتسنـده وتـحـدره
سجتنبه تشرح البـال وتفـك الـزرار
عن همومن بالصدر من زمان مبعثـره
كل ماجيت ابدله علـي الوقـت جـار
والزمن ماعاد احسب ليومـه وشهـره
مير والله كان ربي ومـر والوقـت دار
لرضي اهل الميمنه وازعل اهل الميسره
الفكر ساس التطور ورمـز الانتصـار
والتخلف يلبس الرجال ثوب المسخـره
والهروب من الفشل والتسرع بالقـرار
تفشل عزوم الرجـل وتحـداه وتخـره
والرجل قول وفعل فالمواقيـف الكبـار
والنعم يجنيه مـن بالرياجيـل بـذره
كم ميت ودك انه مـن طـوال العمـار
وكم حين ودك انـه بوسـط المقبـره
*********
(..درب الهجر..)
يامـن غلاهـا جـرى بيـن الشرايينـي
بـلاش درب الهجـر لاتعبـر جسـوره
هل تعلم انـي علـى وصلـك يجرينـي
قصـرآ بحبـك بنيتـه والولـه سـوره
والبارحـه هاجـس الذكـرى مسرينـي
واتبـع ملامـح غـلآ فالبـال محفـوره
سريـت ليـل الغـرام وقلـت يمدينـي
قدام صبـح الـوداع يشـع فـي نـوره
يامـا رسمنـا علـى الاوراق قلبيـنـي
وتقـول واحـد يكفـي وانـت دكتـوره
وياما رسمنـا سمـا وبيـوت بالطينـي
ونجـوم متجمعـه ونـجـوم منـثـوره
واليوم جيتـك وقيـض البعـد حادينـي
اسقيني بشوفك وخل النفـس مسـروره
واقفز حواجـز حسـودآ بينـك وبينـي
يبني وضلـع المفـارق تكفـخ طيـوره
واثرك منـت بعلـى خبـري وناسينـي
يالله دخليـك مـن الحرمـان وشـروره
ياشيـن نـار الجفـاء بيـن المحبينـي
تحرق زهور الوصـل وتقطـع جـذوره
منهو كتب شوفتـك فـي عاتقـه دينـي
وشبك تجاهـل غـلاه وتجـرح شعـوره
رقمـك يدقـه مابيـن الحيـن والحينـي
وارقام غيرك عـن الجـوال محضـوره
ياعـود مـوزآ نمـا بيـن البساتيـنـي
الصدفه اللـي رمتنـي فيـك مشكـوره
عمرك كبر عمري ودينـك علـى دينـي
وارجوك رد النظر فـي نفـس مقهـوره
عاشقك قلبـي قبـل لاراك فـي عينـي
بخيالي رسمتك وصرت الما ارسمه صوره
امـا نصيبـآ معـك ياكامـل الزيـنـي
والا قسـم فـوق ربعـك لعلـن الثـوره
واحنـا لقمنـا نـرد الصـاع صاعينـي
بـلاش ذكـرى غرامـآ ولـة عصـوره
لكـن خذهـا عبـاره بيـن قوسيـنـي
ترى التغلـي طبـع فـي كـل غنـدوره
وانـا نسيتـك وخلـك وانتظـر لينـي
تلقى حبيبـآ سواتـي تصـدق شعـوره
(.. يا ساحرتني..)
ياساحرتنـي بصوتـك قبـل لاشوفـك
غبت بحور الهـواء متنسبـح خطـره
وياعاسف القلب شوف القلب معسوفـك
يفداك لـو مابقـى مـن دمـه القطـره
صدفه وصارت قلوب اهل الهواء ضيوفك
جاتـك كذيـا بـلا خطـه ولا شطـره
وانـا مـدام ان قلبـي صـار مالوفـك
فانا بدويـآ خلقـه الله علـى الفطـره
لاحب ضحـى وكنـه صـار مكلوفـك
وافي ومخلص وتبقـى سيرتـه عطـره
فابيات شعره رسمك ويكتـب حروفـك
فبدايـة البيـت والا لانتهـى شـطـره
فيك اقتنـع لـو تقطـع فيـه بسيوفـك
قالك لغيـره طعنـت وصابتـه خطـرَه
وان قالو الناس وشهي وازين وصوفـك
بعطيك شطـرآ يكفـي للعـرب واطـره
بلغهـم انـك عساهـم فـدوة كفوفـك
ياكـم كبـدآ لاجـل لامـاك منفـطـره
*********
(.. مــجــد الــعــرب..)
الخير باقذال الخيول اللي على ضرب الدفوف
تسهج مراحين العـداء باقفايهـا واقبالهـا
والحق كلمه خلفها تركض ملاييـن ولـوف
لكن ماكـل الـذي يركـض وراهـا نالهـا
والعز بيته مبتني لاهل الوفاء والا الضعوف
ماكدرت صفو الرجال اللـي علـى منزالهـا
والادمي لو يعلم الارزاق ولحضـه يشـوف
ماطاح حضه لين يلقـاء حيلتـن يحتالهـا
ياوجد حالي وجد من يحداه فقره والضروف
وده على الطاله ولكن شـاب قبـل يطالهـا
يهل دمعه حزن وتسوقه على الدنيا الحسوف
لاشاف ناسـن تفتخـر فبيوتهـا واموالهـا
ماله ولد والاء سند ياقف معه ويقول طوف
كل الصعايـب ورق للقمـه وروم اجبالهـا
يكـود ربعـن لذلـف قالـو لعلـه لذلـوف
ماهو من اعيان العرب والا رجال اعمالهـا
ميدرو انه شايبن خير وله قلبـن عطـوف
يحسن على المحتاج والحسنه بعشر امثالها
ويلاه يامجدآ لنا من كشف الامجاد محـذوف
ماباقي الا سيرتـه نحفـظ فعـول ابطالهـا
يومٍ هولاكو يذوق الموت من حدب السيوف
في معركة جالوت سال الـدم واسقىجالهـا
الصف واحد مدخل فراق الانفس والصفـوف
والقصد واحد عزة الامه وضبـط احوالهـا
هاك السنه يوم الجماجم حولت وزن الكتوف
والارض ضاقت بالجنايز وعرهـا ورمالهـا
لكن دار الوقت والانسان عرضـه لصـدوف
والشخص يحصد مازرع والخيل من خيالهـا
واليوم راح العز واستبدل مكان العز خـوف
ومن هول ماشفنا ماعاد الام تبـك اعيالهـا
بالهرج ناصل للقمر ونخلي الصعب معسوف
وبالفعل نرجع للورى والنـاس يرثىحالهـا
بعنا العقيده بالهوى ومصيرنا غير معـروف
وعقالنا من حضنـا تتبـع لامـر جهالهـا
والي على ضهر الشداد يغار من راع الردوف
والي يقـود القافلـه عـود لهـا يبرالهـا
والمبدع الي يزرع الابداع وتحفظ الرفـوف
ثروه ولكن رفضو اهل الشـان لاستقبالهـا
لكن نبقى هكـذا واقـع مبهـذل ومحفـوف
باخطار وجبين الفكر مـن هولهـا يندالهـا
**********
(..طراة العمر..)
راكب اللي كنه الثلج لاقفـا واستـدار
يعكس اللي مر جنبه سوات المنضـره
متراكب فوق جنطه تراسيـب الغبـار
من حفيزه عند واحـد شـراه وقـدره
ايتثاقل لامشا تقل شيخـن لـه وقـار
مقدم الربعه وطيبه مع الناس شهـره
لدعست البنص كنه يقول ابشر وصار
وشتبا وامـر عليـه مافيهـا معـذره
ثم قلت الليل قرب وانا بالصـدر نـار
والهموم بوسط قلبي تـرد ومصـدره
لامسك خط الشفاء يمسك السيد اليسار
يعجـز الادار ماجـاب دورات كـفـره
وان غطاه الليل نوره كما ضوح النهار
يرسم ضلال الجبل قو نـوره وشجـره
مشراه الا هل السوق واصحاب العقـار
مشراه اللـي تسلـف ليملـى متجـره
جيب لكزز موقف في محـلات الاجـار
وليلفلف بالحوايـر بقصـد الفشخـره
لو ماني مومن ان الصناعـه بزدهـار
قلت ميصنع كذيا ولـد رجـل ومـره
المهـم السالفـه كلبوهـا باختصـار
فايق التصميم شغله ويبهـر مضهـره
عارفن منصاه من يوم عبا لين سـار
لرفيـق اللـي بيوتـه بعـز معمـره
يارفيقي خوتك تـاج يانسـل الاحـرار
في شعيبن زم عشبه ولاقـف مطـره
يستقي بقنوف سحبن تقادح كالشـرار
ينهمر بطنه ويشكي من الثقل ضهـره
ساقه المولى على نجد واقفـا بنحـدار
وكل من يمشيه لنـاس عـده وذكـره
كن نواره ينـادي لشوفـه كـل مـار
لاتعدى شوف نعمـة وليـك وشكـره
وكن ريح القحويانه مثل ريـح البهـار
في دلالِ فوق جـال الهشيـم مسطـره
مكتسآ فيه الحزم والسهل كله خضـار
ينضر الرجال لاقصاه ويضيـع بصـره
موطابه غير بدوآ قـدم سـود البكـار
تدفـع المقهـور وتسنـده وتـحـدره
سجتنبه تشرح البـال وتفـك الـزرار
عن همومن بالصدر من زمان مبعثـره
كل ماجيت ابدله علـي الوقـت جـار
والزمن ماعاد احسب ليومـه وشهـره
مير والله كان ربي ومـر والوقـت دار
لرضي اهل الميمنه وازعل اهل الميسره
الفكر ساس التطور ورمـز الانتصـار
والتخلف يلبس الرجال ثوب المسخـره
والهروب من الفشل والتسرع بالقـرار
تفشل عزوم الرجـل وتحـداه وتخـره
والرجل قول وفعل فالمواقيـف الكبـار
والنعم يجنيه مـن بالرياجيـل بـذره
كم ميت ودك انه مـن طـوال العمـار
وكم حين ودك انـه بوسـط المقبـره
*********
(..درب الهجر..)
يامـن غلاهـا جـرى بيـن الشرايينـي
بـلاش درب الهجـر لاتعبـر جسـوره
هل تعلم انـي علـى وصلـك يجرينـي
قصـرآ بحبـك بنيتـه والولـه سـوره
والبارحـه هاجـس الذكـرى مسرينـي
واتبـع ملامـح غـلآ فالبـال محفـوره
سريـت ليـل الغـرام وقلـت يمدينـي
قدام صبـح الـوداع يشـع فـي نـوره
يامـا رسمنـا علـى الاوراق قلبيـنـي
وتقـول واحـد يكفـي وانـت دكتـوره
وياما رسمنـا سمـا وبيـوت بالطينـي
ونجـوم متجمعـه ونـجـوم منـثـوره
واليوم جيتـك وقيـض البعـد حادينـي
اسقيني بشوفك وخل النفـس مسـروره
واقفز حواجـز حسـودآ بينـك وبينـي
يبني وضلـع المفـارق تكفـخ طيـوره
واثرك منـت بعلـى خبـري وناسينـي
يالله دخليـك مـن الحرمـان وشـروره
ياشيـن نـار الجفـاء بيـن المحبينـي
تحرق زهور الوصـل وتقطـع جـذوره
منهو كتب شوفتـك فـي عاتقـه دينـي
وشبك تجاهـل غـلاه وتجـرح شعـوره
رقمـك يدقـه مابيـن الحيـن والحينـي
وارقام غيرك عـن الجـوال محضـوره
ياعـود مـوزآ نمـا بيـن البساتيـنـي
الصدفه اللـي رمتنـي فيـك مشكـوره
عمرك كبر عمري ودينـك علـى دينـي
وارجوك رد النظر فـي نفـس مقهـوره
عاشقك قلبـي قبـل لاراك فـي عينـي
بخيالي رسمتك وصرت الما ارسمه صوره
امـا نصيبـآ معـك ياكامـل الزيـنـي
والا قسـم فـوق ربعـك لعلـن الثـوره
واحنـا لقمنـا نـرد الصـاع صاعينـي
بـلاش ذكـرى غرامـآ ولـة عصـوره
لكـن خذهـا عبـاره بيـن قوسيـنـي
ترى التغلـي طبـع فـي كـل غنـدوره
وانـا نسيتـك وخلـك وانتظـر لينـي
تلقى حبيبـآ سواتـي تصـدق شعـوره