المساعد الشخصي الرقمي

مشاهدة النسخة كاملة : يا ربعي الوافين

نجم الجدي
23-06-2011, 02:09 PM
ســـلام ياربعي الوافين طول الزمن **** تسليمةٍ وافـــــية والخير عنوانها
وين أهل الشعر يالأبطال زان اللحن**** نبدع طواريق ونغني على ألحانها
احمد ماجد البدراني
23-06-2011, 05:50 PM
مرحبا بالرجل اللي يحضر بكل زمن=وبيوته فاتحه للرجال بيبانها
ترحيبه للي يسرد العلم عن من=ماهو لص على البيوت وعربانها
احمد ماجد البدراني
23-06-2011, 06:28 PM
وين رحت يانجم الجدي
احمد ماجد البدراني
23-06-2011, 06:40 PM
يلا لايلايلايلالايلايلانبا نلعب ونبذل الجهود

والظاهر وجودك زي عدم الوجود

عسى ربك يغفرلك هو الرحيم الودود

انا اخاوي رجال تقل اسود

اللي يشب النار يصبر على النار
نجم الجدي
23-06-2011, 08:27 PM
الأخ أحمد شكراً على محاولتك الشعريه
ولكن أبياتك لم تكن على نفس البحر ويتخلل الأبيات بعض الكسور
عبدالمطلوب مبارك البدراني
25-06-2011, 12:46 PM
صحت السنتكم
واستلم اخوي نجم



يا مرحبا بك يا بن بدران والشعر فن = والخيل فرسانها في وسط ميدانها
يا نجم قلبي لفعل الطيب دايم يحن =والناس ما تصدق الا شوفة اعيانها
نجم الجدي
25-06-2011, 11:31 PM
دام البقا بك عدد.. ماسيق فنجال بن **** والشعر عند العرب يا رجل ديوانها
أنشهدن الوفا والطيب ماله ثمـــــــن ****وأهل الردى بشر العالم بخسرانها
مشاري البدراني
26-06-2011, 12:17 AM
صح لسانك يانجم الجدي وصح لسانك ابوناصر
محاوره رائعه
تحياتي
عبدالمطلوب مبارك البدراني
26-06-2011, 02:39 AM
خلوووووووها


هذا السنه يا نجم يالله تزيل الفتن = حتى المره تبلش العربان بلسانها
تبي تقود المطيه ماسكه بالرسن = وبتحمل العائله وتزور صدقانها
نجم الجدي
27-06-2011, 12:11 AM
من عقب تونس ومصر وليبيا واليمن **** لا تنخدع فــــي رخــاء الدنيـــا ولا آمـــانها
واللي تهجول مع الشارع وجو المدن**** مشكوك في وضعها ومخفوض من شانها
عبدالمطلوب مبارك البدراني
27-06-2011, 04:56 PM
يا سلااااام يا نجم

المعذرة على التأخر في الرد كنت بالمدينة

أستلم أخوي
اللي على الساس بانيها يانجم أطمئن = واللي على غير ساس بتكثر احزانها
اللي وراء المشكله أيحسب فعله حسن = ما للمره غير منزلها وورعانها
نجم الجدي
27-06-2011, 05:58 PM
اللي تبا تسوق تاكل يالسنافي تبن **** لوهي على الفيس بوك توثق اعلانها
إتطبق الدين يارجال فرض وســـنن **** واللــي تفلت عليهـــــا ناقص إيمانها
فهد نفيع البدراني
28-06-2011, 01:50 AM
صح لسانك يانجم الجدي
وصح لسانك يابو ناصر
عبدالمطلوب مبارك البدراني
29-06-2011, 03:35 AM
المشكله كانهن في رايهنّ نجحن = والله بيتعب وراها ابوها واخوانها
ياليتهن طلبن شيء على قدهن = ماخالفت سلم اهاليها وحيانها
نجم الجدي
29-06-2011, 10:47 AM
مادام((نايف)) هنا موجود لو هايطن **** ترى الرعية تحت تصريف رعيانها
سلم عليهن وعلمهن وقول أمرحـن **** الممـلكة ثابتٍِِ بالشرع سيسانها
عبدالمطلوب مبارك البدراني
29-06-2011, 02:17 PM
مادام (نايف ) هنا كل الوطن في امن = يا الله تحفظ لنا الدوله وعوانها
المملكه موطن اهل العز واغلى وطن = الله نصرها على اهل الزيف عدوانها
عبدالمطلوب مبارك البدراني
29-06-2011, 02:20 PM
ألاخ الغالي فهد نفيع البدراني

سعدت جدا بمرورك هنا

لك فائق احترامي
نجم الجدي
29-06-2011, 02:53 PM
عيال عبدالعزيز لدارنا أقـــوى حصن **** مثبتينٍ على ديـــن الله أركــــانها
وحنا جنودٍ لهم وقت الرخاء والمحن **** نحمى بلدنا ونلقى الخير بأحضانها
نجم الجدي
29-06-2011, 03:48 PM
صح لسانك ياأبو ناصر ودائماُ مبدع وبيض الله وجهك
وأشكرالأخ فهد على مروره
وشكراٌ للجميع
عبدالمطلوب مبارك البدراني
30-06-2011, 07:04 PM
يعطيك العافية أخوي نجم وما قصرت ووجهك ابيض

لك فائق التحيةةوالتقدير والاحترام
الشاعر بدر راشد
02-07-2011, 09:59 AM
استاذي الشاعر عبدالمطلوب البدراني

صح لسانك يابو ناصر وبيض الله وجهك

محاوره ممتعه



اخوي نجم الجدي


صح لسانك وبيض الله وجهك

امتعتونا جد لك الشكر



الشاعربدرالبدراني
عبدالمطلوب مبارك البدراني
02-07-2011, 01:36 PM
الاخ الغالي شاعرنا بدر راشد

مرورك اثلج صدورنا

لك فائق التحية والتقدير
عبوودي
12-07-2011, 11:55 PM
صح لسانك يانجم الجدي وصح لسانك ابوناصر
عبدالمطلوب مبارك البدراني
13-07-2011, 03:43 AM
صح بدنك عبودي

يعطيك العافية على مرورك

لك الود