الشاعر سعود بن حسن العريفي يرثي الشيخ نائف بن هاجد

[محمد بن جعيثن]

بسم الله الرحمن الرحيم


وراي مابكي على غيبتك يانايف=وأرخص لغيبتك حزن ن ينزف دموعي
وأنت بن بدران نايف ممن الخايف=اللي لفرقاك يبكي الترف وينوعي
أعزي الدين وأهل الدين والضايف=وعزاي للي ترك مسروح من دوعي
وعزاي يشمل من خريمان للطايف=وعن ساير الناس ينصى طايل البوعي
وأعزي أبوي في نوماس ن مهايف=هيف معه في غياهب قبر ن يروعي
مافي سجاياك ياشيخ العرب زايف=ميراث الاجداد طبع ن يحذي طبوعي
كنا لشوفتك نعطي شوفة الشايف=نبغى زيارة كريم ن تحيي الذوعي
والكارأشوفه بعد توديعك مسايف=يوم الرجا فالزياره صار مقطوعي



الشاعر سعود بن حسن العريفي

ونشكر الشاعر سعود العريفي على مشاعره ونقول له جزاك الله خيرا


لكم الود

[خالد]

شكراً للشاعر سعود العريفي ..,

وشكراً ابو عبدالله على المتابعه

[ضيف اللة عوض البدراني]

كنا لشوفتك نعطـي شوفـة الشايـف
نبغى زيارة كريم ن تحيـي الذوعـي
والكارأشوفه بعـد توديعـك مسايـف
يوم الرجا فالزياره صـار مقطوعـي


شكرا للشاعر سعود العريفي
ولك يا بو عبد الله