الذنب ماهو ذنبها يالبدراين

[مخاوي الليل]

أمس العصر ساق القدر خطوتي لين
طبيت بالصدفه بسوق العلاولي


والله مالي حاجة بالدكاكين
ولاني مع أهل العشق سارح وضاوي


يالين طاحت نظرة العين بالعين
ومن نظرة الاعيان طحت متساوي


عنق الغزال اللي تقود المزايين
شلة قدم رجلي ما زيد الخطاوي


جتني تمشى تقصر المشي بهوين
وانا بقلبي قمت اشيل العزاوي


مرت من يميني على بعد مترين
زول(ن) غريب ووصفه أمرٍ سماوي


قالو تمن وقلت ياليل ياعين
حتى المناوي ما تجي بالمناوي


واليوم شفني اصفق يسار بيمين
كني هبيلٍ مالقو له مداوي


والذنب ماهو ذنبها يالبدارين
الذنب للي جابها للعلاوي

وسلامتكم

[عبدالمطلوب مبارك البدراني]

صح لسانك اخوي الشاعر مخاوي الليل ومالك لايم
قصيدة عاطفية رائعة روعة حضورك
لك تحيتي وتقديري

[مشاري البدراني]

صح لسانك اخوي مخاوي الليل



قصيده اكثر من رااائعه وجميله



دمت باْفضل حال

[محمد بن جعيثن]

والذنب ماهو ذنبها يالبدارين
الذنب للي جابها للعلاوي


الاخ مخاوي الليل

الله يعينك وابدا تاكد ان البدارين لن يلومونك
رائعه سعدت بالاطلاع عليها واستمتعت
لك الود

[مخاوي الليل]

الغالي / عبدالمطلوب مبارك

صح بدنك ولاهنت على مرورك الراقي

سعدت بهذا المرور

بيض الله وجهك ولا هنت

[مخاوي الليل]

الاخ / مشاري البدراني

صح بدنك ولاهنت

سعدت بتواجدك وتعليقك الراقي مثلك تماماً

تحياتي

[مخاوي الليل]

الغالي // محمد جعيثن البدراني

راقي لي حضورك كثيراً والروعه تكمن بمرورك

أسعدني مرورك هنا

دمت بخير

[تركي الزايد]

صح لسانك يامخاوي

والله يعين الهواوي

[عبدالله مناور البدراني]

أكيد الذنب ماهو بذنبها أنت وش وداك سوق العلاوي


قصيدة رائعة وتستحق الشكر وصح لسانك عليها


ومثل ماقال اخوي تركي الله يعين الهواوي

[مخاوي الليل]

صح بدنك اخوي تركي

شرفني مرورك

تحياتي لك

[مخاوي الليل]

حياك الله يابو وليد ومثل ما قلت لك انا ماني براعي غزل ولا كنت رايح ابي شي من السوق بس صدفه

وعلى ما قالو صدفه خيرٌ من الف ميعاد

على العموم تشرفت بمرورك العطر

بيض الله وجهك ولا هنت

تحياتي لشخصك الكريم

[محمد ابراهيم البدراني]

بيض الله وجهك ولا هنت

[جمال فهيد البدراني]

صح لسانك .. أخي الغالي

/

تمنياتي لك بالراحه

[مخاوي الليل]

الغالي // محمد ابراهيم البدراني

ووجهك ولاهنت على هالمرور الراقي

شكراً من أعماق قلبي
تحياتي

[مخاوي الليل]

اخي الغالي // جمال البدراني

صح بدنك ولاهنت على مرورك المميز

أسعدني تواجد هنا

لك تحياتي ودمت بكامل الصحه والعافيه