سلام الله عليكم يا رجال الحميه

[عبدالله مناور البدراني]

بصراحة جاي أتحدا واللي يعشق التحدي يقابلني والميدان يا حميدان :

خلووووووووووووووووووووووها :


سلام الله عليكم يا رجال الحميّه = ومن بعد السلام الملعبه يا فطيني
نبي نسهر سوى في ليلة(ن) سرمدية = والشجاع اللي منكم على الدرب يخاويني

[الحرير]

هلا يا مرحبا ترحيباً من صافي النية = ومن بعد السلام الله عليك انه يعيني
توكلنا على الله جيبها بعلوم سرية = يزين اللعب الى منا سرينا بينك وبيني

[الحرير]

ياليت المشرفين يشوفون لنا حل في مشكلة البحث بعد مئتين دقيقه هذه من سلبيات المنتدى لم اجدها باي منتدى غير منتدانا هذا وهذا من ما يعرقل المتصفح

[عبدالله مناور البدراني]

الأخ الشاعر الحرير حياك الله
واستلم :


هلابك يا الحرير كثر ماقلت فيـّه = ابتدت العلوم ومافيه إلا اليديني
اما راحت عليكم والاّ راحت عليّه= والحب اللي في راسك بطحنه لك طحيني

[الحرير]

اسر ليلك والوعد هضبة طمية = كان عندك شعر ياالرجل الذهيني
اخذ سيفك كان ضلوعك قوية = لا يطيح السيف وتعود غبيني

[عبدالله مناور البدراني]

عساك على القوه يابن العم استلم :


الذيب أقبل عليك ولالك اليوم ديــّه = طحت لك في شراك وطحت لك في كميني
ياكم فارس(ن) شلناه من فوق المطيـّه = صوبته القناه وصار وضعه حزيني

[عبدالمطلوب مبارك البدراني]

ابو وليد ... الحرير


صحت السنتكما وبارك الله فيكما

لحيتي وتقديري

[تركي الزايد]

صحت السنتكم


متاااابع

[عبدالله مناور البدراني]

ابو وليد ... الحرير


صحت السنتكما وبارك الله فيكما

لحيتي وتقديري

صح بدنك أخوي أبو ناصر
شرفتنا

[عبدالله مناور البدراني]

صحت السنتكم


متاااابع

تسلم ابو زايد وصح بدنك
شرفتنا بتواجدك

[عبدالله مناور البدراني]

بصراحة عندي أنا إلى الآن المحاورة ما انتهت إلا إذا كان أخوي الحرير بينسحب هذا شي ثاني
والباب مفتوح للآن وحيا الله الجميع ، والمسأله كلها ياخوان تنافس لا يخرج عن الشعر ، ويعلم الله إني أعز واحترم الجميع وكلكم اخواني وربعي وتاج راسي
أخوكم أبووليد ،،،

[الحرير]

صباح الخبر يا ابو وليد انا البارح على قولت الناس النوم سلطان والرد جاي مع الطريق

[الحرير]

اعرف انك ناوي لك نية ماهي صرية = شاعرن تبي تضد الناس بالجنب المتيني

هون هون يامناور قبل نرسلك شضيه = وشضايا صنع روسية ومعطيها الخميني

[الحرير]

الاخوان
عبدالمطلوب
وتركي
نشكركم على المرور ومتابعتكم شرف وبيض الله وجيهكم

[الحرير]

عجل علينا يا ابو وليد ترانا متحمسين

[عبدالله مناور البدراني]

صباح النور ، لكن تراك أنت اللي ضيعت الحماس حق البارح ، والمحاورة حلاوتها في وقتها ، لكن ما علينا حياك الله مره ثانية ونا سعيد جداً برجعتك ، وشد حزامك واستلم :

ماهي لعبة صغار ولاهي لعبة صبيّه = هيه واسمع لك عندي كلمتيني
جاتك جيوش عنتر غاشية بالمنيّه = قول لمك لا تبكي فقدتك يا ضنيني

[الحرير]

بالنسبه للبارح انتظرتك حوالي ساعه ولا رديت مافاتنا البارح نلقاه اليوم
استلم ياطويل العمر

ابو وليد أزهم معك بدارين الحناكية= اظن يا السهكر لك فعلً يبيني
جيوش عنترلها عندي بواردية = والله لاطحنها مثل طحن الطحيني

[عبدالله مناور البدراني]

عندي ملاحظة وهي عبارة عن مخالفة معروفة بالشعر وهي تكرار القافية في كلمة طحيني ، ونا سبقتك بالكلمة هذه ورحت أنت جبتها في البيت الأخير عندك ، وياليت لو تغير هذه المفردة يكون أفضل .

والآن استلم :


السهكر نجمة عالي لاح فالسما ضيّه = وانت عودك خضر وينك وويني
ما تفكك جيوش ولا تفكك سريّه = أنت عندي مقيّد يا الحرير وسجيني

[الحرير]

بدلها طال عمرك بالعجيني الجهاز معاد يقبل

[عبدالله مناور البدراني]

هلا اخوي الحرير أنت قلت في الغصن الرابع :
والله لاطحنها مثل طحن الطحيني
والحين تقول بدل القافية بالعجيني يعني تبدلها وش تقول : والله لاعجنها مثل عجن العجيني

براحتك إذا انت شايف البيت كذا مناسب . لا مشكلة .
اش رايك تبي تاخذ فاصل وتواصل ؟

[الحرير]

اتغاضا عنك يا مناور ولابعاها قوية =ودنا نحشم رياجيل الوفا من كل عيني
تحسبني يا مناور طالباً تضحك عليه = ان هجدت القوم اخلينهم عضاماً ميتيني

[الحرير]

ردك الاخير تراي ماشفته الا بعدين طلعت قريب وخليت الجهاز شغال وبعد ماجيت سويت الرد على طول

[عبدالله مناور البدراني]

طيب عندك للمره الثانية تكرار للقافية ، المرة هذه في الغصن الثالث كلمة ( عليه) وهذه موجوده عندي ماهو من حقك تاخذها ، هذا النظام الشعري وانت خالفت النظام للمرة الثانية ، المرة الثالثة نوديك للتوقيف إنتبه !!!

واستلم الرد يابن العم :


كل منا يعرف اليوم من هو خويّه = والجهل راح مع مر السنيني
عندنا لك معزه زايده مقدريه = والفخر والفخر لا قيل يا البداريني

[الحرير]

والله ما انتبهت لكن اخر مره كل سويت بيت لابد التصفح من جديد ماشاء الله عليك قوي ملاحظه

[الحرير]

وعذراً اثر اني عاكس الاسم من البارح والله ما انتبهت كله الله يهديك من ضغطك علي لكن تكفى ارفق شوي

[عبدالله مناور البدراني]

ماعندك مشكلة كلي فخر بسم مناور وياليتني أجي ماطا رجل أبوي فالأرض ، الله يرحمه ويسكنه الجنه

وانت شاعر ويعجبني فيك التحدي **** لكن تبي الصحيح ماانت ندي

تسلم يابن العم والله انك من ربعنا الغالين
لكن ودي أحرك المنتدى شوي من هذا الصمت الرهيب !!!!

[الحرير]

والله ان عندي حمية زائده بالعنصرية = ماتغير بالسنين مسجله في جبيني
سلمنا وسلومنا بالدين والا الجاهلية = ما تغير مع طوال والوقت وحنا مسلميني

[عبدالله مناور البدراني]

أقول خلووووووووووووووها :


حنا بعدنا حنا مانجي للخطيّه = آخذين الوعد من ربعنا الأوليني
والحين اصافحك وامدها لك يديّه = ون جيت الحناكيه يابن عمي تجيني

[الحرير]

انت راع الوفاء والطيب والشاذلية = لك مني تحية عد وبل الغشيني
انكان جيت الحناكية لكم الاولوية = اتشرف مع ربوعي طوال اليميني

[الحرير]

اخوي ابو وليد تشرفت مع اللعب معك حيث لي الشرف اللي اللعب مع شاعر كبير مثلك واعذرني اذا حصل مني خطا والى القاء انشاء الله في لقاءات اخرى وتقبل تحياتي وتقديري .

[عبدالله مناور البدراني]

الأخ الغالي وابن العم الحرير
يعلم الله اني كنت سعيد بالمحاورة معك وكنت فعلاً ند قوي ، ونا من الأول كان قصدي أحرك المنتدى شوي ، ما قصدت المفاخره ولا التعالي على أحد ، فوالله الهدف عندي الرقي بمنتدانا ، ولا أحد يعتب علي في ذلك ياخوان وسامحوني كلكم إذا جا مني قصور والله انكم تستاهلون كل علم غانم ، ونا كان ودي أخدم هذا المنتدى باللي أقدر عليه وحسب استطاعتي ، لو كان عن طريق الإثارة والتحدي
وإن شاءالله ماراح أترك التحدي دامني اقدر على ذلك ، لكن المره الجاية ، ودي يبدابها واحد غيري
ولكم كل الشكر والتقدير ، ومره ثانية سامحوني
أخوكم ومحبكم أبووليد ،،

[راعي الديره]

شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .

[عبدالله مناور البدراني]

شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .

أبو خالد
شاكر على مرورك وروعة حضورك
تقبل تحياتي ،،