مشاهدة النسخة كاملة : محاوره
صوت نجد
15-03-2010, 11:21 PM
مرحبا ترحيبتن ليلها يبقى طويل** من ظميرن صافين لصحيب ابتديتها
ابتدى الطاروق ياصاحبي والله وكيل **ونت من قومن على الطيب ذايع صيتها
صوت نجد
16-03-2010, 12:00 AM
ارجو الرد يابو ناصر
عبدالمطلوب مبارك البدراني
18-03-2010, 01:05 PM
الأخ الغالي احمد جهيم صح لسانك ومعذرة على التأخير لأنني كنت مشغول والله لايشغلنا الابطاعته ولم انتبه للمحاورة
الا متأخر ......
وأستلم اخوي
يالعل ابك البقاء يا الاصيل ابن الاصيل = وانت طيب كلمة الطيب لي بديتها
ابتدى الطاروق وحصانها يصهل صهيل = واللحون الطيبه جيتك وغنيتها
الحرير
18-03-2010, 01:29 PM
الشاعر
احمد جهيم صح الله لسانك مبدع
الشاعر
عبدالمطلوب مبارك صح الله لسانك ولاهي غريبه عليك الجزاله
متابعين
جمال فهيد البدراني
19-03-2010, 12:13 AM
متابعين لكما ..
تحياتي للجميع
صوت نجد
19-03-2010, 12:27 PM
اشكرك يالحريرعلى المتابعه
صوت نجد
19-03-2010, 12:34 PM
جزاك الف خيرياجمال
صوت نجد
19-03-2010, 01:04 PM
الأخ العزيزعبدالمطلوب آسف على التاخيركنت مسافر وعذرك مقبول
والليله لنا لقاء أن شاء الله الساعه التاسعه مساء ولك تحياتي***
صوت نجد
19-03-2010, 09:30 PM
""استلم يابو ناصر""
غابت النجوم الثريا مع الجدي وسهيل... وراعي الكلمه عجزلايجيب اثباتها
والله انا مابغينا مع المسرى دليـــــل ...والعرب محدن بكاشف على نياتها
عبدالمطلوب مبارك البدراني
19-03-2010, 09:59 PM
هلا بك يا أبن العم (أستلم لاهنت )
المعارك يا عميلي لها السيف الصقيل = راعي الكلمة ما يعجز وعارف بيتها
اعرف انك يا ابن عمي تجيب المستحيل = وكان مديت اليمين انا لك مديتها
صوت نجد
19-03-2010, 11:42 PM
كل جيلن راح لازم يعوظبه بجـــــيل ... ليتها تبقى على حالها ياليتهــــــا
انت مدك جزل ياصاحبي مانته بخيل ... مير ماديت الكريمه وأنا شديتهـــا
عبدالمطلوب مبارك البدراني
20-03-2010, 12:28 AM
استلم أخوي احمد
سنة الخلاق ف(الخلق ) ذيه يالعميل = جاتك الاولى وفاتت ولا صديتها
لاتجي للسيل يا صاحبي وسط المسيل = كيف تاطا النار بالرجل ما حسيتها
صوت نجد
20-03-2010, 01:20 AM
كل شين تزرعه يابن عمي له حصيل... ولاشاره حسب عرفي ترى ماخطيتها
نارنا مشبوبه ابكل صبح وكل لــيل... وانت نارك ليش قدم العرب طفيتــها
عبدالمطلوب مبارك البدراني
20-03-2010, 01:46 AM
مازرعنا غير طيبٍ على طيب وجميل = لاتروح بعيد جتك العلوم وجيتها
نارنا مشبوبه وعندنا بن وهيل = والعرب تزهمك وانته تقل ما وحيتها
جمال فهيد البدراني
20-03-2010, 08:27 PM
مازلنا مستمتعين
واصلوا إبداعكم
بالتوفيق أيها الأحبه
صوت نجد
20-03-2010, 10:53 PM
""استلم يابن عمي""
أنت سيفك فالمعارك يابن عمي صقيل؛؛؛؛والجنايز واجده بس ماعدــيتها
ماغدالي في حياتي كثير ولا قــليل؛؛؛؛ولاخبررجلي على الناقصه ضريتها
عبدالمطلوب مبارك البدراني
21-03-2010, 01:50 AM
وانت من ربع الشجاعه واهل سيف وخيل = والجنائز سمها أنت ما سميتها
كان صعبت ياابن عمي لزوم تستقيل = واضحه مثل القمر عنك ما خبيتها
صوت نجد
21-03-2010, 02:22 PM
لو ينوش الزند ياصاحبي خشم الفتيل ماتضيق النفس من شي لاعزيتها
الله اكبر مالقينا وراء الشجره مقيل تخترقها الشمس من فوق لولفيتها
ا
عبدالمطلوب مبارك البدراني
22-03-2010, 12:58 AM
والله اني ياابن عمي ما انقص لك ف(كيل ) = تستحق الطيبه سنة سنيتها
الشجره الله خلقها وهو بها كفيل = انت نفسك ليش للمعضلة حديتها
صوت نجد
22-03-2010, 02:21 AM
الزمن لا تامنه لو صفا طبعه يميل " :والسنين اللي مضت بالشقا مااحصيتها
البعير اللي مع القافله واسمه شعيل ::: الحموله شالها عقب مارديتها
عبدالمطلوب مبارك البدراني
22-03-2010, 12:35 PM
كل واحد يشتكي من زمانه ذا عليل = والله اعلم بالامور الذي كنيتها
والبعير الله يعينه ترى حمله ثقيل = يا جملنا وشب عينك لنا لديتها
صوت نجد
22-03-2010, 11:55 PM
كلبونا اخوان ننعم تحت ضلن ضليل"" والسوالف معك ياصاحبي حبيتها
لو يسيل الوادي اللي وراءحمراء نثيل"" كان شفت الفرق في حيها من ميتها
عبدالمطلوب مبارك البدراني
23-03-2010, 10:53 AM
الأخ الغالي ابن جهيم المعذرة الاتصال لدي يشتغل دقائق وينفصل
ساعات لانني اتصالي على الاُربت وينقطع في وقت الامطار ولذلك لم اتمكن من الرد عليك مباشرة .
واستلم اخوي أحمد :
كلبــــــــونا اخوان ما نستمع قـــال وقيل ... والمعانـــي معك والله ما مليتـها
المُديل اللي مضى جاك من عقبه موديل....يا الله انك تحفظ الدارعن تشتيتها
عبدالمطلوب مبارك البدراني
23-03-2010, 10:57 AM
سعدت جدا بهذه المحاورة الجميلة والرائعة
مع شاعر راقي بفكرة وجميل في معناه الشاعر احمدبن جهيم
واتمنى لك التوفيق
الحرير
23-03-2010, 12:07 PM
اوفيتم وكفيتوا بيض الله وجيهكم
صوت نجد
23-03-2010, 02:08 PM
بسم الله الرحمن الرحيم""
(( الاخ العزيز المحترم الشاعر/ عبدالمطلوب امبارك البدراني اشكرك جزيل الشكر على المدح الذي
عساني اكون قده وانا لي اشرف اني لعب معك خاصه بدون مجامله ))
"ملاحظه "
أنا طالب تحت مدرستك وأنت المعلم يابو ناصر
وأنا بنتظارابداعك....
صوت نجد
23-03-2010, 02:22 PM
يالحريراشكرك على المتابعه لنا دائما
ولك الأحترام ياشاعرنا"""
عبيد موسى الفزاع البدراني
23-03-2010, 10:08 PM
مازرعنا غير طيبٍ على طيب وجميل=لاتروح بعيد جتك العلـوم وجيتهـا
نارنا مشبوبه وعندنـا بـن وهيـل=والعرب تزهمك وانته تقل ما وحيتها
صح السنتكم جميع
والله لايهينكم
واشكر ابو ناصر على هذا البيت
صوت نجد
23-03-2010, 10:45 PM
شاكرلك المتابعه لنا جميع يابو موسى
لك الود
عبدالمطلوب مبارك البدراني
26-03-2010, 04:02 PM
اوفيتم وكفيتوا بيض الله وجيهكم
حياك الله اخوي الحرير ووجهك ابيض وبارك الله فيك وسعدنا جدا جدا بمرورك
العطر
لك التحية ولاتقدير
عبدالمطلوب مبارك البدراني
26-03-2010, 04:06 PM
بسم الله الرحمن الرحيم""
(( الاخ العزيز المحترم الشاعر/ عبدالمطلوب امبارك البدراني اشكرك جزيل الشكر على المدح الذي
عساني اكون قده وانا لي اشرف اني لعب معك خاصه بدون مجامله ))
"ملاحظه "
أنا طالب تحت مدرستك وأنت المعلم يابو ناصر
وأنا بنتظارابداعك....
يعطيك العافية اخوي أحمد بن جهيم شاعر وراقي في ردودك لاعدمتك
لك فائق احترامي
عبدالمطلوب مبارك البدراني
26-03-2010, 04:26 PM
مازرعنا غير طيبٍ على طيب وجميل=لاتروح بعيد جتك العلـوم وجيتهـا
نارنا مشبوبه وعندنـا بـن وهيـل=والعرب تزهمك وانته تقل ما وحيتها
صح السنتكم جميع
والله لايهينكم
واشكر ابو ناصر على هذا البيت
يعطيك العافية اخوي عبيد البدراني على مرورك وتعليقك
لك فائق احترامي
vBulletin® v3.7.1, Copyright ©2000-2024, TranZ by Almuhajir