يا بني بدران عبر المنتدى نقريكم السلامي !!

[عبدالمطلوب مبارك البدراني]

الاخوة الاعزاء

هذه المحاورة منقولة مباشرة بين الشاعرين ابن بدران وبدر راشد
أمل ان تحوز رضاكم واعجابكم وارجو المتابعة من الجميع ..
البداية من ابن بدران

يا بني بدران عبر المنتدى نقريكم السلامي = اقبلوا مني تحية شاعر مشاعره جياشه

جيتكم يا معشر الشعار معيه بندقي وحزامي = ازهموا راع الحزام اللي ملى من محزمه رشاشه

[الشاعر بدر راشد]

شكرا لبوناصر -شكرا المشرفين المحاوره المباشره-شكرا الشاعر ابن بدران


مرحبابك ياولد بدران سامي بالمقام السامي=بالاصاله والنيابه عن بني عمي نجوم الشاشه


الله اكبر يوم جيت وجابك الله باللقا قدامي=مادريت اني عقيد القوم ماخشا لهوش والهواشه

الشاعربدرالبدراني

[عبدالمطلوب مبارك البدراني]

خلووووووها



ياعقيد القوم يا فلتت ثلاث اشهر وعشر ايامي = ماعليك خلاف لو تنحاش ضمن العالم المنحاشه
ماتطب السوق قبل التاجر اللي حطم الارقامي = التعفف من نصيب المفلسين وحظ للقراشه



أبن بدران

[الشاعر بدر راشد]

شكرا ياستاذي عبدالمطلوب

خل----------------------------------------------------------وها


في نهار العيد عيد الاضحيه راح الضحى صدامي=فدوتن الهل البشوت الشقروالبسام والدشداشه


يازعيم اسويسره عندك رصيد الشعب والحكامي=والبيوت العامره نامو على بيبانها الهتاشه

الشاعربدرالبدراني

[خالد]

متابع

ووينكم ياااصفوف

[عبدالمطلوب مبارك البدراني]

يا معدي فوق برج إيفل تشوف النيل والاهرامي = ما يغشك غير راع النية اللي للعرب غشاشه
البيوت محصنه من دونها الحراس والخدامي = ما يصح الا الصحيح وخل عنك الهلش والهلاشه


ابن بدران

[خالد]

الليل يابن راااشد

[الشاعر بدر راشد]

خل---------------------------------------------------------------وها



القناعه كنز عند المسلمين وديننا الاسلامي=احترم نفسك ياباشه لاتمادا بالخطا ياباشه

لاكن انت امنت علمني وخذ مني جديد اعلامي=الغا الصيد مابه فيد خل البطش للبطاشه



الشاعربدرالبدراني

[صنت البدراني]

ياسلام ياسلام صحة الالسن والقلوب الله يعطيكم العافيه شعراءنا على هذا الابداع

ونشكر ابو ناصر على هذا المجهود الذي يقوم فيه .

[الشاعر بدر راشد]

الاخوه الاعزا المشرفين-المتابعين

اسف وعتذر منكم عن التاخير

الناتج عن عدم الامامي بالجهاز

ولاكنت ادري ان يحتاج التحديث

ولاكن انتم كرما تسمحولي

الله يرحم والدينا والديكم


الشاعربدرالبدراني

[عبدالمطلوب مبارك البدراني]

نختتم هذه المحاورة وعلى المحبة نلتقي
اشكر الشاعرين ابن بدران والذي حان موعد الافصاح عن اسمه
وهو الشاعر عبدالله سالم البدراني وشاعرنا بدر راشد البدراني
واشكر جميع من تابع هذه المحاورة والاخوة المشرفين الشاعر صنت البدراني
والشاعر فهد نفيع البدراني ....

ولكم فائق التحية والتقدير والاحترام

[فهد نفيع البدراني]

صحة ألسنتكم مبدعين ويعطيكم العافية
ونشكر ابو ناصرعلى المجهود الذي قام به
وكذلك الاعضاء المتواجدين والجمهور

[الحرير]

بيض الله وجيهكم ياشعرائنا وبيض الله وجهك يابو ناصر على النقل الجزل وعادتك الجزاله

[تركي الزايد]

بيض الله وجيهكم ياشعرائنا وبيض الله وجهك يابو ناصر على النقل الجزل وعادتك الجزاله

[عبدالمطلوب مبارك البدراني]

ألاخ الحرير

سعدت جداً بمرورك ووجهك ابيض ولا خلا ولا عدم

لك فائق أحترامي

[عبدالمطلوب مبارك البدراني]

أبو يارا مرورك الجزل ووجهك ابيض يا الغالي

لك فائق احترامي وتقديري

[محمد بن جعيثن]

الاخ ابو ناصر
مجهودك ومجهود الاخوان واضح وجلي

اتقدم لك وللاخوان بالشكر الجزيل
ووفقكم الله