محاوله شعريه

[مخاوي الليل]

السلام عليكم ورحمة الله وبركاته


هذه مجرد محاوله شعريه فقط لا اكثر

اتمنى ان تنال اعجابكم




ياوجد حالي وجد من فارق الذود
بمعسكرٍ بين الحفر والقريات

من عقب ما عفشه على الشاص مشدود
اليوم بالبدله يداقش خفارات

إليا بغى يمشي عن الدرب مردود
واليا قعد ضاقن عليه الوسيعات

واليا بغى ينقز مع الشبك منقود
وامسى يجاحد لوعة البعد بسكات

واصبح على راي من الراس معقود
وقدم قرار الفصل وانها الخدمات

حالي كما حاله لانقص ولا زود
ما نفرق الا بتخاذ القرارات

[الحرير]

الله يعطيك العافيه
بيض الله وجهك

[تركي الزايد]

صح لسانك ... محاولة ممتازة

[سلمان الحجيلي]

صح لسانك أخي الكريم

مخاوي الليل

تحياتي وتقديري

أخوكم

سلمان ناشي الحجيلي

[عبدالمطلوب مبارك البدراني]

السلام عليكم ورحمة الله وبركاته



هذه مجرد محاوله شعريه فقط لا اكثر

اتمنى ان تنال اعجابكم




ياوجد حالي وجد من فارق الذود
بمعسكرٍ بين الحفر والقريات

من عقب ما عفشه على الشاص مشدود
اليوم بالبدله يداقش خفارات

إليا بغى يمشي عن الدرب مردود
واليا بغى يجلس ماغير لوعه وحسرات

واليا بغى ينقز مع الشبك منقود
وامسى يجاحد لوعة البعد بسكات

واصبح على راي من الراس معقود
وقدم قرار الفصل وانها الخدمات

حالي كما حاله لانقص ولا زود
ما نفرق الا بتخاذ القرارات



الاخ الغالي مخاوي الليل

أهلا وسهلا ومرحبا بك في منتديات ربعك تفيد وتستفيد

وصح لسانك وعلا شانك قصيدة معبرة ورائعة هناك كسر وربما يكون خطاء أملائي

في عجز البيت الثالث .. يعطيك العافية وننتظر جديدك

لك تحيتي واحترامي

[عبدالله مناور البدراني]

الأخ مخاوي الليل


قصيدة رائعة وتدل على شاعرية ممتازة خصوصاً كما قلت أنها المحاولة الأولى ، فيها وصف وصور خيالية



جميلة ، وكما قال أخوي ابو ناصر عجز البيت الثالث لو تراجعه شوي تلقا فيه كسر بسيط وأسهل طريقة


لمعرفة أبياتك إذا كانت مكسورة أو سليمة أن تغنيها بلحن معين وتأتي جميع الأبيات على هذا اللحن والبيت


المختلف عنها معناه فيه كسر يجب ترميمه ، هذا وأتمنى لك التوفيق وأن تستمر في ابداعك لأني متأكد من


أن صاحب هذا النص لديه الكثير والكثير مادام الموهبة موجودة فسوف تصل بإذن الله إلى القمة فلا تبخل

علينا بجديدك .


تقبل تحياتي أخوكم / أبو وليد ،،،

[صالح الربيع]

صح لسانك يالشاعر

ولاهنت

[ال سواد البدراني]

اخي الغالي مخاوي الليل

شاعر كفو بيض الله وجهك

ولاكن اتمنى ان ارى قصائد الاخر هنا

لك مني اجمل التحايا

اخوك عبدالرحمن مناور البدراني

[مخاوي الليل]

السلام عليكم ورحمة الله وبركاته

اولاً اعتذر عن التاخر بالرد على تعليقاتكم التي اثلجت صدري بصراحه

وبيض الله وجيهكم جميعاً على مروركم الراقي مثكم تماماً وأخص كل واحد باسمه

اما بالنسبه للكسر اللي بالبيت اللي يقول :

واليا قعد ما غير لوعه وحسرات فتم تعديله الى :> واليا قعد ضاقن عليه الوسيعات ............. اتمنى تعديله من قبل الاداره ........ بس اتمنى ما يكون مكسور بعد >>> الله يستر

شكراً لكم مره اخرى
الله يعطيكم العافيه

تحياتي
مخاوي الليل

[عبدالمطلوب مبارك البدراني]

السلام عليكم ورحمة الله وبركاته



اولاً اعتذر عن التاخر بالرد على تعليقاتكم التي اثلجت صدري بصراحه

وبيض الله وجيهكم جميعاً على مروركم الراقي مثكم تماماً وأخص كل واحد باسمه

اما بالنسبه للكسر اللي بالبيت اللي يقول :

واليا قعد ما غير لوعه وحسرات فتم تعديله الى :> واليا قعد ضاقن عليه الوسيعات ............. اتمنى تعديله من قبل الاداره ........ بس اتمنى ما يكون مكسور بعد >>> الله يستر

شكراً لكم مره اخرى
الله يعطيكم العافيه

تحياتي

مخاوي الليل





يعطيك العافية اخوي مخاوي الليل
تم التعديل والقصيدة رائعة ننتظر جديدك
لك تحيتي وتقديري

[رحال نجد]

صح لسانك مخاوي الليل
واعتبر نفسك مرخوص عشر ايام رح للذود
تقبل مرور اخي

[مخاوي الليل]

الغالي // رحال نجد
صح الله بدنك

كفووو قول وفعل بس ياليتها بيدك كان ما بلشنا فيها

لاهنت على مرورك وبيض الله وجهك على تفاعلك

تحياتي لك اخوي