المساعد الشخصي الرقمي

مشاهدة النسخة كاملة : ياريم


منصور البدراني
16-08-2010, 04:45 PM
كان الشاعر ممدوح بن عبد الله المرزوقي

ماراً من أحد الممرات وفي ذلك الممر كانت

( ريم وأمها ) داخلين لزيارة سجينهم

والشاعر سمع صوت الأطفال فتذكر أبنائه

فدمعت عينيه

فرأته ( ريم ) فقالت ريم لأمها :

( يمّه الرجال يبكي !! ،، فقالت أمها زاجرة : ريم !!! )


عندها ،، كتب الشاعر هذه القصيدة



أبكي وعيني تسهر الليل يـا ريـم

مدري بلاها الشوق والا الظليمـه

يا ريم دمع العين مدري على الريم

والا على قلبـن تواكـل صميمـه

تقول لاطمني علـى نونهـا سيـم

أبكي وعندي لأزرق الدمع قيمـه

ويمكن يكون الدمع للعيـن تكريـم

ويمكن يكون إلها عذاب وحريمـه

والله يا لولا دمعتـن كنهـا الديـم

راحت ضلوعي من عذابي حطيمه

ودام البكا يا ريم ما فيـه تحريـم

يا عنك والله لأرخص الدمع شيمه

وابكي على حالي من الوجد وآهيم

لين الزمن يخلـف عليّـه نسيمـه

أبكي حياتن صافيه ما بهـا غيـم

وين المحبـة والقلـوب السليمـه

أبكي قهر وابكي من الغبن والضيم

وابكي من طعونن بقلبـي قديمـه

غدر الزمن خلّى بوجهي مراسيـم

وما يذبح الرجال مثـل الهزيمـه

بعض المصايب شرها ياكل الهيـم

وشلون بكبود الرجـال الكريمـه

وبعض المصايب يخلفن المفاهيـم

تبغى على ما قيل صبر وعزيمـه

مظلوم بالدنيـا وغيـري مظاليـم

من عرض ناسن لبسوهم جريمـه

ما عاد أبي من سود الأيام تعليـم

عقب العذاب اللي كلاني جحيمـه

ولو تصفي الدنيا علـيّ الملازيـم

ما عاد أدور من وراهـا غنيمـه

جمال فهيد البدراني
16-08-2010, 05:35 PM
صح لسان .. الشاعر / ممدوح المرزوقي .
حقيقةً ؛ قصيدة ذات معنى ، وكتبت من معاناة واقعيه
فيها من الألم والندم الشيء الكثير

\

العزيز / منصور البدراني
شكراً لك من الأعماق على نقلك الرااائع
بارك الله فيك


ودمت على هذا التوهج

صالح الربيع
16-08-2010, 06:04 PM
صح قولك ومنقولك اخوي منصور قصيده جزله ووافيه ومعبره

الله يكفينا شر الدنيا ويخرجنا منها بالعمل الصالح

منصور البدراني
17-08-2010, 03:08 AM
بيض الله وجيهكم على تواجدكم الجميل
كل الشكر

محمد السعيد
25-08-2010, 02:40 AM
قصة محزنة

مشكووووووور