محمد عبدالمحسن البدراني
02-12-2006, 07:10 AM
الغالين هنا
يسعد صباحكم جميعا بالخير والمسرات
اطرح لكم هذه الابيات البسيطه ارجو ان يكون لها القليل من الاعجاب عند من يقرأها
وهي بمناسبة مزاين قبيلة حرب قبل اسابيع بخبة النقع بالقصيم واللذي شرفه صاحب السمو الملكي الامير مشعل بن عبدالعزيز ال سعود القيتها باليوم الثاني للأحتفالات الرسميه
بسم من نزل على محمد ايات الكتاب =الاله اللي عباده لوجه تسجدي
جاعلن جناته لكل من طاعه ثواب = والجحيم لكل من خالف امره مرصدي
يوم هاضن الشعور انفتح للشعر باب=- وجيت ارحب في ضيوفي وحكام بلدي
مرحبا بعداد ماخط بالزيزف جواب=مرحبا بعداد ماشيف بالليل الجدي
مرحبا ياهل الوفا ياحشيمين الجناب=عند حرب اهل الصخا تاج راسي وسعدي
مرحبا حييت يامير فيك الحفل طاب=مرحبا واهلا هلا مرحبا ياسيدي
يابن من سج القدم يوم بالحبل اكتراب=واعتلا ظهور النضا من بلاد الاحمدي
لين شد خطامها العقاب ابن العقاب=عقب شلفآ مدها وعقب ضرب مهندي
دارنا اللي لو يجي للعدا معنا انتشاب=مالنا وارواحنا نفتدي هابه فدي
ياعسى تضفي عليها ثقيلات الرباب=فوقها البرق يغشى والسحايب ترعدي
لجل يكسى العشب كل الفيافي والشعاب=بعد سيلآ جا لممشاه بالقاع زبدي
ويوم زم النبت ثم مال مع الهبوب الهاب=الخرز لو تنثره ((في مثانيه يغدي))
كل وبالن دفع ذوده وشال الزهاب=يوم سمعوا بالخبر صارت إلهم مقصدي
ثم جتك اذواد بدوآ تشادي للهضاب= من بعيد يشوفها واحدن شوفه قدي
خطو ملحآ لونها مثل جنحان الغراب=من وبرها يبرمون الوبر لجل السدي
الاذان مشرهفه كنها روس الحراب=والسنام المكتنز للورى تقل محدي
ثم جى شولن عفر كنه قنوف السحاب=ولانتشر وسط المفالي تقل طش بردي
المدامع كن فيها كحل زاه الخضاب=كحل عذرآ كحلت عينها بالمرودي
الاذاني خرع وخشومهن فيه انحداب=والوبر متعكرشن بالظهور معقدي
كن غزل دفوفهن قطن منسوج الثياب=بعد طاولها المطر فوق قاعن جرهدي
ثم جتك الشعل من دونها يزمى السراب=شفها زملوق نبتن زمى وعرقه ندي
إشعلآ مثل الشفق بالسما وقت الغياب=تطرب الوبال لاصاح للصوت تعدي
ثم جن الصفر بوش الطرب علط الرقاب= الغوالي لجلهن ماتاغالا مابيدي
اشهد ان البل لها لمركز الطيب انتساب=واشهد انه مايتولعبها رجلن ردي
كم صقرآ دونها سل منقوش النصاب=دونها يثني وينطح خيول المعتدي
في زمانن به تجر العوا سحم الذياب=وكل قبآ فوقها فارسن قام يحدي
من دماهم كم تروت عطيبات الصواب=تشرب الدم الحمر يوم للخيل طردي
لين جا صقر الجزيره لها يسج الركاب=الشجيع اللي على اسمه ابى اسم ولدي
سل سيفن سلته ذللت كل الصعاب= غصب طوعها بحد الحسام الاجردي
مؤمنن من دون دينه وداره مايهاب= الفرنجي في يده والفشق بالمجندي
كل سيفن بعد حكمه دخل وسط الجراب=والرخى نوره ضفى عقب ليلن سرمدي
عاهدوه جدودنا اللي فنوا تحت التراب= ووردوا معه الخطر بالنهار الاسودي
والولا من بعدهم ورث شيبان وشباب=كل حربيآ تشوفه بجده مقتدي
ياعساه بجنة الخلد يعفى من العذاب=يوم رجف الراجفه في نهار الموعدي
ثم حكمها بعده اللي عليها اضفى الحجاب=ثبتوا سيسانها بشرع من له نعبدي
العوض بخوان نوره هم ذرانا بعد غاب= في كنفهم يابلادي تهني وارغدي
وسلاااااااااااااااااامتكم
.....
.
.
.
يسعد صباحكم جميعا بالخير والمسرات
اطرح لكم هذه الابيات البسيطه ارجو ان يكون لها القليل من الاعجاب عند من يقرأها
وهي بمناسبة مزاين قبيلة حرب قبل اسابيع بخبة النقع بالقصيم واللذي شرفه صاحب السمو الملكي الامير مشعل بن عبدالعزيز ال سعود القيتها باليوم الثاني للأحتفالات الرسميه
بسم من نزل على محمد ايات الكتاب =الاله اللي عباده لوجه تسجدي
جاعلن جناته لكل من طاعه ثواب = والجحيم لكل من خالف امره مرصدي
يوم هاضن الشعور انفتح للشعر باب=- وجيت ارحب في ضيوفي وحكام بلدي
مرحبا بعداد ماخط بالزيزف جواب=مرحبا بعداد ماشيف بالليل الجدي
مرحبا ياهل الوفا ياحشيمين الجناب=عند حرب اهل الصخا تاج راسي وسعدي
مرحبا حييت يامير فيك الحفل طاب=مرحبا واهلا هلا مرحبا ياسيدي
يابن من سج القدم يوم بالحبل اكتراب=واعتلا ظهور النضا من بلاد الاحمدي
لين شد خطامها العقاب ابن العقاب=عقب شلفآ مدها وعقب ضرب مهندي
دارنا اللي لو يجي للعدا معنا انتشاب=مالنا وارواحنا نفتدي هابه فدي
ياعسى تضفي عليها ثقيلات الرباب=فوقها البرق يغشى والسحايب ترعدي
لجل يكسى العشب كل الفيافي والشعاب=بعد سيلآ جا لممشاه بالقاع زبدي
ويوم زم النبت ثم مال مع الهبوب الهاب=الخرز لو تنثره ((في مثانيه يغدي))
كل وبالن دفع ذوده وشال الزهاب=يوم سمعوا بالخبر صارت إلهم مقصدي
ثم جتك اذواد بدوآ تشادي للهضاب= من بعيد يشوفها واحدن شوفه قدي
خطو ملحآ لونها مثل جنحان الغراب=من وبرها يبرمون الوبر لجل السدي
الاذان مشرهفه كنها روس الحراب=والسنام المكتنز للورى تقل محدي
ثم جى شولن عفر كنه قنوف السحاب=ولانتشر وسط المفالي تقل طش بردي
المدامع كن فيها كحل زاه الخضاب=كحل عذرآ كحلت عينها بالمرودي
الاذاني خرع وخشومهن فيه انحداب=والوبر متعكرشن بالظهور معقدي
كن غزل دفوفهن قطن منسوج الثياب=بعد طاولها المطر فوق قاعن جرهدي
ثم جتك الشعل من دونها يزمى السراب=شفها زملوق نبتن زمى وعرقه ندي
إشعلآ مثل الشفق بالسما وقت الغياب=تطرب الوبال لاصاح للصوت تعدي
ثم جن الصفر بوش الطرب علط الرقاب= الغوالي لجلهن ماتاغالا مابيدي
اشهد ان البل لها لمركز الطيب انتساب=واشهد انه مايتولعبها رجلن ردي
كم صقرآ دونها سل منقوش النصاب=دونها يثني وينطح خيول المعتدي
في زمانن به تجر العوا سحم الذياب=وكل قبآ فوقها فارسن قام يحدي
من دماهم كم تروت عطيبات الصواب=تشرب الدم الحمر يوم للخيل طردي
لين جا صقر الجزيره لها يسج الركاب=الشجيع اللي على اسمه ابى اسم ولدي
سل سيفن سلته ذللت كل الصعاب= غصب طوعها بحد الحسام الاجردي
مؤمنن من دون دينه وداره مايهاب= الفرنجي في يده والفشق بالمجندي
كل سيفن بعد حكمه دخل وسط الجراب=والرخى نوره ضفى عقب ليلن سرمدي
عاهدوه جدودنا اللي فنوا تحت التراب= ووردوا معه الخطر بالنهار الاسودي
والولا من بعدهم ورث شيبان وشباب=كل حربيآ تشوفه بجده مقتدي
ياعساه بجنة الخلد يعفى من العذاب=يوم رجف الراجفه في نهار الموعدي
ثم حكمها بعده اللي عليها اضفى الحجاب=ثبتوا سيسانها بشرع من له نعبدي
العوض بخوان نوره هم ذرانا بعد غاب= في كنفهم يابلادي تهني وارغدي
وسلاااااااااااااااااامتكم
.....
.
.
.