فهد نفيع البدراني
16-07-2011, 07:16 AM
اليتيم اللي مسح دمعه بكمــــه = دورة الايام جابــت له مصايب
ما حد ٍ ضمه ياغير الحزن ضمه = والفرح ما مــر يمه ليه غايــــب
مات ابوه وبعد موته ماتت أمـــه = مابقى ياغير حظه حظ عايـب
إن تذكرهم بدأ جرحـه يسمـه = لين صار القلب نيران ولهايـب
مالقى له عــزة ٍ في جنــب عــمــه = ولا لقى له طيبة ٍبين القرايب
ينتثــر حلمــه ولايقدر يلمــــه = يندفن حلمه وترفع له نصايب
له مكان ٍكل مامســى راح يمــه = مالعبه غير صلفات الهبايب
كل مامسى الليـل هاجـوس ٍ يخمـه = يسري بليله كذا ويعود خايب
لو مـر العيــد ما ظــن ابيهمــــه = كيف يفرح فاقد أعز الحبايب
من مسح دمعه ومن هو شال همه = من يحن ويمسح دموع ٍسكايب
دوّروا له راحــة ٍ في راس قمـة = لاتخلونه كذا بدنيا العجابيب
ما سمعتوا توصية رسول الامــة = باصبعين اشر كذا والقول صايب
فهد البدراني
ما حد ٍ ضمه ياغير الحزن ضمه = والفرح ما مــر يمه ليه غايــــب
مات ابوه وبعد موته ماتت أمـــه = مابقى ياغير حظه حظ عايـب
إن تذكرهم بدأ جرحـه يسمـه = لين صار القلب نيران ولهايـب
مالقى له عــزة ٍ في جنــب عــمــه = ولا لقى له طيبة ٍبين القرايب
ينتثــر حلمــه ولايقدر يلمــــه = يندفن حلمه وترفع له نصايب
له مكان ٍكل مامســى راح يمــه = مالعبه غير صلفات الهبايب
كل مامسى الليـل هاجـوس ٍ يخمـه = يسري بليله كذا ويعود خايب
لو مـر العيــد ما ظــن ابيهمــــه = كيف يفرح فاقد أعز الحبايب
من مسح دمعه ومن هو شال همه = من يحن ويمسح دموع ٍسكايب
دوّروا له راحــة ٍ في راس قمـة = لاتخلونه كذا بدنيا العجابيب
ما سمعتوا توصية رسول الامــة = باصبعين اشر كذا والقول صايب
فهد البدراني