المساعد الشخصي الرقمي

مشاهدة النسخة كاملة : مساجلة شعرية بيني وبين الشاعر علي هليل الحربي


عبدالمطلوب مبارك البدراني
26-06-2010, 05:43 PM
هذه القصيدة وردتني من الشاعر العذب علي بن هليل الحربي
وهي قصيدة راقية رقي شاعرها أمل ان تحوز على رضاكم واستحسانكم


سلامن احلى من حليب المصاغير = اللي على مقهورها ما تعدت
ما تاكل الا شابكات النواوير = في خايعن يمّه لها أيام شدت
قدامها ماطب قاعه سوى الطيّر = تشبع ضحى ما عينها فيه لدت
ينصى مداغيش الرجال المشاهير = اللي حبال عزومهم ماتردت
نوادرن مثل السيوف البواتير = والاالطيور اللي على الصيد هدت
مرور ذكراهم على خاطري غير = لولا الظروف لشوفهم لي تحدت
ما اقول غير الا اجتمعنا على خير = عسى رياحن جابت العطر ودت

ازكى سلامن صغت فيه التعابير= من كف يمن لازرق العود مدت




وهذا ردي عليها /

يامرحبا مثل العسل ذوقته غير = صافي وعمر النفس ما عنه صدت
مقطوف وقت العشب جاله زواهير = وتو الخلية بالربيع استجدت
اقدمه لاهل الوجيه المسافير = الي اليا جات المواقيف عدّت
مدلهين ضيوفهم والمسايير = ويدينهم على الردى ما تمدت
ربع الشجاهه والرجال المناعير = وخيولهم ياكم على القوم كدت

وختامها مني تحية وتقدير = والمعذرة عجزت حروفي ماسدت

محمد ابراهيم البدراني
18-07-2010, 12:23 PM
بيض الله جهك وجه الشاعر هليل قصائد جميله

عبدالمطلوب مبارك البدراني
01-10-2010, 06:09 AM
بيض الله جهك وجه الشاعر هليل قصائد جميله



الشاعر / محمد ابراهيم البدراني

يعطيك العافية على مرورك العطر

لك فائق التحية والتقدير

الحكيم
01-10-2010, 01:34 PM
الله يعطيكم العافية

ابيات في قمة الروعة

عبدالمطلوب مبارك البدراني
13-10-2010, 12:17 AM
الله يعطيكم العافية



ابيات في قمة الروعة




الله يعطيك العافية اخوي الحكيم على مرورك العطر

لك تحيتي وتقديري