رد ثناء للشاعر فلاح مشعل البدراني

[خالد]

من لايشكر الناس لايشكر الله
هذه القصيدة رد ثناء من الشاعر فلاح مشعل البدراني



يا مرحبا بالحاضرين اهل الطيب=اللي يمانيهم على متن يمناي
اهل الحمياء لا عوى الذيب للذيب=فزعاتهم في جانبي تزعل اعداي
رفقت عمر ماهي برفقت تراحيب=حلو اللـسان اللي ماغير التحياي
بس يتحلوالي ولا من مقاضيب=عرفت معه نهايتي عند مبداي
ولاعشت في رجوى خبيث الهناديب=حنا رجالاً مانتلزآ تلزاي
وتغيَر الرجال عن جابته عيب=الا الرخوم اللي تصغا تصغاي
ليا منها راحت لفتل الاشانيب=معنا الرجال اللي لها الصيت والراي
خيالة البل محتمين المواجيب=ندر الحظوظ ولا ندوبح لخطاي
جمعاً مثل روس الجبال المحاديب=معيمني ومعيسري غايت مناي
مثل السيوف الساطيات المعاطيب=اشوف راسي فوق لا شفت خوياي
الله يجملني بهم ياتريحيب=بيام دنياهم وبيام دنياي
ياحميد ربعي ولا على ربعي صعيب=ولولا الجماعة راحت الدلو برشاي
يـوم انها صكة علي الطلاليب=مثل الحرار انظارهم ما بها إغضاي
تضارسو مثل الجمال المناويب=وكلاً تحمس والسعد عند مولاي
رفعتها في جاه من يعلم الغيب=ماقلت لولا فلان وفلان لولاي
بامر الئلاه وفي نظام المعازيب=الله لايخيب رجاهم ورجواي

[ضيف اللة عوض البدراني]

صح لسان الشاعر
فلاح بن مشعل
يعطيك العافيه
يا بو فراج

[عبدالمطلوب مبارك البدراني]

قصيدة رائعة اخوي خالد صح لسانك ولسان الشاعر فلاح مشعل البدراني
ووعادة اهل الطيب الوفاء

لك تحيتي وفائق احترامي

[الشاعر بدر راشد]

خالد الله يعطيك العافيه يالغالي

على النقل المتقن الجيد



الشاعر الكبير فلاح بن مشعل البدراني صح لسانك يالغالي هاكذا الشعر ولابلاش



يعجبني الشعر الحقيقي ونته شاعر حقيقي يابومحمد


لك التقدير والاحترام


الشاعربدرالبدراني

[محمد بن جعيثن]

بسم الله الرحمن الرحيم

الاخ خالد


رد الثناء من طبع الرجال الاوفياء
وابو محمد واحد منهم
تقبل مروري


ولكم الود

[تركي الزايد]

رد الثناء من صفات الرجال الاحرار

صح لسانك ياخالد ولسان الشاعر الكبير فلاح بن مشعل