المساعد الشخصي الرقمي

مشاهدة النسخة كاملة : الديار اللي هواها طبيعي


تركي الزايد
12-09-2010, 07:43 PM
جينا الديار اللي هواها طبيعي = فيها الزبيدي بين سبع التناويع
وربي جمع صنف الهواوي جميعي= وسط الفياض اللي سوات المشاريع
وترى التمشي في ليال الربيعي= يبري هواجيس(ن) وينهي مواضيع
وتصليحت الدلة بجو(ن) وسيعي =وسوالف(ن) بين الرجال البواتيع
هاذي حلات العمر للمستطيعي = خظ الديار اللي هواها ذعاذيع
ويلومني اللي لو يجيها يضيعي = عرفه لديره لويجى غيرها يضيع
خدام ستات(ن) مطيع(ن) مريعي = ماهيضوه مبعدين المناويع
اللي لونه زبدت(ن) مايميعي = ماغاب لوأنه ثلاثة أسابيع
زاروبت(ن) بين الجماعة يذيعي = لادين لادنيا ولابه منافيع
ولاحثـته زريت(ن) من شجيعي = طير الفلس ماهو بضاري لتشجيع
هذاك في جاه العليم السميعي = معه على الخطين لا أشري ولاابيع
اليا صار في درب السنع ما يثيعي = أنا أخوياي اللي نظرهم وراء الريع
هات الونيت الزين واشتر تبيعي = وحنا شرينا ما نوينا نبى نبيع
يبرى جروحي لاغداله لميعي = جانا طماعه من يدين الطماميع
عبه من الممتاز حتي يطيعي = زان الربيع وجت ليال المطاليع
في رادة الله لا عطينا السريعي = يابعد مارحنا وجينا مساريع

خالد
12-09-2010, 10:35 PM
تركي الزايد

يعطيك العافيه ع النقل
وصح لسان ابو محمد

وننتظر جديده

عبدالمطلوب مبارك البدراني
12-09-2010, 10:39 PM
الاخ الغالي ابو يارا صح لسانك ولسان الشاعر فلاح البدراني

قصيدة في منتهى الروعة والجمال

لك فائق التحية والتقدير

جمال فهيد البدراني
13-09-2010, 08:04 AM
صح لسان .. الشاعر / فلاح أبو خطيمه
حقيقةً ؛ قصيدة رااائعه جداً
إستمتعتُ بقراءتها


دمتم سالمين