أبل البدارين

[ابن راجح]

اشتهرت ابل البدراين من حرب بين قبائل نجد حتى صارت مضربا للامثال وموضوعا للشعراء وهدفا للاعداء ومقصدرا لغارات السلاطين والحكام وشيوخ القبائل وامنية لعشاق الابل ومن ذلك قول الشاعرة وضحا الجدعيه من مطير تحرض ابن رشيد على اخذها ،


ياراكب من فوق عشر وثماني =وعشرين من جيش البدراين ينقن
مافيهن الفاطر ولا المرجعاني =وقم الرباع اسنونهن ماتوافن
فج العضود مشرهفات الاذاني=وازوارهن لاكواعهن ماينوشن
وابي جزاهن ياسهيل اليماني=زوامل من تالي العزل ردن


ومن ذلك قول شامان الشيب من غرابة من مطير متمنيا اخذ ابل البدراين [


ياليتني عقيد قوم وغزوان=عقيد تتليني سرايب غرابة
آخذ مجاهيم زهت وسم بدران=اتلاد من عصر النبي والصحابه
هجن مداهلها ورا الضلع ماوان=نركض عليها مثل ركض الذيابه

فرد عليه شاعر من موالي البدراين من حرب وهو سعد بن شعوان بقصيدة طويلة منها



امانة المامون لاجيت شامان =راع الجواب اللي لفانا جوابه
قل هيه ياللي تمتني هجن بدران =دنه ربوع يعتزون بشبابه
قل له ترى من دون حلوات الالبان =نقوة عيال كل ابوهم مهابه
كم طامع طشوه للذيب سرحان =في سهلة قام ايتساقى صوابه
ابن رشيد اللي بغاها بالاكوان=اقفى معيف ومعذر بالكسابه
اللي وقع منهم ثلاثين ديقان=غير الرمك واللي غدا من ركابه

منها قول شاعر من البدارين


وابوك خبل تبي لك نوق =تبي بكار البداريني
دون العشاير حماة النوق=ربع على الهوش ضاريني
ملح مداهيلها ساحوق =ترعاه بالكودوالليني
كم واحد دارها بالبوق=حتى الرشيد القديميني
سيقت عليها البيارق سوق=لكن اهلها معييني[

واشتهرت ابل البدراين باسمائها المعروفة عند اهل نجد ومن ذلك
بنات مرفوع او مرافيع ومرفوع جمل اصيل للامير محمد بن مسعد بن راجح اسمه ريمان رفعوه في احدى السنوات اي منعوه لضعفه فسمي مرفوعا وفي ذلك يقول احد البدارين



الله من قلب شعنه مرافيع =اسداس مادرج تحتهن رضيعي
عقب الصباح يناتلن الصاريع =بس الزعل بحلوقهن له قريعي
لاتقهرون مبعدات المفازيع =ولهن غذاي اليتاماوديعى

وممايدل على شهرة ابل البدارين ايضا اشارة الشاعر والشيخ مريبد بن حامد بن هنود ابن ربيق في قصيدة ذائعة الصيت


عديت أولف لحون شيف معناها =قلبي تهيض لحي عنه مبطيني
عيني كما عيهل وان قطروا ماها=وردوا عليها شعافين وبدرايني
كل يبى الري قبل الورد يقصاها =قعطان بدون عن الحاكم محيليني
تقبلوا تحياتي ودمتم بخير

[محمد بن جعيثن]

بسم الله الرحمن الرحيم
السلام عليكم ورحمة الله وبركاته

الاخ ابن راجح
تقديم رائع ومعلومات ممتازه جدا وموضوع قيم ويثري معلوماتنا

سعد ابن شعوان له الكثير من الاشعار فى ابل البدارين وفى مادار حول بلغه والماويه
وقد تقابل مع محمد ابن صلبي من (الحمدان)1423 وكان محمد ابن صلبي يرحمه الله راوي جيد ويحفظ الشعر والمعارك والتواريخ وايضا متحدث وصاحب حضور ممتاز
وقد امتعونا بالحديث وبتذكر بعضهم البعض بالقصص والمواقف التى يفخر بها كل بدراني
فشكرا لك على التميز ونطمع بالكثير

[أبن مفلح البدراني]

السلام عليكم ورحمة الله وبركاته



تشكر
اخوي
ابن راجح

على نقلك المبدع والاروع من رائع
وصح الله لسان الشعـَار على قصيدهم

ففعلا ابل البدارين مضرب للمثل ليس عند حرب فقط بل عند اغلب القبائل


واحب ان اشكر اخوووي ابوعبدالله على إطراءه الجميل

ومن يسعدنا لو تذكر لنا اخوي ابوعبدالله بعض مما تحفظ مما سمعت

من القصص والمواقف التى ذكرها سعد ابن شعوان و محمد ابن صلبي رحمه الله

التي يفخر بها كل بدراني



ودمتم بود

[عبدالعزيز البدراني]

بارك الله فيك يابن راجح ولي اضافه

كذلك اعتقد انه بيت من قصيده للشيب ويقول

ليت البدارين ربعلي <> واخذ على بوشهم غاره

وهذا رد احد البدراين
ياللي تمنيت ربعلي <> ربعي على الهوش صباره
كم سابق دمها شلي <> قدام ربعي لهم شاره
لعيون ملح بها جلي <> ترعى زماليق نواره
ياشيب مانته كنيدلي <> والعب على راسك الداره
ليت المناصيب تمهلي <> وتفارق القوز ودياره

تقبل تحيتي وسلامي

[ابن شنوت]

يعطيك العافيه .........
وقصة( ليت البدارين ربع لي)
جرت على شيخ من شيوخ عتيبه ويقاله ابن رويس وكان من ضمن الحمايه مع الملك عبدالعزيز
وكان حوالي القوز وكانت ذود الشيخ محمد بنت شنوت المسماه (الشمعات) ترعى في مكان ضمن نطاق الحمايه
واخذت بنت محمد بن شنوت والتي كانت راعيه في الابل ذلك اليوم بتعقيل الابل والحشو بعد ان حست بقربهم في احد الظلعان المجاوره واخذ اخوها الصغير وقتها وهو بركه بم محمد رحمة الله عليه بمسك (البخنق) الشيله منها لمجرد اللعب معها ومن جراء ذلك قامت الابل وصارت غبره وحركه في مبارك الابل وكان ابن رويس ينظر للابل بالدربيل وكان ينوي الذهاب الى الابل لحجزها او اخذها وعندما شاهد الفتاه عند الابل ارتدت نفسه عن الذهاب للابل وقال قصيدته المشهوره.......

ياطفيل ياللي تباين لي .....في خايع بان نـــــواره
ليت البدارين قوم لـــــي ....واخذ على بوشهم غاره
....ولا تحضرني الى هذين البيتين اللي يعرف اكثر يزودنا فيها..

ورد عليه شاعر من البدارين ...
ياللي تمنيت ربع لي......ربعي على الهوش صباره
يوم ابيض الملح ينهلي ...تنشدوا خيل سنجــــــاره
كم سابق دمها شلي....تنشـــــدوا باول الغـــــــاره
لعيون ملح بها جلي ....... ترعى زمـــــاليق نــواره
يارويس مانت بغريم لي...حارس ومركــــــبك سياره
وليت المناصيب تمهل لي..ماتدوج بالقوز وديــــاره


وسلامتكم..............................

[عبدالعزيز البدراني]

يعطيك العافيه .........
وقصة( ليت البدارين ربع لي)
جرت على شيخ من شيوخ عتيبه ويقاله ابن رويس وكان من ضمن الحمايه مع الملك عبدالعزيز
وكان حوالي القوز وكانت ذود الشيخ محمد بنت شنوت المسماه (الشمعات) ترعى في مكان ضمن نطاق الحمايه
واخذت بنت محمد بن شنوت والتي كانت راعيه في الابل ذلك اليوم بتعقيل الابل والحشو بعد ان حست بقربهم في احد الظلعان المجاوره واخذ اخوها الصغير وقتها وهو بركه بم محمد رحمة الله عليه بمسك (البخنق) الشيله منها لمجرد اللعب معها ومن جراء ذلك قامت الابل وصارت غبره وحركه في مبارك الابل وكان ابن رويس ينظر للابل بالدربيل وكان ينوي الذهاب الى الابل لحجزها او اخذها وعندما شاهد الفتاه عند الابل ارتدت نفسه عن الذهاب للابل وقال قصيدته المشهوره.......

ياطفيل ياللي تباين لي .....في خايع بان نـــــواره
ليت البدارين قوم لـــــي ....واخذ على بوشهم غاره
....ولا تحضرني الى هذين البيتين اللي يعرف اكثر يزودنا فيها..

ورد عليه شاعر من البدارين ...
ياللي تمنيت ربع لي......ربعي على الهوش صباره
يوم ابيض الملح ينهلي ...تنشدوا خيل سنجــــــاره
كم سابق دمها شلي....تنشـــــدوا باول الغـــــــاره
لعيون ملح بها جلي ....... ترعى زمـــــاليق نــواره
يارويس مانت بغريم لي...حارس ومركــــــبك سياره
وليت المناصيب تمهل لي..ماتدوج بالقوز وديــــاره


وسلامتكم..............................

يامال العافيه يابن شنوت ياراعي الشمعات بيض الله وجهك على التوضيح انا السالفه ماني متأكد منها وخفت اني انسبها لغير اهلها كنت احسب القصيده للشيب فلذلك اكتفيت بالقصيده حتى البيت الاول عندي ولكن يختلف في الشطر الثاني واللي يقول

ياطفيل ياللي تباينلي <> بحاجر زم نواره

تقبل تحيت وسلامي

[ابن راجح]

الاخوان ابو عبد الله ، ابن مفلح ، عبد العزيز ، ابن شنوت ، مشكورين على المرور

ابن شنوت القصيدة التي ذكرت هي للأمير /هاجد بن رجح اخو صيته رحمه الله ، وابن رويس ليس شيخ من شيوخ عتيبه وانما كان من خدام الحكومه المكلفين بالعمل في الحمى ، ويقول الأمير هاجد

يارويس ماانته زعيم لي = خادم ومركبك سياره
لو المناصيب تمهلي =لتفارق القوز ودياره
ربعي كما ضرب عصملي = ربعي على الهوش صباره
يوم اشهب الملح ينهلي=تنشدوا خيل سنجاره
كم سابق دمها شلي = تنكست بأول الغاره
لعيون ملح بها جلي = ترعى زماليق نواره

[فزاع البدراني]

لاهنت أخوي ابن راجـــح

على هذه المعلومات القيمه عن إبل البدارين

والأشعار التي كتبت فيها وبإنتظار جديدك

والشكر موصول للأخ ابن شنوت على المداخله الرائعه


دمتم بخير

فزاع البدراني
0
0
0

[ابويارا]

الغالي دائماً {{ ابن راحج }}
السلام عليكم ورحمة الله وبركاته

شكراً على هذا الموضوع الرائع والذي
اعتبره من المواضيع التي نحتاجها في
هذا المنتدى لتدوين تراثنا والحفاظ عليه
اتمنى من اخواني اعضاء المنتدى ان
يحذون حذوك

تحيتي وتقديري لك اتمنى لك التوفيق
والصحة والعز والعافيه



ابويارا

[ابومنادي]

الاخ ابن راجح
شكرا على هذا الموضوع الرائع
والمجهود الوافي
ودمت بخير

[احمد بن حزام البدراني]

اشكر الاخ
راجـــ ابن ــــح
على الموضوع الجميع
ونتطلع للمزيد عن
ابل ربعي البدارين
ودمت بخير

[ابن راجح]

الاخوان فزاع ، ابو يارا ، ابو منادي ، احمد بن حزام ، السلام عليكم ورحمة الله وبركاته وبعد سعدت بمروركم واشكركم على هذه الردود الجميله

تقبلوا تحياتــــــــــــــــــــــــــــي ودمــــــــــــــــــــــــــــــــــــــــــتــــ ــــــــــــــــــم بخيــــــــــــــــــــــــــــــر

[الحر النداوي]

الغالي دائماً {{ ابن راحج }}
السلام عليكم ورحمة الله وبركاته
شكراً على هذا الموضوع الرائع
تحيتي وتقديري لك اتمنى لك التوفيق
والصحة والعز والعافيه
تحياتي***
<<<<<الحر النداوي>>>>>