المساعد الشخصي الرقمي

مشاهدة النسخة كاملة : ولا اورد الشكوى على ميت النار***اللي رجع يوم المسافه نصفها


صوت نجد
06-04-2010, 12:22 AM
السلام عليكم ورحمة الله وبركاته
....
...
..
.
تغيرت كل الحقايق والأنظـــــــار

واللي معه عقل الحقيقه عرفها

وأنا عرفت ان الزمن وين ماسار

لابد روسن طايلات يحذفها

طبعه كذا وأنا من الوقت محتـــار

ولالي جدا غير البيوت اعسفها

شاعر ولاحصلت من بدع الأشعار

غير العناء اللي صابني من طرفها

امسيت من همي على صالي النار

والصدر ضايق والسريره كشفها

متكدرن عايف من الناس والدار

لو قلت ابا صبر صبر روحي تلفها

دارت بي الدنيا على كل الأقطار

والصبر مفتاح الفرج عند اسفها

اسج رجلي دايم ايمين ويسار

وادرى معاريف الرجال وشرفها

وليه مع أهل الطيب حشمه ومقدار

واصبرعلى جور السنين وكلفها

ولا اورد الشكوى على ميت النار

اللي رجع يوم المسافه نصفها

حلفت ماخاوي قصيرين الأشبار

ضعاف النفوس اللي متاصل هدفها

عرفتهم وقت الشدايد والأكدار

وبانت خفاياهم وكلن كشفها

شفت العجايب كلها اكبار وصغار

ماحدن تعرضلي ولا قال شفها


وسلامتكم

عبدالمطلوب مبارك البدراني
06-04-2010, 12:46 PM
الاخ الغالي أحمد جهيم

صح لسانك وعلا شانك

وبيض الله وجهك

قصيدة رائعة روعة حضورك

لك فائق التحية والتقدير

صوت نجد
06-04-2010, 02:08 PM
اشكرك يابو
ناصر على المرور وصح بدنك

سلمان الحجيلي
06-04-2010, 04:39 PM
صح لسانك أخي

أحمد بن جهيم

قصيدة جزلة

بيض الله وجهك

أخوكم

سلمان ناشي الحجيلي

الحرير
06-04-2010, 05:24 PM
احمد بن جائز بن جهيم
صح لسانك مبدع

صوت نجد
07-04-2010, 02:36 AM
سلمان الحجيلي ولحريراشكركم على متابعتي ولكم تقديري

احمد ماجد البدراني
24-06-2011, 03:30 AM
صح لسانك يااحمد كفو قصيده رائعه جدا