صياف الحربي .. وعبدالله بن عتقان

[عبدالعزيز البدراني]

هذه محاوره بين الشاعر عبدالله بن عتقان
و الـشـاعـر صـيــاف الـحـربـي
.
.
عــبــدالله بــــن عـتــقــان
.
.
سلامي على اللي شرفوا حفلة الاستاد فهد راعي الوقفات والمذهب الوافـي
تقابلت مع صياف صدفه بـلا ميعـاد وأنا بنتهزها وأخذ أخبـار صيافـي
.
.
صـــيــــاف الـسـحـيــمــي
.
.
هلا مرحبا مليون يالطرقـي النشـاد ياراع العلوم البيض والمنهج الصافي
تقابلت مع صياف كنك ولـد عـواد تبا تقضي المشوار وتروح متعافـي
.
.
عــبــدالله بــــن عـتــقــان
.
.
بعد قاعدوك الربع ياريـس الأفـراد أخير إلك تال الوقت تسعى وتطافـي
ولو مت في شعبان وألا بشهر جماد ترى يفرح العتبان موتك والأشرافي
.
.
صـــيــــاف الـسـحـيــمــي
.
.
الا واخسارة من ركبها بغير إشـداد تحول به الغبـه ولا عـاد ينشافـي
أنا معتبرهـا هرجـه ودلـه وبـراد ولا اسري ظلام الليل بالمشعل الطافي
.
.
عــبــدالله بــــن عـتــقــان
.
.
ألا واخسارة قـل صيـاف مايـزداد أشوفه يقدمها على أرباع وأنصافـي
إذا ثوب اللي لابسه يالسحيمـي بـاد على البنك ماتصلح ياصياف صرافي
.
.
صـــيــــاف الـسـحـيــمــي
.
.
بلش في قرون الثور عنتر ولد شداد يواذيـه قعـادي ويوذيـه وقـافـي
بدف العرب من قدم وأدفهم من غـاد وكلٍ يـدور قبـره البـارد الدافـي
.
.
عــبــدالله بــــن عـتــقــان
.
.
أشوفك نويت الشر ياطاغيـة بغـداد ياكافي من اللي يبعث الشـر ياكافـي
تهرج وسولف ياجوديٍ من الأجـواد وانا يالسحيمي منك ماضاق محرافي
.
.
صـــيــــاف الـسـحـيــمــي
.
.
ثلاثين بندق ثوروها بـدون أزنـاد وأنا جيتهم دكتور مير المرض خافي
تراني بسولف معك لجل الملح والزاد لعلك يأبن عتقـان رجـال وسنافـي
.

[عادل البدراني]

أخــــي العزيز

عبدالعزيز البــدرانـــي


الله يعطيك العافيه




على نقل المحاوره الرائــعــه

هلا مرحبا مليون يالطرقـي النشـاد ياراع العلوم البيض والمنهج الصافي
تقابلت مع صياف كنك ولـد عـواد تبا تقضي المشوار وتروح متعافـي


لاهنت وبيض الله وجهــك



لاعدمناك

[حــ المعاني ــرف]

أخوي الغالي

عبدالعزيز البدراني


بيض الله وجهك


وتسلم يمينك على النقل للمحاوره


ولاهنت كفيت ووفيت

[عبدالعزيز البدراني]

مرحبا اخوي عادل

اكيد المحاوره اعجبتك

شاكر مرورك يالغالي

تقبل تحيتي وسلامي

[عبدالعزيز البدراني]

مرحبا اخوي حروف المعاني

شاكر مرورك يالغالي

تقبل تحيتي وسلامي